2011 جىلعى 26 اقپان, الماتى
«جويىلىپ بارا جاتقان جانۋارلار» مونەتالار سەرياسىنان «قاراقال» ەسكەرتكىش كۇمىس مونەتاسىن اينالىسقا شىعارۋ تۋرالى
«قازاقستان رەسپۋبليكاسىنىڭ ۇلتتىق بانكى تۋرالى» 1995 جىلعى 30 ناۋرىزداعى قازاقستان رەسپۋبليكاسىنىڭ № 2155 زاڭىنا سايكەس قازاقستان رەسپۋبليكاسىنىڭ ۇلتتىق بانكى 2011 جىلعى 26 اقپاندا «جويىلىپ بارا جاتقان جانۋارلار» مونەتالار سەرياسىنان «proof» ساپاسىمەن نومينالى 100 تەڭگەلىك ەكى گاۋھار ورناتىلعان «قاراقال» ەسكەرتكىش كۇمىس مونەتاسىن اينالىسقا شىعارادى.
«قاراقال» مونەتاسىنىڭ سيپاتتاماسى:
مونەتانىڭ بەت جاعىندا (اۆەرسىندە) جوعارى بولىگىندە قازاقستان رەسپۋبليكاسىنىڭ ەلتاڭباسى بەينەلەنگەن. ەلتاڭبانىڭ سول جاق بولىگىندە مونەتا دايىندالعان مەتالدى جانە ونىڭ سىنامىن بىلدىرەتىن «Ag 925» دەگەن جازۋ, وڭ جاعىندا – مونەتانىڭ ماسساسىن بىلدىرەتىن «31,1gr.» دەگەن جازۋ بار. تومەنگى بولىگىندە مونەتانىڭ نومينالىن بىلدىرەتىن «100 تەڭگە» دەگەن جازۋ بار. نومينالدىڭ سول ءجانە وڭ جاعىندا ۇلتتىق ويۋ-ورنەك ەلەمەنتى بەينەلەنگەن. اينالدىرا مەملەكەتتىك تىلدە «قازاقستان ۇلتتىق بانكى» دەگەن جازۋ جانە شىعىڭقى جيەك جۇرگىزىلگەن.
مونەتانىڭ سىرت جاعىندا (رەۆەرسىندە) ورتالىق بولىگىندە قاراقالدىڭ التىنداتىلعان بەينەسى ورنالاسقان. قاراقالدىڭ كوزدەرىنىڭ ورنىنا ەكى گاۋھار ورناتىلعان. بەينەنىڭ سول جاعىندا سوعىلعان جىلىن بىلدىرەتىن «2009» دەگەن سان جازىلعان, وڭ جاقتا – قازاقستان تەڭگە سارايىنىڭ تاۋار بەلگىسى. جوعارى بولىگىندە اينالدىرا مەملەكەتتىك تىلدە «قاراقال» جانە ءتۇردىڭ زوولوگيالىق اتى لاتىن تىلىندە – «FELIS CARACAL» دەگەن جازۋ بار. اينالدىرا شىعىڭقى جيەك جۇرگىزىلگەن.
مونەتانىڭ بەت جاعىنداعى جانە سىرت جاعىنداعى بەينەلەر مەن جازبالار بەدەرلەنگەن.
قىرى (گۋرتى) بەدەرلى.
مونەتا 925 سىنامدى كۇمىستەن دايىندالعان, ماسساسى – 31,1 گرامم, ديامەترى – 38,61 مم, ارقايسىسىنىڭ ديامەترى ءبىر ميلليمەترگە دەيىنگى ەكى گاۋھار ورناتىلعان, دايىندالۋ ساپاسى – «proof».
ەڭ كوپ تارالىمى - 13 مىڭ دانا.
نومينالى 100 تەڭگەلىك ەسكەرتكىش كۇمىس مونەتالار قازاقستان رەسپۋبليكاسىنىڭ ءبۇكىل اۋماعىندا كورسەتىلگەن قۇنىمەن ءتولەمنىڭ بارلىق تۇرلەرى بويىنشا, سونداي-اق شوتتارعا, سالىمدارعا, اككرەديتيۆتەرگە ەسەپتەۋ جانە اۋدارىم جاساۋ ءۇشىن قابىلدانۋعا مىندەتتى, قازاقستان رەسپۋبليكاسىنىڭ بارلىق بانكتەرىندە شەكتەۋسىز ۇساقتالادى جانە ايىرباستالادى.
قازاقستان رەسپۋبليكاسى ۇلتتىق بانكىنىڭ وسى رەسمي حابارعا
تۇسىنىكتەمەسى
«قاراقال» ەسكەرتكىش كۇمىس مونەتالارى قازاقستان رەسپۋبليكاسىنىڭ ۇلتتىق بانكى, «پولشانىڭ مونەتا سارايى» اكتسيونەرلىك قوعامى جانە «قازاقستان رەسپۋبليكاسى ۇلتتىق بانكىنىڭ قازاقستان تەڭگە سارايى» شارۋاشىلىق جۇرگىزۋ قۇقىعى بار رەسپۋبليكالىق مەملەكەتتىك كاسىپورنى اراسىنداعى مونەتالار شىعارۋعا جانە ساتۋعا ارنالعان كەلىسىمگە سايكەس دايىندالدى.
وسى كەلىسىم بويىنشا:
- «پولشانىڭ مونەتا سارايى» قازاقستاننان تىس جەرلەردە تاراتۋ نەمەسە ساتۋ ءۇشىن ۇلتتىق بانكتەن ءتيىستى مونەتالاردى ساتىپ الادى;
- قازاقستان تەڭگە سارايى مونەتالاردى دايىندايدى جانە جەتكىزەدى;
- ۇلتتىق بانك دايىندالعان مونەتالاردىڭ ءبىر بولىگىن 3000 ء(ۇش مىڭ) دانا سانىمەن كوللەكتسيالىق قۇنى بويىنشا قازاقستاننىڭ ىشكى نارىعىندا ساتۋ ءۇشىن رەزەرۆتەيدى.
قاراقال مىسىق تۇقىمداس جابايى ءسۇتقورەكتىلەر تۇرىنە جاتادى. قازاقستاندا قاراقال بوزاشى جانە ماڭعىستاۋ تۇبەگىندە تابىلعان. بۇل سىرتقى تۇرىنە قاراعاندا سىلەۋسىنگە ۇقساس وتە سيرەك كەزدەسەتىن جانۋار.
مونەتالاردىڭ ديزاينى قازاقستان رەسپۋبليكاسى پرەزيدەنتىنىڭ 2003 جىلعى 25 قىركۇيەكتەگى № 1193 جارلىعىمەن بەكىتىلگەن ۇلتتىق ۆاليۋتا – قازاقستان تەڭگەسى بانكنوتتارى مەن مونەتالارى ديزاينىنىڭ تۇجىرىمداماسىنا سايكەس ازىرلەنگەن.
«Proof» ساپاسىمەن جاسالعان ەسكەرتكىش مونەتالار كادەسىيلىق وراۋمەن شىعارىلادى جانە قازاقستان رەسپۋبليكاسى ۇلتتىق بانكىنىڭ مەملەكەتتىك, ورىس جانە اعىلشىن تىلدەرىندەگى نومىرلىك ساپا سەرتيفيكاتىمەن جابدىقتالعان.
مونەتالاردى قازاقستان رەسپۋبليكاسى ۇلتتىق بانكىنىڭ بارلىق فيليالدارىندا ساتىپ الۋعا بولادى, الماتى قالاسىنداعى مەكەن-جايى: پانفيلوۆ كوشەسى, 98. انىقتاما تەلەفونى (727) 273-83-98.