تەمىرجولشىلار سەنبىلىككە شىقتى

«قازاقستان تەمىر جولى» ۇك» اق ۇجىمى ءداستۇرلى سەنبىلىككە شىقتى التايدان اتىراۋعا دەيىنگى قۇس قاناتى تالاتىن 14 مىڭ شا­قىرىمدىق ماگيسترالدى جەلىنىڭ بويىنداعى تەمىرجول­شى­لار قاۋى­مى ءبىر اتانىڭ بالاسىنداي ۇيىم­داسقان تۇردە سەنبىلىككە شىقتى. ونداعى ماقسات – قىس بويى قاسات قاردىڭ استىندا قالىپ, كۇن كو­تە­رىلە اينالاعا ونشا ءار بەرە قوي­ماي­تىن كۇل-قوقىستاردان ارىلۋ. استانا قالاسىنداعى ءتورت مىڭنان استام, ايماقتارداعى جول بولىمشەلەرىندەگى ونداعان مىڭ تەمىرجولشىلار سەنبى كۇنى كاسىپ­ورىن اۋماقتارىن تازالادى. «قتج» ۇك» اق ورتالىق اپپاراتى قىز­مەت­كەرلەرى مەن فيليالدارىنىڭ قىزمەتكەرلەرى اۋەجايعا شىعا­تىن جول بويىندا جۇمىس ىستەدى. استاناداعى اۋا رايىنىڭ سال­قىن­دىعىنا قاراماستان تەمىر­جولشىلار جول جيەگىندەگى ورمان القاپتارى مەن شوپتەسىن ءوسىم­دىك­تەردى بىلتىردان بەرى جينالىپ قالعان جاپىراقتاردان ارشىدى. قىزمەتكەرلەرگە ارنالعان «دالالىق اسحانا» ىستىق شاي مەن ءدامدى تاعامداردى  جەتكىزدى. ەسكەندىر ەرتاي. استانا.