كەشە پرەمەر-مينيستر كارىم ءماسىموۆ بۇكىلالەمدىك يسلام ەكونوميكالىق فورۋمىنىڭ (بيەف) توراعاسى تۋن مۋسا بين حيتاممەن كەزدەستى, دەپ حابارلادى پرەمەر-ءمينيستردىڭ ءباسپاسوز قىزمەتى.
كەزدەسۋدە يسلام كونفەرەنتسياسى ۇيىمى سىرتقى ىستەر مينيسترلەرى كەڭەسىنىڭ جانە يكۇ-عا مۇشە مەملەكەتتەردىڭ جىل سايىنعى باستى ەكونوميكالىق ءسامميتى نەمەسە «يسلامدىق داۆوس» بولىپ تابىلاتىن بيەف-ءتىڭ بولاشاق توراعاسى رەتىندەگى قازاقستان مەن اتالعان فورۋم اراسىنداعى ءوزارا قارىم-قاتىناستاردىڭ كەڭ اۋقىمدى ماسەلەلەرى تالقىلاندى.
وسى كۇنى قازاقستان ۇكىمەتىنىڭ باسشىسى كارىم ءماسىموۆ رەسەيدىڭ بۇكىلالەمدىك جابايى تابيعات قورىنىڭ (WWF) ديرەكتورى يگور چەستينمەن كەزدەستى.
كەزدەسۋ بارىسىندا تابيعاتتى قورعاۋ سالاسىنداعى, سونىڭ ىشىندە, بالقاش بويىنىڭ ايرىقشا تابيعي الەۋەتىن, وزەندەردىڭ گيدرولوگيالىق رەجىمى مەن ىلە-بالقاش باسسەينىنىڭ سۋ تەپە-تەڭدىگىن قالپىنا كەلتىرۋ سياقتى ءوزارا بايلانىستاعى ەكونوميكالىق, الەۋمەتتىك جانە ەكولوگيالىق پروبلەمالاردى شەشۋگە جاعداي تۋعىزاتىن ەكولوگيالىق جوبالاردى جۇزەگە اسىرۋ ماسەلەلەرى تالقىلاندى.