جاڭا...

...تاپسىرىستار جاسالدى وندىرىسكە قاجەتتى اسپالى كراندى وبلىس ورتالىعىن­دا­عى  «ماشينە جاساۋ» زاۋىتى جاساپ شىعاردى. زاۋىت اس­پا­لى كراندار ءوندىرىسى بوي­ىن­شا اتى بەلگىلى نەمىس كونتسەرنىمەن ەكى جىل­دان بەرى ءارىپ­تەستىك بايلانىس ورناتقان. ەندى  بۇل وندىرىستىك باي­لا­نىس ودان ءارى جالعاسادى دەگەن ءسوز. ياعني, ساپالى قۇرال-جابدىق شىعارۋعا  يننوۆا­تسيا­لىق تەحنولوگيا مۇمكىن­دىك بەرەدى. زاۋىتتا قۇراس­تى­رىلاتىن تەحنيكا حالىقارا­لىق ساپا سەر­تيفيكاتىنا يە. ءوز ەلىمىز بويىنشا  جۇك كوتەرگىش اسپالى كراندارعا نەگىزىنەن «قازمىرىش», «قاز­­حروم», «ارسەلور ميتتال تەمىرتاۋ» كومپانيالارى مەن رەسەي­دىڭ سەروۆ مەتاللۋرگيا كومبي­ناتى تاپسى­رىس بەرۋدە. فاريدا بىقاي. پاۆلودار. * * * ...عيماراتقا كوشتى قازاقستانداعى «تۇرعىن­ۇي­قۇ­رىلىس­جي­­ناقبانكى» اق-تىڭ قوستاناي وبلىستىق في­ليالى جاڭا عي­ما­راتقا كوشتى. مەكە­مەنىڭ بۇ­رىن­عى عيماراتى ونىڭ سالىم­شى­لارعا تولىق­قاندى قىز­مەت كور­سەتۋى ءۇشىن تارلىق ەتتى. ال بانك في­لي­الىنىڭ جاڭا عي­ماراتى قوس­­تانايدىڭ ناق كىندىك ورتا­لى­عىندا ورنالاسقان. بۇل ادام­دارعا قىزمەت كورسەتۋگە وتە قولايلى, بولمەلەر كوپ, كەڭ ءارى جارىق. جاڭا عيماراتتىڭ اشىلۋ سالتاناتىنا ارنايى كەلىپ قا­تىسقان «تۇرعىنۇيقۇ­رىلىس­جي­ناق­­بانكى» اق-تىڭ اتقارۋ­شى ديرەكتورى دانيار تويباەۆ جۋرناليستەرگە 2011-2014 جىلدارعا ارنالعان تۇرعىن ءۇي باعدارلاما­سى تۋرا­لى ايتا كەلىپ, تۇرعىن­دار­دىڭ بانك ارقى­لى باسپانا ءما­سەلەسىن شەشە الاتىندىعىن جەتكىزدى. جاڭا باعدارلاما شەڭ­بە­رىن­دە بيىل وبلىستا 3 ءۇي تۇرعى­زى­لادى. ول ءۇشىن رەسپۋبليكا قازى­نا­سىنان 864 ميلليون تەڭگە ءبولى­نىپ وتىر. الدىن الا بولجام بوي­ىن­شا, ۇستىمىزدەگى جىلى 160 سا­­لىمشى ءوز پاتەرىنە قول جەتكىزەدى. ءنازيرا جارىمبەتوۆا. قوستاناي. * * * ...تەحنيكالار الىندى اباي اۋدانىنىڭ ورتالى­عى – قاراۋىل اۋىلىنىڭ تۇرعىن­دارى وتكەن جىلدىڭ كوكتەمگى سۋ تاس­قىنىندا تەحنيكا تاپ­شى­لى­عى­نان قينا­لىپ قالعان ەدى. سونى ەسكەرگەن اۋدان اكىمى ەرجان ءسۇ­لەي­مەننىڭ ۇيىتقى بولۋىمەن بيىل اۋداندىق «ريزا» كوم­مۋ­نال­دىق كاسىپ­ورنىنا ءار­قاي­سىسى­نىڭ قۇنى 6-8 ميلليون تەڭگە تۇراتىن ZL50G ماركالى تيەگىش, «ك-700» تراكتور-بۋلدوزەرى, «كاماز» جۇك ماشينەسى تىركەمەسىمەن ساتىپ اپەرىلدى. سونىڭ ءنا­تيجەسىندە بيىل اۋدان ورتا­لىعى جونگە كەلىپ قالدى. ەندى اتالعان مەكەمەگە سۋ تا­سي­تىن اۆتوكولىك ساتىپ اپەرىلمەك. داۋلەت سەيسەن ۇلى. شىعىس قازاقستان وبلىسى.