تولىقتىرۋلار ەنگىزىلدى

وبلىستىق ءماسليحاتتىڭ كەزەكتەن تىس سەسسياسىندا دەپۋتاتتار «قور­شاعان ورتاعا ەميسسيالار ءۇشىن ءتو­لەم­اقى ستاۆكالارى تۋرالى» وب­لىس­تىق ءماسليحاتتىڭ 2009 جىلعى 20 قارا­شاداعى №233 شەشىمىنە تولىق­تىرۋلار ەنگىزۋ تۋرالى ماسە­لەنى قا­رادى. بۇل تولىق­تىرۋ­لار نەگىزىنەن قارابالىق اۋدانىنداعى كول ورنىنا كۇل-قوقىسىن كومىپ وتىر­عان رەسەيدىڭ «ترويتسك گرەس-ءى» اشىق اكتسيونەرلىك قوعامىنا قاتىس­تى بولاتىن. بۇل كا­سىپ­ورىن وسى ۋاقىتقا دەيىن قورشاعان ورتاعا كەلتىرگەن زيانىنىڭ ەميس­سياسى ءۇشىن 50 پايىز تولەم تولەپ كەلدى. وتكەن جىلى وبلىس بيۋدجەتىنە ودان 1 ميلليارد 300 ميلليون تەڭ­گەدەن استام ءتۇسىم ءتۇستى. بۇل وبلىس­تاعى ەميسسيا ءۇشىن تولەنەتىن بارلىق تولەمدەردىڭ 30 پايىزىن قۇرايدى. ەندى وبلىس­تىق ءماسليحات دەپۋتات­تارى 100 پا­يىز تولەم الۋ تۋرالى شە­شىم قابىلدادى. ءنازيرا جارىمبەتوۆا. قوستاناي.