وبلىستىق ىشكى ىستەر دەپارتامەنتىنىڭ ۇيىمداسقان قىلمىسقا قارسى كۇرەس باسقارماسى قىزمەتكەرلەرى جەدەل ىزدەستىرۋ شارالارىن وتكىزۋ بارىسىندا اقساي قالاسىنىڭ ورتالىعىندا ورنالاسقان ەكى قاباتتى عيماراتتان زاڭسىز جۇمىس ىستەپ كەلگەن قۇمار ويىن مەكەمەسىن انىقتادى.
تەكسەرۋ بارىسىندا ويىن زالىنان «رۋسسكايا رۋلەتكا» دەگەن جازۋى بار بەس دانا ويىن اۆتوماتى جانە ويىن بارىسىندا جينالعان ۇتىس اقشالارى تابىلىپ, تاركىلەندى. ءىس-شارانى جۇزەگە اسىرۋ ساتىندە زالدا قۇمار ويىنعا باستارى اينالعان بەس ادام بولعان. بۇل ويىن زالىنىڭ يەسى اقساي قالاسىنىڭ ا. ەسىمدى 20 جاسار تۇرعىنى بولىپ شىقتى.
2007 جىلدىڭ 1 ساۋىرىنەن باستاپ كۇشىنە ەنگەن «ويىن بيزنەسى» تۋرالى زاڭدى اتالعان تۇلعا ءوزىنىڭ زاڭسىز ءىس-ارەكەتتەرىمەن وسىلايشا بۇزىپ كەلگەن.
ەندى زاڭدى بەلىنەن باسىپ, وسى ۋاقىتقا دەيىن ويىنداعىسىن جۇزەگە اسىرىپ كەلگەن جۇگىرمەك قاتاڭ جاۋاپكەرشىلىككە تارتىلاتىن بولادى.
فاتيحوللا ماشتاقوۆ, پوليتسيا پولكوۆنيگى.
باتىس قازاقستان وبلىسى.