وندىرۋشىلەردىڭ (يمپورتتاۋشىلاردىڭ) كەڭەيتىلگەن مىندەتتەمەلەرى (وكم) وپەراتورلارى قر ەنەرگەتيكا مينيسترلىگى جانە جەرگىلىكتى اتقارۋ ورگاندارىمەن بىرگە قولدانىستان شىققان كولىك قۇرالدارىن (قشكق) قابىلداۋدىڭ جىلجىمالى پۋنكتتەرىن اشادى, - دەپ حابارلايدى Tengrinews.kz.
قامتۋ اۋماعىن كەڭەيتۋ ماقساتىندا جىلجىمالى پۋنكتەر وبلىس ورتالىقتارىنان شالعاي قالاشىقتار مەن اۋدانداردا جۇمىس ىستەيتىن بولادى.
2016 جىلدىڭ 27 قاراشاسىنان ميكرواۆتوبۋس پەن ەۆوكۋاتور ەلدى مەكەندەردى ارالاپ, ەسكى كولىكتەردى قابىلدايتىن بولادى. قازىر تۇرعىندار سانى 100 مىڭنان اساتىن سەگىز ەلدى مەكەن انىقتالدى. ناۋقان وتكىزۋدىڭ الدىن الا تىزىمىنە ەنگەن ەلدى مەكەندەر ءتىزىمى: الماتى وبلىسىنىڭ ۇزىناعاش اۋداندىق ورتالىعى, وڭتۇستىك قازاقستان وبلىسىنداعى تۇركىستان قالاسى جانە جەتىساي اۋدان ورتالىعى, قاراعاندى وبلىسىنىڭ بالقاش, جەزقازعان قالالارى, شقو-داعى شەمونايحا اۋدان ورتالىعى, قوستاناي وبلىسىنداعى رۋدنىي قالاسى جانە پاۆلودار وبلىسىنداعى ەكىباستۇز قالاسى.
جەرگىلىكتى اتقارۋ ورگاندار مەن وكم وپەراتورلارى ارقىلى باعا قالىپتاستىرىلادى. جىلجىمالى پۋنكتە قولدانىستان شىققان كولىكتەردىڭ قۇجاتىن قابىلداۋ ء"بىر تەرەزە" قاعيداتى بويىنشا جۇرەدى. ياعني, ماماندار سول جەردە كولىك قۇنىن انىقتاپ, كەلىسىمشارت جاساسادى.
"اۋىلدىق وكرۋگتەردەن دە جاپپاي ءوتىنىش قابىلداۋ مۇمكىندىگى دە قاراستىرىلۋدا. 100 اسا ەسكى كولىك جينالعان جاعدايدا ءموبيلدى توپ اتالعان ەلدى مەكەنگە بارادى", - دەدى وكم وپەراتورلارىنىڭ ءباسپاسوز قىزمەتىنىڭ وكىلدەرى.
سونىمەن قاتار, ۇيىمداستىرۋشىلار "ەسكىنى وتكىز دە, كولىك ۇتىپ ال" كونكۋرسىن وتكىزۋدى جوسپارلاپ وتىر. ۇيىمداستىرۋشىلاردىڭ ايتۋىنشا, باعدارلاماعا قاتىسۋشى جەكە جانە زاڭدى تۇلعامەن كەلىسىمشارت جاسالادى, وسى كەلىسىمشارت ءنومىرى بويىنشا جۇلدەلەر ويناتىلادى.
كونكۋرسقا قر ءاربىر وبلىسىنداعى 17 جيناۋ پۋنكتىندە قول قويىلعان كەلىسىمشارتتىڭ بارلىعى قاتىسادى. جەڭىمپاز كەزدەيسوق ءنومىردى تاڭداۋ جولىمەن انىقتالادى. ناۋقان شارتتارى auto.recycle.kz سايتىندا ورنالاستىرىلادى.