قازاقستان رەسپۋبليكاسىنىڭ ورتالىق سايلاۋ كوميسسياسى حابارلايدى
قازاقستان رەسپۋبليكاسى پرەزيدەنتتىگىنە كانديداتتاردى ۇسىنۋ قورىتىندىلارى
5 اقپاننان بەرگى كەزەڭدە بارلىعى 22 كانديدات ۇسىنىلدى.
1. وتەن ءسالىم ساعىندىق ۇلى ء(وزىن-ءوزى ۇسىنعان)
2. قايساروۆ ءۋاليحان ءابىش ۇلى ء(وزىن-ءوزى ۇسىنعان)
3. دۋامبەكوۆ مۇساعالي سارسەنباي ۇلى ء(وزىن-ءوزى ۇسىنعان)
4. اسىلبەك امانتاي حانتەمىر ۇلى ء(وزىن-ءوزى ۇسىنعان)
5. نازارباەۆ نۇرسۇلتان ءابىش ۇلى («نۇر وتان» حالىقتىق-دەموكراتيالىق پارتياسى» قوعامدىق بىرلەستىگى ۇسىنعان)
6. ەسجانوۆ قانات سابىر ۇلى ء(وزىن-ءوزى ۇسىنعان)
7. تۋراگەلديەۆ قانات سباش ۇلى ء(وزىن-ءوزى ۇسىنعان )
8. ماسينا زاۋرە جۇماعۇلقىزى ء(وزىن-ءوزى ۇسىنعان )
9. احمەتبەكوۆ جامبىل اۋجان ۇلى («قازاقستاننىڭ كوممۋنيستىك حالىقتىق پارتياسى» قوعامدىق بىرلەستىگى ۇسىنعان)
10. نۇرسيلا سوۆەتقازى كۇسەتاي ۇلى ء(وزىن-ءوزى ۇسىنعان)
11. بايمۋرزين تولىباي ءنۇردىلدا ۇلى ء(وزىن-ءوزى ۇسىنعان)
12. توقباەۆا گۇلدانا شاميقىزى ء(وزىن-ءوزى ۇسىنعان)
13. قاراماەۆا مايا تولەگەنقىزى ء(وزىن-ءوزى ۇسىنعان)
14. كۇنانباەۆ ادالبەك وقان ۇلى ء(وزىن-ءوزى ۇسىنعان)
15. ەلەۋسىزوۆ مەلس حامزا ۇلى ء(وزىن-ءوزى ۇسىنعان)
16. قوجاعۇلوۆا مەيرامكۇل نۇرجانقىزى ء(وزىن-ءوزى ۇسىنعان)
17. بازىلباەۆ جاقسىباي ءابىش ۇلى ء(وزىن-ءوزى ۇسىنعان)
18. تەلىبەكوۆ مۇرات ايتجان ۇلى ء(وزىن-ءوزى ۇسىنعان )
19. دىلماعامبەت ءبىرجان جەتىرۋ ۇلى ء(وزىن-ءوزى ۇسىنعان)
20. قاسىموۆ عاني ەسەنكەلدى ۇلى («قازاقستاننىڭ پاتريوتتار پارتياسى» قوعامدىق بىرلەستىگى ۇسىنعان)
21. راحمەتوۆ كۇرمانعازى ابدەن ۇلى («جەلتوقسان» حالىقتىق-پاتريوتتىق قوزعالىسى» رەسپۋبليكالىق قوعامدىق بىرلەستىگى ۇسىنعان)
22. ساپارعالي سەرىك سادىق ۇلى ء(وزىن-ءوزى ۇسىنعان)
ساياسي پارتيالار ۇسىنعان كانديداتتار – 3, قوعامدىق بىرلەستىكتەر ۇسىنعاندار – 1, ءوزىن-ءوزى ۇسىنعاندار – 18.
ۇسىنىلعان كانديداتتاردىڭ 18-ءى – ەرلەر, 4-ءى – ايەلدەر.
21 كانديداتتىڭ جوعارى ءبىلىمى, ال بىرەۋىنىڭ ارنايى ورتا ءبىلىمى بار.
قىزمەتى بويىنشا: قازاقستان رەسپۋبليكاسىنىڭ قازىرگى پرەزيدەنتى, قازاقستان رەسپۋبليكاسى پارلامەنتى سەناتىنىڭ دەپۋتاتى – 1, مەملەكەتتىك مەكەمە قىزمەتكەرى – 1, كوممەرتسيالىق قۇرىلىم قىزمەتكەرلەرى – 5, ساياسي پارتيا قىزمەتكەرى – 1, قوعامدىق بىرلەستىكتەر قىزمەتكەرلەرى – 5, زەينەتكەرلەر – 2, ۋاقىتشا جۇمىس ىستەمەيتىندەر – 4, باسقالار – 2.
7 ۇمىتكەر: ۋ.ءا.قايساروۆ, س.س.وتەن, ا.ح.اسىلبەك, م.ن.قوجاعۇلوۆا, م.ت.قاراماەۆا, ج.ا.بازىلباەۆ, م.ح.ەلەۋسىزوۆ ءوز كانديداتۋرالارىن 2005 جىلعى پرەزيدەنتتىك سايلاۋدا دا ۇسىنعان بولاتىن.
سونىڭ ىشىندە جاقسىباي ءابىش ۇلى ءبازىلباەۆ پەن امانتاي حانتەمىر ۇلى اسىلبەك پرەزيدەنتتىك سايلاۋدا ءوز كانديداتۋرالارىن وسىمەن ءۇشىنشى رەت ۇسىنىپ وتىر: 1999, 2005 جانە 2011 جىلدارى.
وتكىزىلگەن تەكسەرىستەردىڭ ناتيجەلەرى بويىنشا, 22 ۇمىتكەردىڭ 12-ءنىڭ كونستيتۋتسيا مەن «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭ قوياتىن تالاپتارعا سايكەس ەكەندىگى انىقتالدى.
5 كانديداتقا قاتىستى لينگۆيستيكالىق كوميسسيا مەملەكەتتىك ءتىلدى ەركىن مەڭگەرمەگەن دەگەن تۇجىرىم جاسادى. وسىعان بايلانىستى ورتالىق سايلاۋ كوميسسياسى ولاردى قازاقستان رەسپۋبليكاسىنىڭ پرەزيدەنتتىگىنە كانديدات رەتىندە تىركەۋدەن باس تارتۋ تۋرالى شەشىم قابىلدادى.
ءۇش كانديدات بەلگىلەنگەن ۋاقىتتا لينگۆيستيكالىق كوميسسيانىڭ وتىرىسىنا كەلمەدى.
ءبىر كانديدات مەملەكەتتىك ءتىلدى ەركىن مەڭگەرگەندىگىن انىقتاۋ جونىندەگى ءراسىمدى وتۋدەن باس تارتتى.
ەكى ۇمىتكەر, سونىڭ ىشىندە بىرەۋى – ورتسايلاۋكوم ونىڭ كونستيتۋتسيا مەن سايلاۋ تۋرالى كونستيتۋتسيالىق زاڭ تالاپتارىنا سايكەستىگىن بەلگىلەگەن سوڭ, ءوز كانديداتۋرالارىن الىپ تاستادى.
كونستيتۋتسيا مەن سايلاۋ تۋرالى كونستيتۋتسيالىق زاڭ قوياتىن تالاپتارعا ءسايكەستىگى انىقتالعان كانديداتتاردىڭ بارلىعىنا وزدەرىن قولدايتىن ازاماتتاردىڭ قولىن جيناۋ ءۇشىن قول قويۋ پاراقتارى بەرىلدى.
قول قويۋ پاراقتارى
سايلاۋ زاڭناماسىنا سايكەس سايلاۋشىلاردىڭ پرەزيدەنتتىككە كانديداتتى قولداۋى ولاردىڭ قولدارىن جيناۋ ارقىلى راستالادى.
پرەزيدەنتتiككە كانديداتتى وبلىستاردىڭ كەم دەگەندە ۇشتەن ەكiسiنىڭ, الماتى جانە استانا قالالارىنىڭ اتىنان تەڭدەي وكiلدiك ەتەتiن سايلاۋشىلاردىڭ جالپى سانىنىڭ كەم دەگەندە بiر پايىزى قولداۋى تيiس.
كانديداتتى قولداپ قول جيناۋدى ونىڭ سەنىم بىلدىرىلگەن ادامدارى ۇيىمداستىرادى.
ءاربىر قول قويۋ پاراعىنىڭ رەت ءنومىرى بولۋعا ءتيىس جانە وعان كانديداتتىڭ تەگى, اتى, اكەسىنىڭ اتى مەن ونىڭ سەنىم بىلدىرگەن ادامىنىڭ جەكە قولى, قول جيناۋشىنىڭ تەگى, اتى, اكەسىنىڭ اتى, قول جيناۋ جۇرگىزىلگەن ەلدى مەكەننىڭ اتاۋى, سونداي-اق قول قوياتىن ادامدار تۋرالى مىناداي مالىمەتتەر بار باعانالار ەنگىزىلۋى ءتيىس:
1) تەگى, اتى, اكەسىنىڭ اتى;
2) جەكە باسىن كۋالاندىراتىن قۇجاتتىڭ ءنومىرى مەن سەرياسى;
3) تۋعان كۇنى, ايى مەن جىلى;
4) تۇرعىلىقتى نەمەسە ۋاقىتشا تۇراتىن جەرىنىڭ مەكەن-جايى:
5) جەكە قولى.
قول جيناۋشى ادام قول جيناعان كەزدە ءتيىستى قول قوياتىن پاراقتا جەكە قولى قويىلعان كانديداتتىڭ سەنىم بىلدىرىلگەن ادامىنىڭ تىركەلگەنى تۋرالى كۋالىكتىڭ كوشىرمەسىن كورسەتۋگە ءتيىس.
كانديداتتى قولداپ قول قويىلعان پاراقتار اۋماقتىق سايلاۋ كوميسسيالارىنا تاپسىرىلادى. كوميسسيالار قويىلعان قولداردىڭ راستىعىن پاسپورت قىزمەتى وكىلدەرىن قاتىستىرا وتىرىپ, بەس كۇن ءىشىندە تەكسەرەدى, ءتيىستى حاتتاما جاسايدى جانە ونى ورتالىق سايلاۋ كوميسسياسىنا جىبەرەدى.
قولداردىڭ راستىعىن تەكسەرۋ پرەزيدەنتتىككە كانديداتقا قاجەت 91 مىڭ 10 قول راستالعانعا دەيىن جۇرگىزىلەدى. ياعني, ازاماتتاردىڭ 91 010 قولى راستالعاننان كەيىن, قالعان قولداردىڭ راستىعى تەكسەرىلمەيدى.
وڭىرلەردەن كەلىپ تۇسكەن مالىمەتتەرگە قاراعاندا, 23 اقپانداعى جاعداي بويىنشا, 13 وڭىردە م.س. دۋامبەكوۆتىڭ سەنىم بىلدىرىلگەن ادامدارى تىركەلگەن.
س.س.وتەننىڭ سەنىم بىلدىرىلگەن ادامدارى 5 وڭىردە تىركەلگەن.
ج.ا.احمەتبەكوۆتىڭ سەنىم بىلدىرىلگەن ادامدارى قولداپ قول جيناۋدى ەلىمىزدىڭ بارلىق 16 وڭىرىندە جۇرگىزۋدە.
سونداي-اق, كانديداتتار ع.ە.قاسىموۆ پەن م.ح.ەلەۋسىزوۆتى قولداپ قول جيناۋ دا بەلسەندى جۇرگىزىلۋدە. ولاردىڭ سەنىم بىلدىرىلگەن ادامدارى 15 وڭىردە تىركەلگەن.
سايلاۋ زاڭناماسىنا سايكەس, كانديداتتىڭ كونستيتۋتسيا مەن سايلاۋ تۋرالى كونستيتۋتسيالىق زاڭ قوياتىن تالاپتارعا ءسايكەستىگى انىقتالعان سوڭ, سونداي-اق اۋماقتىق سايلاۋ كوميسسيالارى كانديداتتاردى قولداپ جينالعان ازاماتتاردىڭ قولدارىنىڭ راستىعىن تەكسەرگەننەن كەيىن ۇمىتكەر ورتالىق سايلاۋ كوميسسياسىنىڭ شوتىنا سايلاۋ جارناسىن – 799 950 تەڭگە اۋدارۋى ءتيىس.
ەگەر كانديدات پرەزيدەنت بولىپ سايلانعان نەمەسە داۋىس بەرۋگە قاتىسقان سايلاۋشىلاردىڭ كەم دەگەندە بەس پايىزىنىڭ داۋىسىن العان نەمەسە كانديدات قايتىس بولعان جاعدايدا جارنا قايتارىلادى, ال قالعان جاعدايلاردىڭ بارىندە ەنگىزىلگەن جارنا قايتارىلماۋعا ءتيىس جانە رەسپۋبليكالىق بيۋدجەت پايداسىنا الىنادى.
ونىڭ سىرتىندا, كانديدات پەن ونىڭ جۇبايىنىڭ (زايىبىنىڭ) 2011 جىلعى 1 اقپانداعى جاعداي بويىنشا تابىسى جانە مۇلكى تۋرالى تۇرعىلىقتى جەرى بويىنشا سالىق ورگانىنا دەكلاراتسيا تاپسىرۋعا مىندەتتى.
كانديدات پەن ونىڭ جۇبايى (زايىبى) جاريالاعان تابىسى جانە مۇلكى تۋرالى مالىمەتتەردىڭ دۇرىستىعىن سالىق كوميتەتى ورگاندارى كانديدات تىركەلگەننەن كەيىن ون بەس كۇن ىشىندە تەكسەرەدى.
كانديدات پەن ونىڭ جۇبايى (زايىبى) جاريالاعان تابىسى جانە مۇلكى تۋرالى مالىمەتتەردىڭ دۇرىس ەمەستىگىنىڭ انىقتالۋى كانديداتتى تىركەۋ تۋرالى شەشىمنىڭ كۇشىن جويۋعا نەگىز بولا الدى.
كانديداتتاردى تىركەۋ 2011 جىلعى 2 ناۋرىزدا اياقتالادى.
قازىرگى كەزدە ورتالىق سايلاۋ كوميسسياسى ءبىر كانديداتتى تىركەدى.