قر ۇكىمەتى وتىرىسىنىڭ قورىتىندىسى بويىنشا وتكەن ءباسپاسوز ءماسليحاتىندا ءبىلىم جانە عىلىم ۆيتسە-ءمينيسترى ەلميرا سۋحانبەرديەۆا ۇبت جاڭا فورماتىن ەنگىزۋ تالاپكەرلەردىڭ جوو-عا تۇسۋىنە قوسىمشا كەدەرگى تۋىنداتپايتىنىن حابارلادى.
«مەنىڭشە, ەمتيحان تاپسىرۋعا بايلانىستى جوو-عا تۇسۋگە ەشقانداي كەدەرگى جوق. بۇل جەردە بارلىعى ناقتى كورسەتىلگەن. كەرىسىنشە, ءبىز بالالاردىڭ مىندەتىن جەڭىلدەتتىك. 11 جىل بويى مەكتەپتە وقىعانىنا بايلانىستى قورىتىندى اتتەستاتسيانى بالا ءوز مەكتەبىنىڭ قابىرعاسىندا تاپسىرادى, بيلەتپەن دايىندالادى. جوو-عا تۇسۋگە قاتىستى ەشقانداي ايقاي-شۋ بولماۋعا ءتيىس. ۇبت-نىڭ جاڭا فورماتى – كەز كەلگەن وقۋشى ءۇشىن گرانت يەلەنۋ مۇمكىندىگى, سول سەبەپتى بارلىعىنا بىردەي جاعداي جاسالادى»,-دەدى ە.سۋحانبەرديەۆا.
2017 جىلى تۇلەكتەردىڭ قورىتىندى اتتەستاتسياسىن جاڭا جۇيە بويىنشا وتكىزۋ ۇسىنىلىپ وتىرعانىن ايتا كەتۋ كەرەك. جاڭا جۇيە بويىنشا, ول مەكتەپتەگى ءبىتىرۋ ەمتيحانى جانە جوو-عا تۇسۋگە جول اشاتىن ۇبت تۇرىندە بولادى.
ۇكىمەت وتىرىسىندا قر پرەمەر-ءمينيسترى باقىتجان ساعىنتاەۆ ۇبت-2017-ءنى وتكىزۋگە ازىرلىك جۇمىستارىن قازىردەن باستاۋ كەرەكتىگىن جانە ونى جوعارى دەڭگەيدە جۇرگىزۋ كەرەكتىگىن اتاپ ايتتى.
ارنۇر اسقار,
"ەگەمەن قازاقستان".