18-21 قاراشا كۇندەرى اقش-تا دزيۋدودان ارداگەرلەر اراسىندا الەم چەمپيوناتى ءوتتى, دەپ حابارلادى دزيۋدو فەدەراتسياسىنىڭ ءباسپاسوز قىزمەتى.
الەم بىرىنشىلىگىنە 63 ەلدەن 999 دزيۋدوشى قاتىستى. قازاقستان قۇراماسىنان 11 دزيۋدوشى قاتىسىپ, ەل نامىسىن ابىرويمەن قورعادى.
اتاپ ايتقاندا, جارىستىڭ ءبىرىنشى كۇنىندە -100 كەلىدە باق سىناعان جاراشۋەۆ نۇرلان ۇزدىكتەر قاتارىنان كورىنىپ, قولا مەدالعا يە بولدى. الەم چەمپيوناتىنىڭ ەكىنشى كۇنىندە وتانداسىمىز كينتونوۆ مۇرات بارلىق قارسىلاستارىن يپپونمەن جەڭىپ, -100 كەلىدە الەم چەمپيونى اتاندى. ال 60 كەلىگە دەيىنگى سالماقتا تاتاميگە شىققان جەرلەسىمىز كاتس الەكساندر مەن 57 كەلىدە بەلدەسكەن تىنىباەۆا رىسكۇل ءۇشىنشى ورىننان كورىنىپ, ەل قورجىنىنا قوس قولا مەدالىن سالدى.
جالپى كوماندالىق ەسەپتە قازاقستان قۇراماسى 1 التىن, 3 قولا مەدالمەن 63 ەل ىشىندە 20-ورىنمەن الەم چەمپيوناتىن ءساتتى اياقتادى.