سەمەيدە «اتامەكەن» دەگەن اتپەن ءان بايقاۋىنىڭ وتكىزىلىپ كەلە جاتقانىنا, مىنە, ءتورت-بەس جىلدىڭ ءجۇزى بولدى. التى مەن ون جەتى جاس ارالىعىنداعى جەتكىنشەكتەر قاتىسقان سول ءداستۇرلى ءان بايقاۋى بۇل جولى ەل تاۋەلسىزدىگىنىڭ جيىرما جىلدىعىنا ارنالدى.
بايقاۋعا قىرىقتان استام جاس تالانت قاتىستى. ولاردىڭ اراسىندا قالاعا قاراستى اۋىل ونەرپازدارى دا كوپ بولدى. بايقاۋ بارىسىندا وتاندىق سازگەرلەردىڭ وتان, تۋعان جەر, ەل قورعاعان قاھارماندار مەن حالىق ءسۇيىسپەنشىلىگىنە بولەنگەن ەل ارداقتىلارى تۋرالى پاتريوتتىق رۋحتاعى اندەرى مولىنان ورىندالدى.
بايقاۋ جەڭىمپازدارى ارنايى ديپلومدار جانە باعالى سىيلىقتارمەن ماراپاتتالدى. ەل تاۋەلسىزدىگىنىڭ جيىرما جىلدىعىنا ارنالعان ونەر سايىسى بەلگىلى سازگەر ەسكەندىر حاسانعاليەۆتىڭ «اتامەكەن» انىمەن قورىتىندىلاندى. قوعامىمىز ۇلتتىق يدەولوگياعا سۋساپ وتىرعان شاقتا تاۋەلسىزدىك مەرەكەسىنە وراي وسىنداي كەشتەردىڭ كوپتەپ وتكىزىلە باستاعانى قۋانتادى.
داۋلەت سەيسەن ۇلى.
سەمەي.