قر پرەمەر-ءمينيسترىنىڭ ءبىرىنشى ورىنباسارى اسقار مامين الماتىداعى مەتروپوليتەننىڭ قۇرىلىسى بارىسىمەن تانىستى, دەپ حابارلايدى «قازاقپارات».
«مىندەتىمىز - جاڭادان سالىنىپ جاتقان ەكى ستانسا - «سارىارقا» جانە «دوستىقتىڭ» قۇرىلىسىن 2020 جىلى اياقتاۋ. ءبىز قارجى جوسپارىن قايتا قارايمىز. بۇل قالاداعى جولاۋشىلار تاسىمالىن ەكى ەسە ازايتۋعا كومەكتەسەدى. ەڭ باستىسى - ادامدار اعىنى 45 مىڭنان 85-90 مىڭعا دەيىن مەتروعا اۋىساتىن بولادى (جولاۋشىلار ءوسىمى)», - دەدى اسقار مامين.
الماتى مەتروپوليتەنىنىڭ وكىلدەرى ءبىرىنشى ۆيتسە-پرەمەرگە «ماسكەۋ» ستانساسىنان «دوستىق» ستانساسىنا دەيىنگى ارالىق 3,1 شاقىرىمدى قۇرايدى دەپ حابارلادى.
«ءبىز قازىر اۆتوبۋستىق حابارلامالاردى مەتروعا جيناقتاۋدامىز. بارلىعى وسىعان بايلانىستى, ادامداردى مەتروعا جاقىنداتۋىمىز كەرەك. كۇنىنە 85-90 مىڭ ادامدى تاسىمالداۋ - قالاداعى قوزعالىستى جەڭىلدەتەدى. بۇل ماڭىزدى جوبا», - دەدى الماتى قالاسىنىڭ اكىمى باۋىرجان بايبەك.
قازىرگى تاڭدا «قالقامان» جانە «باتىس اۆتوۆوكزالى» جاڭا ەكى ستانساسىن جوبالاۋعا قارجى بولىنگەن. مەتروپوليتەن سولتۇستىك باعىتتا G4 City-گە دەيىن سوزىلادى.
[caption id="attachment_75886" align="alignnone" width="560"] ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟[/caption]