«ارىستاننىڭ» ورەندەرى

جالاۋ جەلبىرەتىپ, انت قابىلدادى الاتاۋدىڭ تالعار بەتتەگى ادەمى قويناۋلارىنىڭ بىرىنە ور­نالاسقان «ارىستان» مامان­دان­دىرىلعان ليتسەيى قازىردە كوپكە ءمالىم. جاس ورەندەردى اسكەري ءتار­­تىپپەن وقىتاتىن وسىناۋ ءبىلىم ورداسى وتكەن جىلى «نۇر­سۇل­تان نازارباەۆتىڭ ءبىلىم قو­رى» قوعامدىق قورىنىڭ ءبىلىم بەرۋ ماقساتىنداعى قايىرىم­دى­لىق جوباسىنىڭ اياسىندا اشىلعان بولاتىن. مىنەكي, ءوت­كەن جەكسەنبىدە ليتسەي وقۋشى­لارىنا جالاۋ تاپسىرۋ ءراسىمى ءوتىپ, ورەندەر انت قابىلدادى. ءبىزدىڭ ءبىر بايقايتىنىمىز, «ارىستان» اسكەري ليتسەيى ءجو­نىندە حالىق ءار جەردە كوبىرەك بىلگىسى كەلەدى. بۇل دەگەنىڭىز وسى زاماندىق ۇلكەن ءبىلىم كەشەنى, بارلىق قولايلى جاعدايلار تۋ­عىزىلعان دەۋگە بولادى. وندا نە­گىزىنەن رەسپۋبليكانىڭ ءار تا­راپىنان كەلگەن تۇرمىسى تومەن وتباسىلاردىڭ ۇلدارى جانە جەتىم بالالار وقيدى. ليتسەي ءوزى­نىڭ باستى مىندەتىن قازىردىڭ ءوزىن­دە جاقسى اتقارىپ, جاس ورەن­دەردى ەلىمىزدىڭ قاۋىپسىز­دى­گىن قامتاماسىز ەتەتىن قۇرى­لىم­دارداعى مەملەكەتتىك قىز­مەتكە ءازىر ەتەتىن بولاشاق وقۋعا جان-جاقتى دايىنداۋدا. بۇگىنگى جالاۋ تاپسىرۋ ءرا­سىمىنە كەلەر بولساق, بىلاي. جالاۋ دەگەنىمىز ليتسەيدىڭ ءرامىزى, وقۋ ورنىنىڭ ار-وجدانىنىڭ, داڭقى مەن داستۇرلەرىنىڭ, اسكە­ري دايارلىق جونىندەگى مامان­دىق باعدارىنىڭ بەلگى-بەينەسى بولىپ تابىلادى. ياعني, ليتسەيگە جالاۋدىڭ رەسمي تۇردە تاپ­سى­رى­لۋى وقۋ ورنىنا ەرەكشە ءمار­تەبە بەرەدى, مەرەيىن كوتەرەدى. ليتسەي الدىنداعى الاڭدا مە­رەكەلىك كوڭىل كۇي. سى­نىپ­تار­دىڭ ورەندەرى شەرۋ فورما­سىمەن ساپقا تۇرىپتى. ليتسەي باستىعى, گەنەرال-مايور س.تاۋلانوۆ كوماندا بەرگەننەن كەيىن وركەستر مارش ىرعاقتارىن قۇي­قىلجىتتتى. بۇدان سوڭ ليتسەي باستىعى «نۇرسۇلتان نازار­باەۆ­تىڭ ءبىلىم قورى» قوعامدىق قورىنىڭ ديرەكتورى دينارا قۇ­لىباەۆاعا ليتسەيدىڭ جەكە قۇرامى جالاۋ تاپسىرۋ ءراسىمى ءۇشىن ساپقا تۇرعىزىلعانىن بايان ەتتى. دينارا نۇرسۇلتانقىزى باياندى قابىل الىپ, ليتسەي وقۋشىلارىمەن امانداستى. ودان سوڭ تۋ ۇستاۋشىدان جەلبىرەگەن جالاۋدى الىپ, ليتسەي باستى­عىنا سالتاناتتى تۇردە تابىس ەتتى. ليتسەيدىڭ جەكە قۇرامى وسىنداي قۋانىشتى جاعدايعا باي­لانىستى توڭىرەكتى جاڭعى­رىق­تىرا ءۇش مارتە: «ۋرا!» دەپ جاۋاپ قايتاردى. ليتسەي باستىعى س.تاۋلانوۆ جالاۋ تاپسىرىلعانى ءۇشىن ال­عى­سىن ءبىلدىرىپ, ليتسەي وقۋشى­لارىنان انت قابىلداۋ راسىمىنە كىرىسەتىندىگىن مالىمدەدى. ءاربىر وقۋشى جالاۋ جانىنا ساپ ال­دىندا سالتاناتپەن ادىمداپ كەلىپ, انت ءماتىنىن وقي باستادى. انتتىڭ سوڭىنا قاراي باسقا ورەندەر دە ونىمەن بىرگە: «انت ەتەمىز!» دەگەن ءسوزدى ءۇش مارتە قايتالاپ تۇردى. بارلىعى 80 ورەننەن انت قابىلداۋ ءراسىمى اياقتالعاننان كەيىن قۇتتىقتاۋ تىلەكتەرى ايتىلىپ, وركەستردىڭ, اەروۇتقىر كۇشتەر ارنايى ءبو­لىمشەسىنىڭ, رەسپۋبليكالىق ۇلان­نىڭ قۇرمەتتى قاراۋىل روتاسى­نىڭ ونەرى تاماشالاندى. قورعانبەك امانجول. ---------------------------------- سۋرەتتى تۇسىرگەن بەرسىنبەك سارسەنوۆ.