كەشە قازاقستان رەسپۋبليكاسىنىڭ كورەيا رەسپۋبليكاسىنداعى ءتوتەنشە جانە وكىلەتتى ەلشىسى دارحان بەرداليەۆ كورەيا رەسپۋبليكاسىنىڭ تەگۋ قالاسىنا ساپار جاسادى. ساپار بارىسىندا تەگۋ قالاسىنىڭ مەرياسىندا بولعان ارنايى سالتاناتتى جيىندا قالا مەرى كيم بۋم-يل ەلشى د.بەرداليەۆكە تەگۋ قالاسىنىڭ قۇرمەتتى ازاماتى اتاعى بەرىلگەندىگى تۋرالى كۋالىكتى تاپسىردى.
كيم بۋم-يل ءوز سوزىندە بۇل قۇرمەتتى اتاق قازاقستاننىڭ ەلشىسىنە ەكى ەل اراسىنداعى, ونىڭ ءىشىندە ايماقتار اراسىنداعى قاتىناستاردى دامىتۋعا قوسقان ۇلەسى ءۇشىن بەرىلدى دەپ كورسەتتى.
ەلشى د.بەرداليەۆتىڭ كورەيا رەسپۋبليكاسىنىڭ استاناسى – سەۋل قالاسىنىڭ جانە ۋلسان قالاسىنىڭ قۇرمەتتى ازاماتى بولىپ تابىلاتىنىن دا ايتا كەتەيىك.
«ەگەمەن-اقپارات».