استانا قالاسىنىڭ ىشكى ىستەر دەپارتامەنتىنىڭ جەرگىلىكتى پوليتسيا قىزمەتىنىڭ قىزمەتكەرلەرى بەلگىلى تۇراعى جوق تۇلعالاردىڭ تۋىستىق بايلانىستارىن انىقتاۋدا, دەپ حابارلايدى astana.gov.kz.
كۇننىڭ سۋىتۋىنا بايلانىستى ۋچاسكەلىك ينسپەكتورلار مەن جول-پاترۋلدىك قىزمەتىنىڭ پوليتسەيلەرى ەلورداداعى جىلۋ قۇبىرلارى مەن جەرتولەلەرگە, سونداي-اق, يەسىز قالعان ساياجايلارعا تەكسەرىس جۇرگىزدى. ناتيجەسىندە ولار بەلگىلى تۇراعى جوق 50-دەن استام ادامدى انىقتاپ, مۇنىڭ تەڭ جارتىسىن مەديتسينالىق-الەۋمەتتىك وڭالتۋ ورتالىعىنا جىبەردى. ال قالعاندارى الەۋمەتتىك بەيىمدەۋ نىسانىنا جەتكىزىلدى. سونىمەن قاتار, ەلورداعا جۇمىس ىستەۋ ءۇشىن تەمىرتاۋ مەن قوستانايدان كەلگەن ەكى ازاماتتىڭ ۇيلەرىنە قايتۋىنا كومەك كورسەتىلدى.
ايتا كەتەيىك, مۇنىڭ ءبارى «قاڭعىباس» جەدەل-الدىن الۋ شاراسى اياسىندا جۇزەگە استى.