2008
* 1 قاڭتاردا ەلباسى نۇرسۇلتان نازارباەۆتىڭ قازاقستان حالقىن جاڭاجىلدىق قۇتتىقتاۋى «ەگەمەن قازاقستان» گازەتىندە جارىق كوردى. قۇتتىقتاۋدا: «الدىمىزعا الەمدەگى باسەكەگە قابىلەتتى 50 ەلدىڭ قاتارىنان نىق ورىن تەبۋ ماقساتىن قويدىق. «30 كورپوراتيۆتىك كوشباسشى» باعدارلاماسىن ورىنداۋعا كىرىستىك. دامۋدىڭ جەتى باسىم باعىتىن ايقىندادىق. ەلىمىز حالىقارالىق قوعامداستىقتىڭ الدىندا زور بەدەلگە جەتتى», – دەپ اتاپ كورسەتىلدى.
* 17 قاڭتاردا ەلباسى ن.ءا.نازارباەۆتىڭ قاتىسۋىمەن استانا قالاسىنداعى پرەزيدەنت مادەنيەت ورتالىعىندا «نۇر وتان» حالىقتىق-دەموكراتيالىق پارتياسى ساياسي كەڭەسىنىڭ كەڭەيتىلگەن وتىرىسى بولدى. «نۇر وتاننىڭ» دامۋىندا جاڭا بەلەس باستالدى. پارتيا قازاقستانداعى جۇيەلى وزگەرىستەردىڭ ناقتى العا اپارۋشىسى, ەلدەگى بۇقارالىق ساياسي جۇمىستاردىڭ ەڭ ءتيىمدى تەتىگى بولۋعا ءتيىس», – دەدى جيىن بارىسىندا مەملەكەت باسشىسى نۇرسۇلتان نازارباەۆ.
* 26 قاڭتاردا قازاقستان پرەزيدەنتى نۇرسۇلتان نازارباەۆتىڭ «بيزنەستىڭ الەۋمەتتىك جاۋاپكەرشىلىگى جونىندەگى «پارىز» كونكۋرسى تۋرالى» جارلىعى شىقتى.
* 30 قاڭتاردا ەلباسى نۇرسۇلتان نازارباەۆ «بولاشاق» باعدارلاماسى ستيپەندياتتارىنىڭ فورۋمىنا قاتىسىپ, اتالعان حالىقارالىق باعدارلامانى جاڭعىرتۋدى ۇسىندى ءارى ەركىن ەلدىڭ ەرتەڭىن كەمەل ەتۋدىڭ كەشەندى مىندەتتەرىن اتاپ كورسەتتى.
* 22 اقپاندا ەلباسى نۇرسۇلتان نازارباەۆ ماسكەۋدە وتكەن تمد مەملەكەتتەرى باسشىلارىنىڭ بەيرەسمي باسقوسۋىنا قاتىستى. جيىندا قازاقستان پرەزيدەنتى اتالعان كەزدەسۋدىڭ تمد ەلدەرى حالىقتارىنىڭ ءال-قۋاتىن جاقسارتۋعا قىزمەت ەتەتىنىنە سەنەتىنىن مالىمدەدى.
* 4 ناۋرىزدا قازاقستان پرەزيدەنتى نۇرسۇلتان نازارباەۆ ەلىمىزگە رەسمي ساپارمەن كەلگەن كاتار مەملەكەتىنىڭ ءامىرى شەيح حاماد بەن حاليفا ءال-تانيمەن كەزدەستى. مەملەكەتتەر باسشىلارىنىڭ كەلىسسوزدەرىنەن كەيىن ەكى ەلدىڭ اراسىنداعى ىنتىماقتاستىقتى دامىتۋعا سەرپىن بەرەتىن ءۇش ماڭىزدى قۇجاتقا قول قويىلدى.
* 5 ناۋرىزدا ەلباسى نۇرسۇلتان نازارباەۆ استاناعا رەسمي ساپارمەن كەلگەن ۋكراينا پرەزيدەنتى ۆيكتور يۋششەنكومەن كەزدەسۋ وتكىزدى. وسى كۇنى مەملەكەتتەر باسشىلارىنىڭ قاتىسۋىمەن سالتاناتتى جيىن ءوتىپ, وندا قازاقستانداعى ۋكراينا جىلى رەسمي تۇردە اشىلدى.
* 15 ناۋرىزدا رەسمي ساپارمەن ومان سۇلتاندىعىنا بارعان ەلباسى نۇرسۇلتان نازارباەۆ وسى ەلدىڭ سۇلتانى كابۋس بەن سايدپەن كەزدەستى. باسقوسۋدا ەكى ەلدىڭ ىنتىماقتاستىعىن تەرەڭدەتۋ ماسەلەلەرى تالقىلاندى.
* 22 ناۋرىزدا ەلباسى نۇرسۇلتان نازارباەۆ قازاقستاندىقتاردى ۇلىستىڭ ۇلى كۇنى – ناۋرىز مەرەكەسىمەن قۇتتىقتادى. «اياۋلى وتانداستارىم, قادىرمەندى قاۋىم! كۇن مەن ءتۇننىڭ تەڭەلگەن, مالدىڭ اۋزى كوككە تيگەن, ادام اۋزى اققا تيگەن, ءتۇننىڭ كۇنگە بەت بۇرعان, تابيعاتتىڭ گۇلدەنىپ قۇلپىرعان قۋانىش كەزەڭى – ناۋرىز مەيرامى بارشاڭىزعا قۇتتى بولسىن! – دەدى پرەزيدەنت.
* 17 ساۋىردە ەلىمىزگە قىرعىز رەسپۋبليكاسىنىڭ پرەزيدەنتى قۇرمانبەك باكيەۆتىڭ رەسمي ساپارى باستالدى. قازاقستان پرەزيدەنتى كورشى ەل باسشىسىمەن كەزدەسىپ, تاراپتار ەكىجاقتى قارىم-قاتىناستاردىڭ وزەكتى ماسەلەلەرىن تالقىلادى.
* 22 ساۋىردە پرەزيدەنت ن.ءا.نازارباەۆ استاناعا ەكى كۇندىك رەسمي ساپارمەن كەلگەن وزبەكستان رەسپۋبليكاسىنىڭ پرەزيدەنتى يسلام كاريموۆپەن كەزدەستى. مەملەكەتتەردىڭ باسشىلارى ەكi ەل اراسىنداعى كەڭ اۋقىمدى ماسەلەلەر تۇرعىسىندا ءسوز قوزعادى.
* 12-13 مامىر كۇندەرى تاجىكستان رەسپۋبليكاسىنىڭ پرەزيدەنتى ەمومالي راحموننىڭ قازاقستاندا ەكى كۇندىك رەسمي ساپارى ءوتتى. اقوردادا قازاقستان پرەزيدەنتى نۇرسۇلتان نازارباەۆ پەن تاجىكستان پرەزيدەنتى ەمومالي راحمون كەلىسسوزدەر جۇرگىزدى. سونىڭ ناتيجەسىندە بىرلەسكەن مالىمدەمە قابىلداندى جانە بىرقاتار ەكىجاقتى قۇجاتتارعا قول قويىلدى.
* 14 مامىردا ەلباسى نۇرسۇلتان نازارباەۆ استانادا وتكەن «نۇر وتان» پارتياسى «جاس وتان» جاستار قاناتىنىڭ ءى سەزىنە قاتىسىپ, ءسوز سويلەدى. «جاستاردىڭ جانە ەلىمىزدىڭ باستى كاپيتالى – ساپالى ءبىلىم. ول ءبىرىنشى ورىندا تۇرادى. قازىرگى كەزدە قازاقستاندا جوعارى بىلىكتى كادرلاردى ازىرلەۋ ءۇشىن كوپ جۇمىس جۇرگىزۋدەمىز. جىل سايىن جوعارى جانە ورتا-كاسىبي ءبىلىم العان مامانداردى دايارلاۋعا مەملەكەتتىك ءبىلىم بەرۋ گرانتى بەلگىلەنەدى», – دەدى ەلباسى.
* 16 مامىردا پرەزيدەنت نۇرسۇلتان نازارباەۆ تاياۋ شىعىس جونىندەگى بۇكىلالەمدىك ەكونوميكالىق فورۋمنىڭ جۇمىسىنا قاتىسۋ ءۇشىن ەگيپەت اراب رەسپۋبليكاسىنىڭ شارم-ءال-شەيح قالاسىنا باردى. فورۋم اياسىندا قازاقستاندىق كەش ۇيىمداستىرىلىپ, وندا ەلباسى ءسوز سويلەدى.
* 22 مامىردا رەسەي فەدەراتسياسىنىڭ پرەزيدەنتى دميتري مەدۆەدەۆ قازاقستانعا مەملەكەتتىك ساپارمەن كەلدى. قازاقستان جانە رەسەي باسشىلارىنىڭ كەزدەسۋىندە ەكونوميكالىق جانە گۋمانيتارلىق ماسەلەلەر كەڭىنەن ءسوز بولدى.
* 27 مامىردا ەلباسى نۇرسۇلتان نازارباەۆ قازاقستانعا ساپارمەن كەلگەن اقش كونگرەسىنىڭ مۇشەلەرىمەن كەزدەستى. كەزدەسۋ بارىسىندا تاراپتار قازاقستان مەن اقش اراسىنداعى ىنتىماقتاستىقتى ءارى قاراي تەرەڭدەتۋگە قاتىستى بىرقاتار وزەكتى ماسەلەلەردى تالقىلادى.
* 6 ماۋسىمدا رەسەيدىڭ سانكت-پەتەربۋرگ قالاسىندا تمد-عا مۇشە مەملەكەتتەر باسشىلارىنىڭ كەزدەسۋى ءوتتى. وعان ەلباسى نۇرسۇلتان نازارباەۆ قاتىستى. سونداي-اق, نۇرسۇلتان نازارباەۆ ەگيپەت پرەزيدەنتى حوسني مۋباراكپەن جانە باسقا دا بىرقاتار مەملەكەتتەردىڭ باسشىلارىمەن ەكىجاقتى كەزدەسۋ وتكىزدى.
* 5 شىلدەدە ەلباسى نۇرسۇلتان نازارباەۆ استانا كۇنى مەرەكەسى قارساڭىندا ەلىمىزگە كەلگەن شەت مەملەكەتتەر پرەزيدەنتتەرىمەن ەكى جاقتى كەزدەسۋ وتكىزدى. استانا كۇنىنە ارمەنيا پرەزيدەنتi سەرج سارگسيان, ازەربايجان پرەزيدەنتi يلحام اليەۆ, گرۋزيا پرەزيدەنتi ميحايل سااكاشۆيلي, قىرعىزستان پرەزيدەنتi قۇرمانبەك باكيەۆ, تۇركيا پرەزيدەنتi ابدۋللا گۇل, تاجiكستان پرەزيدەنتi ەمومالي راحمون, تۇرىكمەنستان پرەزيدەنتi گۋربانگۋلى بەردىمۇحامەدوۆ, رەسەي پرەزيدەنتi دميتري مەدۆەدەۆ كەلدى.
* 6 شىلدەدە ەلورداداعى «قازاق ەلى» مونۋمەنتىنىڭ اشىلۋ سالتاناتى بولىپ ءوتتى. ەسكەرتكىشتى ەلباسى نۇرسۇلتان نازارباەۆ سالتاناتتى جاعدايدا اشتى. بۇل تۋرالى «ەگەمەن قازاقستان» گازەتىنىڭ 7 شىلدە كۇنگى نومىرىندە «ەلدىكتىڭ ەڭسەلى ەسكەرتكىشى» تاقىرىبىمەن ماقالا جاريالاندى.
* 29 شىلدەدە يسپانيا كورولى ءى حۋان كارلوستىڭ شاقىرۋى بويىنشا ەلباسى نۇرسۇلتان نازارباەۆ وسى ەلدىڭ پالما دە مايوركا قالاسىنا باردى. مۇندا مەملەكەتتەر باسشىلارى حالىقارالىق ىنتىماقتاستىق ماسەلەلەرىن, سونداي-اق, ەكىجاقتى ىقپالداستىقتىڭ جاي-كۇيىن تالقىلادى.