اپاتپەن ارپالىسقاندار

چەرنوبىل اتوم ەلەكتر ستانسا­سىنداعى الاپات اپاتتى ۇمىتۋ مۇمكىن ەمەس. وسىدان تۇپ-تۋرا شيرەك عاسىر بۇرىن بولعان جارى­لىس­تان 190 مىڭ توننا رادياكتيۆتى زات اۋاعا تارادى. 5 ميلليون ادام زارداپ شەكتى. ادامزات ومىرىنە, قور­شاعان ورتاعا زور قاۋىپ توندىرگەن اپات وشاقتارىن زالالسىز­دان­دى­رۋعا قازاقستاننان 35 مىڭعا جۋىق ادام قاتىستى. تاعدىر­دىڭ جازۋىمەن جانقيارلىق ەرلىكتىڭ عالا­مات ۇلگىسىن كورسەتكەن ولاردى قا­لاي قۇرمەتتەسەك تە جاراسادى. عا­بيت ءمۇ­سىرە­پوۆ اۋدانىندا چەر­نو­بىلداعى زارداپتارىن جويۋعا بەلسەنە اتسالىس­قان 40 ادام تۇ­رادى. ولاردى ۇلىق­تاۋعا ارنالعان يگىلىكتى ءىس مازمۇن­دىلىعىمەن ەستە قالدى. سالتاناتتى شارانى اۋدان اكىمى مارات تاسماعانبەتوۆ اشىپ, سول ءبىر قاسىرەتتى كۇندەردەگى ادام­دار­دىڭ بىرلىگى, ىنتىماعى ەشقاشان ۇمىتىلمايتىنىن جەتكىزدى. ول سەمەي جەرىندە 456 جارىلىس ورىن العانىن, ەلباسى نۇرسۇلتان نا­زارباەۆتىڭ تەگەۋرىندىلىگى ارقا­سىن­دا جابىلعانىن, ەلىمىز يادرولىق قارۋدان ەرىكتى تۇردە باس تارتىپ, تورتكۇل الەمگە ۇلگى كورسەتكەنىن ايتا كەلىپ, اپات زارداپتارىن جويۋ­عا بەلسەنە قاتىسقان جاندارعا العىس حاتتار مەن باعالى ەسكەرتكىش سىيلىقتار تاپسىردى. 6 ادام ساناتوريگە جولداما الدى. سولاردىڭ ءبىرى ۆلاديمير بوتنارەنكو العاش­قى­لار­دىڭ قاتارىندا ۋكراينا جەرىنە اتتانىپ, جارتى جىلداي جۇمىس ىستەپتى. جەتپىستى القىمداپ قالعان ول سول كەزدەرى قىرىقتىڭ قىرقاسىنان ەندى اسقان ەكەن. – وسىدان 5 جىل بۇرىن 50-شاقتى ەدىك. جىل وتكەن سايىن قا­تارىمىز سيرەپ كەلەدى. 16 ادام ءمۇ­گەدەكتەر قاتارىندا. شىنىن ايتسام, ءدال بۇگىنگىدەي ماراپات كۇت­پەپ ەدىم. بۇرىندارى ءدال وسى­لاي باسىمىز قوسىلىپ كورمەپتى. ءتىپتى ارامىزدا ءبىر-ءبىرىن بىلمەيتىندەر دە بار كورىنەدى, – دەپ ۆلاديمير تيمو­فەەۆيچ اعىنان جارىل­دى. ءانۋ اقپانوۆ, نيكولاي گوش, ار­تۋر ەسلاموۆ, پاۆەل رادچەنكو سەكىلدى ازاماتتار تەپسە تەمىر ۇزەتىن 25 جاسىندا اجالمەن بەتپە-بەت كەلسە, ۆلاديمير فرانتسۋزوۆ نەبارى 20 جاستا بولعان. اكىمدىكتىڭ شاراعا تياناقتى دايىندالعانى كورىنىپ تۇردى. اۋدان اكىمىنىڭ ورىنباسارى التىن­شاش تاي­شاباەۆانىڭ ايتۋىنشا, ونى ءوت­كىزۋگە اۋدان اكىمى مارات يمانباي ۇلى باستاما كوتەرىپ, 700 مىڭ تەڭگە ءبول­گىزىپتى. چەرنوبىل زارداپتارىن جويۋعا قاتىسقان ازاماتتارعا داستارقان جاي­ى­لىپ, جەرگىلىكتى كوركەمونەر­پازدار كونتسەرت قويدى. ءومىر ەسقالي. سولتۇستىك قازاقستان وبلىسى, عابيت مۇسىرەپوۆ اۋدانى.