جۋىق كۇندەرى, اتاپ ايتقاندا, 6-12 ناۋرىز ارالىعىندا ەلىمىزدە العاش رەت دۇنيەجۇزىلىك گلاۋكوما اپتالىعى وتكىزىلمەك. ماقسات – قوعامنىڭ جانە بۇقارالىق اقپارات قۇرالدارىنىڭ گلاۋكومانى ەرتە انىقتاۋ مەن ەمدەۋدىڭ ءتۇيىندى ماسەلەلەرىنە كوڭىلىن اۋدارۋ بولىپ وتىر. گلاۋكوما – كوزدىڭ كورۋىن ءتومەندەتەتىن, تۇراقتى سوقىرلىققا اكەلەتىن كوز اۋرۋى. ەڭ قيىنى, گلاۋكوماعا شالدىققان ناۋقاستاردىڭ جارتىسى دەرلىك ءوز اۋرۋى تۋرالى ەشنارسە بىلمەيتىنى.
وسى اپتالىق قارساڭىندا, ياكي 3 ناۋرىزدا قازاق كوز اۋرۋلارى عىلىمي-زەرتتەۋ ينستيتۋتى گلاۋكوما مەكتەبىن وتكىزەتىن بولسا, وسى گلاۋكوما مەكتەبى اياسىندا ءدارىگەرلەر ءۇشىن سەمينار وتكىزىلىپ, ناۋقاستار ءۇشىن دوڭگەلەك ۇستەل مەن كەڭەستەر جۇرگىزىلەتىن بولادى.
قازاق كوز اۋرۋلارى عىلىمي-زەرتتەۋ ينستيتۋتىنىڭ ۇيىتقى بولۋىمەن 9-10 ناۋرىزدا عىلىمي-زەرتتەۋ ينستيتۋتىندا, وبلىس ورتالىقتارىنداعى گلاۋكوما ءبولمەلەرىندە, ەمدەۋ-دياگنوستيكالىق «ءجاردەم» پويىزدارىندا گلاۋكومانى انىقتايتىن تەگىن سكرينينگ زەرتتەۋلەر ۇيىمداستىرىلماق.
«ەگەمەن-اقپارات».