ىقپالداستىق جولىنداعى جۇزدەسۋ

كەشە پارلامەنت سەناتىنىڭ توراعاسى قايرات ءمامي اس­تا­نا­عا تۇركىتىلدەس مەملەكەتتەر پارلامەنتتىك اسسامبلەياسىنىڭ (تۇرك پا) ءىى جالپى وتىرىسىنا قاتىسۋ ءۇشىن استاناعا كەلگەن قىرعىز رەسپۋبليكاسى جوگوركۋ كەنەشىنىڭ توراعاسى احماتبەك كەلديبەكوۆپەن كەزدەستى, دەپ حابارلادى وسى پالاتانىڭ ءباسپاسوز قىزمەتى. كەزدەسۋ بارىسىندا قازاقستان مەن قىرعىزستاننىڭ ەكىجاقتى قاتىناستارىن, ونىڭ ىشىندە پار­لا­مەنتارالىق ىقپالداستىقتى ودان ءارى دامىتۋ ماسەلەلەرى تال­قى­لاندى. «قىرعىزستان قازاق­ستان­نىڭ ماڭىزدى ستراتەگيالىق ءارىپ­تەسى جانە تاتۋ كورشىسى بولىپ تا­بى­لادى», دەدى ق.ءمامي جانە ول ءبىزدىڭ ەلىمىزدىڭ ىشكى ساياسي تۇراقتىلىقتى قامتاماسىز ەتۋ مەن ۇلتتىق ەكو­نوميكانى دامىتۋ جونىندەگى قىر­عىزستان باسشى­لى­عىنىڭ كۇش-جىگەرىن قولدايتىنىن اتاپ ءوتتى. وسىعان بايلانىستى توراعا قازىرگى كەزدە قازاقستان جاعى قىر­­عىزستانعا كومەك بەرۋ ءجو­نىن­دەگى مەملەكەتارالىق باعدارلاما ازىرلەۋگە كىرىسكەنىنە, سونىمەن قاتار, پرەزيدەنت ن.نازارباەۆ بي­ىلعى جولداۋىندا بۇل ماسە­لەگە ەرەكشە كوڭىل بولگەنىنە توق­تالدى. ق.ءماميدىڭ ايتۋىنشا, زاڭ شىعارۋ ورگاندارى اراسىنداعى تۇراقتى بايلانىستار ەكىجاقتى جانە كوپجاقتى تۇرعىداعى ىن­تىماقتاستىقتى نىعايتۋعا ىقپال ەتەدى. قازاقستان مەن قىرعىزستان پارلامەنتشىلەرى تمد, ەۋرازەق جانە ۇقشۇ پارلامەنتتىك اس­سام­بلەيالارى اياسىندا ءوزارا بەلسەندى ءىس-قيمىل جاساۋدا. وسى ۇيىمدار شەڭبەرىندەگى ءوزارا ءىس-قيمىلدىڭ پارلامەنتتىك بايلا­نىس­تاردى ودان ءارى نىعايتۋ, ءتور­اعا اتاپ وتكەندەي, ورتاق سترا­تە­گيالىق ماقساتتارعا جاۋاپ بەرەتىن ىقپالداستىق ۇدەرىستەرىن دامىتۋدا ماڭىزدى ءرولى بار. تۇركىتىلدەس مەملەكەتتەردىڭ پار­لامەنتتىك اسسامبلەياسىنىڭ قىز­مەتىنە قاتىستى ق.ءمامي قا­زاقستان رەسپۋبليكاسىنىڭ پرەزيدەنتى ن.نازارباەۆتىڭ باستاماسى بويىنشا قۇرىلعان تۇرك پا-نى دامىتۋعا قوسقان قىرعىز جا­عى­نىڭ ۇلەسى ءۇشىن ريزاشىلىق ءبىلدىردى. «باۋىرلاس حالىقتاردىڭ اسسامبلەياسى حالىقارالىق پارلامەنتتىك ۇيىمدار اراسىندا ەرەكشە ورىن الاتىنى داۋسىز», دەدى سەنات توراعاسى جانە ول «ونىڭ تابىستى جۇمىسى ءبىزدىڭ حالىقتارىمىزدىڭ يگىلىگىنە ارنالادى» دەپ سەنىم ارتتى. ا.كەلديبەكوۆ, سونىمەن بىرگە, مەملەكەتارالىق قاتىناستارداعى بارلىق سالالار بويىنشا قا­زاق­ستان مەن قىرعىزستان بايلا­نىس­تارىن ودان ءارى نىعايتۋدى جاق­تايتىنىن ايتتى. ونىڭ اي­تۋىن­شا, پارلامەنتتىك جەلى بويىنشا ىنتىماقتاستىق ەكى ەلدىڭ جان-جاقتى قاتىناستارىن تەرەڭدەتۋگە قوماقتى ۇلەس بولادى.