الەمگە تانىمال BBC World News تەلەارناسىنان 2017 جىلى الماتىدا وتەتىن ۋنيۆەرسيادا ويىندارىنىڭ جارنامالىق روليگى كورسەتىلە باستادى. بۇل تۋرالى BBC Worldwide كوممەرتسيالىق وكىلدىگىنىڭ باسشىسى سەرگەي ستانوۆكين ءوزىنىڭ فەيسبۋك الەۋمەتتىك جەلىسىندەگى جەكە پاراقشاسىندا جازدى.
«وتكەن اپتادا BBC World News تەلەارناسىندا 2017 جىلى الماتىدا وتەتىن ۋنيۆەرسيادانىڭ جارنامالىق كامپانياسى باستالدى. بىرنەشە اي بويى ازىرلەنگەن ۆيدەوماتەريالدىڭ عالام بويىنشا ەڭ بەدەلدى ءارى قالتالى سانالاتىن BBC World News تەلەارناسىنىڭ ميلليونداعان كورەرمەنىنىڭ نازارىنا ۇسىنىلاتىنىنا قۋانىشتىمىن», - دەپ جازدى ول ۆيدەوعا بەرگەن سيپاتتاماسىندا.
ەستەرىڭىزگە سالا كەتەيىك, 28-ءشى دۇنيەجۇزىلىك قىسقى ۋنيۆەرسيادا ەلىمىزدىڭ وڭتۇستىك استاناسىندا 2017 جىلدىڭ 29 قاڭتارى مەن 8 اقپانى ارالىعىندا وتەدى. جارىسقا 50 ەلدەن 2 مىڭعا جۋىق سپورتشى قاتىسادى.