جاستار داۋىسى دا اسا ماڭىزدى

كەشە وسىدان ءبىر ايدان استام ۋاقىت بۇرىن, ياعني 22 اقپان كۇنى استاناداعى س.سەيفۋللين اتىنداعى قازاق اگ­رارلىق تەحنيكالىق ۋنيۆەرسيتەتىنىڭ ءبىر توپ ستۋدەنت­تە­رى­نىڭ باستاماسىمەن جاستار اراسىندا قازاقستان رەسپۋب­لي­كا­سىنىڭ كەزەكتەن تىس پرەزيدەنتتىك سايلاۋىن ناسيحاتتاۋ ماقساتىندا «مەنىڭ داۋىسىم العاشقى! مەنىڭ داۋىسىم ماڭىزدى!» اتتى باستالعان ءىس-شارا مارەسىنە جەتتى. وسى كەزدەن باستاپ اتال­مىش وقۋ ورنىنىڭ ستۋدەنتتەرىنەن قۇرىلعان «تاۋەل­سىزدىك تەرريتورياسى» قوزعا­لى­سى ءبىر اي ىشىندە كوپتەگەن اكتسيالار وتكىزىپ ۇلگەردى. سو­نىڭ ىشىندە ەڭ باستىلارى «قا­زاقستان-رە­سەي ۋنيۆەرسي­تە­تىنىڭ وندىعى اگرارلىق ۋنيۆەرسيتەتتىڭ بەستىگىنە جاۋاپ بەرەدى», «ءوزىڭدى ساي­لاۋشى رەتىندە كورسەت», «­جاس سايلاۋشىنىڭ جولى – تاۋەل­سىزدىك تەرريتورياسى», «جاس وتباسى-2011. مەنىڭ وتباسىم داۋىس بەرەدى» مەن «مە­نىڭ جەڭىسىم – مەنىڭ پرەزيدەنتىمە ارنالادى» اتتى جاس وتباسىلار مەن سپورت فەستيۆالدەرى بولدى. سونىمەن بىرگە, وسى شارالاردان بولەك جوعارى جانە ورتا وقۋ ورىندارى, جاستار ءجيى جينا­لا­تىن تۇنگى كلۋبتار مەن باسقا دا جەرلەردە قىزىقتى ءىس-شارالار ءوتتى. «تاۋەلسىزدىك تەرريتوريا­سى» قوزعالىسىنىڭ ۇيلەستىرۋشى­سى مارجان ءابدىلماجيتوۆانىڭ ايتۋىنشا, ءبىر اي بويى وتكىزىل­گەن شارالارعا قالانىڭ كوپ جاس­تارى قاتىستى. ولاردى اكتسياعا قىزىقتىرۋ ءۇشىن دە كوپ جۇ­مىس­تار ىستەلدى. ماسەلەن, اكتسيانىڭ كوبىنە جاستار جينالاتىن تۇنگى كلۋبتاردا ۇيىمداستىرىلعانى ۇتىمدى بولدى. سونىڭ ارقا­سىندا تەك ستۋدەنتتەر عانا ەمەس, بارلىق جاستار سايلاۋ جونىندە كەڭىرەك مالىمەت الىپ, ءاربىر ازاماتتىڭ وسىناۋ ساياسي وقي­عاعا قاتىسۋى ماڭىزدى ەكەندىگى ءتۇسىندىرىلدى. ال وسى قوزعالىس­تىڭ تاعى ءبىر مۇشەسى, س.سەيفۋللين اتىنداعى اگرارلىق ۋني­ۆەر­سي­تەتتىڭ 1-كۋرس ستۋدەنتى سان­دۋعاش بورامبەكتىڭ پىكىرىنشە, بۇل جوبا تەك ءبىر كان­ديداتقا ەمەس, ءتورت ۇمىتكەردىڭ بارىنە ارنالعاندىقتان, وعان پرەزيدەنتتىككە كانديداتتار­دىڭ بار­لىق وكىلدەرى قاتىسىپ, ءوز­دەرىنىڭ سايلاۋالدى باعدار­لا­ماسىن ءتۇسىندىرىپ, جاستار ارا­­سىندا ناسيحات جۇمىس­تا­رىن جۇرگىزۋگە مۇمكىندىك الدى. وسى اكتسيا بارىسىندا جا­ڭا­دان قۇرىلعان «تاۋەلسىزدىك تەر­ريتورياسى» اتتى مۋزى­كالىق توبى قالانىڭ كوپ جەرىندە ونەر كورسەتىپ, قۇر­داس­تار, زامانداس­تارىن سايلاۋعا قاتى­سۋعا شا­قىردى. س.سەيفۋللين اتىنداعى اگرارلىق ۋني­ۆەرسيتەتتىڭ ستۋدەنتتەرى مەرەي سامات, جانىبەك ەسىمسەيىتوۆ, رۋسلان قابانتاەۆ پەن ل.ن.گۋميلەۆ اتىنداعى ەۇۋ ستۋدەنتى پاۆەل سەليۆەرستوۆ دەگەن جاستاردان قۇرالعان توپ سايلاۋ كۇنىنە دەيىن ونەرلەرىن كورسەتە بەرمەك. داستان كەنجالين. استانا.