قازاقستاندىقتاردىڭ ناقتى تابىسىنىڭ ازايۋى اۆتوكولىك ءوندىرىسىنىڭ تومەندەۋىنە اسەر ەتىپ وتىر. ءبىر جىلدا اۆتو ونەركاسىبىندەگى ءوندىرىس 29%-عا تومەندەگەن. وسى جىلى وتاندىق وندىرۋشىلەر بار بولعان 8 مىڭ جەڭىل اۆتوكولىك جاساپ شىعارعان. مۇنداي مالىمەتتى finprom.kz اگەنتتىگى كەلتىرىپ وتىر.
كولىك ءوندىرىسىنىڭ ازايۋى وتكەن جىلدان باستاپ بايقالا باستاعان. 2015 جىلدىڭ 10 ايىندا ءوندىرىس 55%-عا ازايعان. سوڭعى جىلدارى ءوندىرىستىڭ تومەن بولۋىنا بايلانىستى وندىرۋشىلەر سانى 1 كاسىپورىنعا قىسقارعان.
سونداي-اق, جەڭىل كولىكەردى شىعارۋ ءىسى ايتارلىقتاي قىسقارعان. وسى جىلدىڭ 10 ايىندا اۆتوكولىك قۇراستىراتىن ورىندار بار بولعانى 8 مىڭ كولىك شىعارعان. ال بۇل كورسەتكىش وسىدان ەكى جىل بۇرىن 29 مىڭ بولدى.
2016 جىلى 1,3 مىڭ جۇك تاسىمالدايتىن كولىك شىعارىلسا, 2014 جىلى 2 مىڭ جۇك كولىگى شىعارىلعان. ءوندىرىستىڭ قىسقارۋى اۆتوكولىككە دەگەن سۇرانىستىڭ ازايۋىمەن بايلانىستى. سونداي-اق, 2016 جىلدىڭ 9 ايىندا قازاقستانعا 16 مىڭ شەتەلدىك جەڭىل اۆتوكولىك كەلگەن. بۇل وتكەن جىلدىڭ سايكەس كەزەڭىمەن سالىستىرعاندا 4 ەسەگە از. بۇدان بولەك, 2015 جىلى يمپورت 2014 جىلمەن سالىستىرعاندا 2 ەسەگە تومەندەگەن.
2015 جىلى قازاقستاننىڭ اۆتوكولىك شىعارۋشى ەڭ ءىرى ءۇش كاسىپورىن بيۋدجەتكە 10 ملرد تەڭگە سالىق تولەدى. بۇل 2014 جىلعى سالىق تولەمىمەن سالىستىرعاندا 2 ەسەگە از. ال 2016 جىلعى سالىق ءتۇسىمى بار بولعانى 4 ملرد تەڭگەنى قۇرادى. سالىقتى ەڭ كوپ تولەگەن — «ازيا اۆتو» اق (وسى جىلى شامامەن 3 ملرد تەڭگە تولەگەن).