ونەردە دە ورەلى

پرەزيدەنتتىكتەن ۇمىتكەر سايلاۋ مارەسى جاقىنداعان سايىن ءوزىنىڭ سان قىرلى قابىلەت-دارىنىن اشا تۇسۋدە. وتكەن سەنبىدە قازۇۋ-ءدىڭ ءو.جولداسبەكوۆ اتىنداعى ستۋدەنتتەر سارايىندا وتكەن «عاني قاسىموۆ دوستارىن شاقىرادى» اتتى ءان كەشى وسى جايدى تاعى ءبىر ايعاقتادى. ۇمىتكەرمەن كەزدەسۋگە ۋنيۆەرسيتەت ستۋدەنتتەرى عانا ەمەس, سونىمەن بىرگە, سوعىس جانە ەڭ­بەك ارداگەرلەرى, اۋعان­ستانداعى ۇرىس قيمىلدارىنا قاتىسۋ­شى­لار, قالا تۇرعىندارى كوپتەپ كەلدى. عاني ەسەنگەلدى ۇلىن زال­داعى قاۋىم دۋ قول شاپالاقتاپ قارسى الدى. كەزدەسۋدى ۇيىم­داس­تىرعان ت.جۇرگەنوۆ اتىن­دا­عى قازاق ۇلتتىق ونەر اكا­دەمياسى ساحناعا تانىمال جاس انشىلەر مەن مۋزىكانتتاردى شى­عاردى. ايتالىق, حالىق­ارا­لىق كون­كۋرستاردىڭ لاۋرەاتى قايرات تۇنتەكوۆ, تاماشا ءتول­تۋما ءان­دەر­دىڭ اۆتورى ءارى ورىن­داۋ­شىسى ايداربەك دۇيسەباەۆ, جي­ىر­ما جىلعا جۋىق ەس­ترا­دا­مىزعا كورىك بەرىپ جۇرگەن سازگەر ءانشى ەرلان كوكەەۆتەر كوپ­شىلىكتىڭ قۇرمەت-سۇيىسپەن­شى­لى­گى­نە بولەنىپ جۇرگەن ونەر­پاز­دار. وسىناۋ انشىلەر مىنا مەرەكەلىك جيىنعا جينالعان قاۋ­ىمعا «قۇلاقتان كىرىپ بويدى الار», بۇلبۇل كومەيدەن سىل­دى­راي قۇيىلعان تازا بۇلاقتاي ءوز داۋىستارىن سىيلادى. عاني اعا­لارى ولاردىڭ اندەرىن ىقى­لاس­پەن تىڭداپ, ونەر اكادە­مياسىنا ەلىمىزدىڭ ءارتۇرلى ءوڭىر­لەرىنەن شىنايى دارىن­داردىڭ جينال­عان­دىعىن اتاپ كورسەتتى. دەپۋ­تاتتىققا كانديدات سول دارىن­دى جاستاردىڭ كوبىمەن جاقسى تانىس, ولاردىڭ دايىن­دىقتا­رىن­دا دا بولىپ جۇرەدى. ساحناعا بەلگىلى ءانشى تول­قىن زابيروۆانىڭ شىعۋى زال­داعى مەرەكەلىك كوڭىل كۇيدىڭ قۋانىشىن شارىقتاتا ءتۇستى. تولقىن ءالى ۇمىتىلا قويماعان «ەكى جۇلدىز» جوباسىنداعى سياق­تى, قوسىلىپ شىرقاۋ ءۇشىن عانەكەڭدى ساحناعا شاقىرىپ, جۇرت­تى ءماز ەتتى. قوسىلا شىر­قالعان ءان كەمەلدىك پەن جاس­تىقتى, ساياساتكەر مەن ءانشىنى بو­لاشاققا بىرلەسە ۇمتىل­دىر­عانداي بىرىكتىرىپ تۇردى. ءال­بەتتە, ونەردە دە ۇلكەن ورە تا­نىت­قان ۇمىتكەر ءۇشىن قازاق­ستان­دىقتاردىڭ ساياساتتاعى, ەكونو­مي­كا نەمەسە مادەنيەتتەگى ءمۇد­دەلەرى بىردەي ورتاق ەكەنى وسى ءان كەشىندە دە جارقىراپ كورىندى. قورعانبەك امانجول. الماتى. -------------------------------- سۋرەتتى تۇسىرگەن يۋري بەككەر.