ارشالى كەنتىندە تاۋەلسىزدىكتىڭ 25 جىلدىعىن مەرەكەلەۋ شەڭبەرىندە الەۋمەتتىك جاعىنان مۇقتاج تۇرعىندارعا جاڭا 16 پاتەرلىك ءۇيدىڭ كىلتى تابىس ەتىلدى.
– مەن بۇگىن باسپانالى بولعانىما ەرەكشە قۋانىشتىمىن. شىنىمدى ايتسام, بۇلاي بولادى دەپ ءتىپتى دە ويلاعان ەمەس ەدىم. ەندى ەشتەڭەگە الاڭداماي, وتباسىممەن باقىتتى عۇمىر كەشەمىز دەگەن ويدامىز. بىزدەرگە وسىنداي قامقورلىق تانىتىپ جاتقان مەملەكەتىمىزگە مىڭ العىس, – دەدى پاتروناتتىق وتباسىنىڭ ءتاربيەلەنۋشىسى الەنيا ريازانوۆ سالتاناتتى شاراداعى سوزىندە.
وسىناۋ 16 ءپاتەرلى تۇرعىن ءۇيدىڭ قۇرىلىسىنا بيۋدجەتتەن 143 ميلليون تەڭگە قارجى بولىنگەن بولاتىن. قۇرىلىس جۇمىستارىن باس مەردىگەر «سك گروسس» جاۋاپكەرشىلىگى شەكتەۋلى سەرىكتەستىگى ءجۇرگىزدى. جاڭا تۇرعىن ءۇي زاماناۋي تالاپتارعا ساي سالىنعان. ءۇيدىڭ ماڭىندا اۆتوتۇراق جانە بالالار الاڭى دا قاراستىرىلعان.