اقش-تا ۇلكەن مۇناي مەن تابيعي گاز قورى تابىلدى. ونى تەحاس شتاتىنىڭ گەولوگيالىق قىزمەتى (USGS) انىقتادى. بۇل تۋرالى ريا نوۆوستي حابارلادى.
USGS-ءتىڭ ەسەپتەۋى بويىنشا, تەحاستا شامامەن 20 ملرد باررەل مۇناي, 16 ترلن كۋبومەتر تابيعي گاز قورى جانە 1,6 ملرد باررەل گاز كوندەنساتى بار. بۇل 2013 جىلى Bakken-Three Forks فورماتسياسىندا انىقتالعان كولەمنەن ءۇش ەسە كوپ.
«ءبىزدىڭ اقش تاريحىنداعى ەڭ ۇلكەن مۇناي قورىن تابۋىمىز, ءتىپتى, وسىعان دەيىن ميللياردتاعان باررەل مۇناي وندىرگەن ايماقتاردىڭ وزىندە دە تاعى دا مۇناي قورىن انىقتاۋعا مۇمكىندىك بار ەكەندىگىن بىلدىرەدى»,-دەيدى USGS ەنەرگەتيكالىق رەسۋرتار باعدارلاماسىنىڭ كوورديناتورى ۋولتەر گيدروش. تابيعي رەسۋرتاردىڭ جاڭا قورلارىن انىقتاۋ كولدەنەڭ بۇرعىلاۋ تەحنولوگيالارىنىڭ ارقاسىندا جۇزەگە اسىپ وتىر. بۇل ءادىس سوڭعى ون جىلدا ءجيى قولدانىلىپ كەلەدى.
بۇعان دەيىن حالىقارالىق ەنەرگەتيكا اگەنتتىگى (حەا) مۇنايعا سۇرانىستىڭ شارىقتاۋ شەگى 2040 جىلعا دەيىن بولمايدى دەپ بولجام جاساعان. اگەنتتىكتىڭ مالىمەتىنشە, ازىرگە مۇناي قورى جەتكىلىكتى. دەگەنمەن, قارا التىننىڭ الەمدىك سۇرانىسى جالعاسا بەرەدى, سەبەبى مۇنايدى اۆتوكولىكتىك جۇك تاسىمالداۋدا, اۆياتسيادا جانە مۇناي حيمياسىندا باسقا زاتپەن الماستىرۋ مۇمكىن ەمەس.