استانا – تۇركى الەمىنىڭ ەلورداسى

27 ساۋىردە قازاقستان پارلامەنتى ءماجىلىسىنىڭ توراعاسى ورال مۇحامەدجانوۆ تۇركيا ۇلى ۇلتتىق جينالىسىنىڭ توراعاسى مەحمەت الي شاحينمەن كەزدەستى.  «قوش كەلدىڭىزدەر, اسا قۇرمەتتى تۇركيالىق ءارىپ­تەستەر!» دەپ ءسوزىن باستاعان ءما­جىلىس توراعاسى مەيمانداردى استانادا, پارلامەنت قابىرعاسىندا قارسى الىپ وتىرعانىنا قۋا­نىشتى ەكەنىن جەتكىزدى, دەپ حابارلادى ءماجىلىستىڭ ءباسپاسوز قىزمەتى. «شاحين مىرزا باستاعان ءتۇر­كيا پارلامەنتشىلەرىنىڭ دەلەگا­تسيا­سىن استانا قالاسىندا تۇرك پا-عا قاتىسۋشىسى رەتىندە قا­بىلداپ وتىرعانىمىز ۇلكەن ءمار­تە­بە ەكەنىن اتاپ ءوتۋ قاجەت جانە شاقىرۋىمىزدى قابىل العان­دا­رىڭىز ءۇشىن ريزاشىلىق بىلدىرەمىن», – دەدى ورال مۇحامەدجانوۆ. قازاقستان مەن تۇركيا ارا­سىن­داعى ساياسي جانە ساۋدا-ەكونو­ميكالىق, مادەني-گۋمانيتارلىق قارىم-قاتىناس جوعارى دەڭگەيدە دامىپ كەلەدى. پرەزيدەنت ن.نازارباەۆتىڭ 2009 جىلعى 21-23 قازانداعى تۇركياعا رەسمي ساپا­رى بارىسىندا قازاقستان مەن تۇركيا اراسىنداعى ستراتەگيا­لىق ارىپتەستىك تۋرالى كەلىسىمگە قول قويىلدى. ءماجىلىس توراعاسى قازاقستان-تۇركيا قاتىناستارى ساپالىق جاڭا مازمۇنعا يە بول­عاندىعىن جانە قازاقستان مەن تۇركيا اراسىنداعى ستراتەگيا­لىق ارىپتەستىك تۋرالى كەلىسىمنىڭ جاسالۋى ەكىجاقتى ىنتىماق­تاستىقتى دامىتۋدا جاڭا كەزەڭ بولىپ تابىلاتىنىن اتاپ ءوتتى. «ءبىزدىڭ ەلدىڭ تۇڭعىش پرە­زيدەنتىنىڭ باستاماسىمەن تۇركى كەڭەسىنىڭ جانە تۇرك پا-نىڭ قۇ­رىلۋى ەكى ەلدىڭ ىنتى­ماقت­اس­تىعى ودان سايىن نىعايا تۇسۋىنە جاعداي جاسايدى. جانە دە ەكى ەلدىڭ پارلامەنتارالىق بايلا­نى­سىنىڭ ءورىس الۋىنا جول اشادى», – دەدى ورال مۇحامەدجانوۆ. وتكەن جىلى تۇركيا پرەزيدەنتى استاناعا كەلگەن ساپارىندا تۇركى اكادەمياسى اشىلدى. قا­زاقستان باسشىسى ن.­ا.نازار­باەۆ­تىڭ باستاماسى بويىنشا 2010 جىلى استانا قالاسىندا تۇركى اكادەمياسى – تۇركى وركەنيەتىنىڭ تاريحى مەن مادەنيەتىن زەرتتەۋمەن اينالىساتىن حالىقارالىق عىلىمي-زەرتتەۋ ورتالىعى اشىل­عانى ءمالىم. «قۇرمەتتى باۋىرىم, دوسىم», دەپ ءسوزىن باستاعان تۇركيا ۇلى ۇلتتىق جينالىسىنىڭ توراعاسى مەحمەت الي شاحين تۇركىتىلدەس مەملەكەتتەر پارلامەنتتىك اس­سام­بلەياسىنىڭ ءىس-شارالارى جاق­سى ۇيىمداستىرىلىپ جاتقانىنا العىسىن ءبىلدىردى. «قازاقستان پرە­زيدەنتى نۇرسۇلتان نازار­باەۆ­تىڭ كوپ داۋىس جيناپ, حا­لىقتىڭ قولداۋىمەن سايلانۋى ءبىز ءۇشىن دە ۇلكەن قۋانىش. سوعان وراي سىزدەردى قۇتتىقتاعىم كەلەدى», – دەدى م.شاحين. تاراپتار وسىنداي كەزدەسۋلەر قازاقستان-تۇركيا قارىم-قاتى­ناس­تارى, ونىڭ ىشىندە پارلامەنت­ارالىق ىنتىماقتاستىقتى دامى­تۋ مەن نىعايتا تۇسۋدەگى جاڭا كەزەڭ بولاتىنىنا سەنىم ءبىلدىردى. ورال مۇحامەدجانوۆ ءازىر­باي­جان رەسپۋبليكاسى ميللي مەدجليسىنىڭ توراعاسى وكتاي اسادوۆپەن دە كەزدەستى.