پارلامەنت ءماجىلىسىنىڭ قارجى جانە بيۋدجەت كوميتەتىنىڭ ءتورايىمى, «قازاقستان رەسپۋبليكاسى – ەۋروپالىق وداق» پارلامەنتتىك ىنتىماقتاستىق كوميتەتىنىڭ ءمۇشەسى گۇلجان قاراعۇسوۆا ەۋروپارلامەنتتىڭ دەپۋتاتى نيكول كيل-نيلسەن حانىممەن جۇزدەستى.
قازاقستاننىڭ ەۋروپالىق پارلامەنتپەن اراداعى پارلامەنتارالىق ىنتىماقتاستىق ماسەلەلەرى كەزدەسۋدىڭ ورتاق تاقىرىبى بولدى. سونىڭ ىشىندە بريۋسسەل قالاسىندا ماۋسىم ايىندا وتەتىنى جوسپارلانىپ وتىرعان پارلامەنتتىك ىنتىماقتاستىق كوميتەتىنىڭ كەزەكتى 10-شى وتىرىسىنا دايىندىق بارىسى تالقىعا سالىندى.
سونىمەن قاتار, تاراپتار ەلىمىزدىڭ ساياسي جانە ەكونوميكالىق دامۋى, قازاقستانداعى ەكولوگيالىق ماسەلەلەردىڭ شەشىمىن تابۋى سەكىلدى ويلار توڭىرەگىندە پىكىر الماستى.
كەزدەسۋگە ءماجىلىستىڭ ەكولوگيا ماسەلەلەرى جانە تابيعات پايدالانۋ كوميتەتىنىڭ جانە «قر-ەو» پارلامەنتتىك ىنتىماقتاستىق كوميتەتىنىڭ مۇشەسى مارال يتەعۇلوۆ قاتىستى.
* * *
ەۋروپالىق سەرىكتەستەرمەن كەزدەسۋ
پارلامەنتتە ايگۇل سولوۆەۆا باستاعان ءماجىلىس دەپۋتاتتارى ەۋروپا حالىق پارتياسىنىڭ حالىقارالىق ماسەلەلەر جونىندەگى حاتشىسى بريك نيكوليا (فرانتسۋز رەسپۋبليكاسى) جەتەكشىلىك ەتكەن اتالعان پارتيانىڭ دەلەگاتسياسىن قابىلدادى.
سونىمەن قاتار, دەلەگاتسيا قۇرامىندا حالىق پارتياسىنىڭ حالىقارالىق ماسەلەلەر جونىندەگى حاتشىسىنىڭ ورىنباسارى ديەگو دە بەلفورد-گەنريكەس (پورتۋگاليا رەسپۋبليكاسى), ءمينيستردىڭ ازاماتتىق ىستەر جونىندەگى ورىنباسارى سەناد ششەپيك (بوسنيا جانە گەرتسەگوۆينا), جاڭا دەموكراتيا پارتياسىنىڭ حالىقارالىق ماسەلەلەر جونىندەگى حاتشىسىنىڭ ورىنباسارى ميحايل پەگكليس (گرەك رەسپۋبليكاسى) بولدى.
سونداي-اق بۇل كەزدەسۋگە قازاقستان تاراپىنان ءماجىلىس دەپۋتاتتارى ءۋاليحان قوڭىرباەۆ, مۇرات ابەنوۆ, سەرىك تەمىربولاتوۆ, «نۇر وتان» حدپ ورتالىق اپپاراتىنىڭ سىرتقى ساياسات باسقارماسىنىڭ باستىعى سايابەك ساحيەۆ قاتىسىپ, شەتەلدىك ارىپتەستەرمەن پىكىر الماستى.
كەزدەسۋ بارىسىندا تاراپتار پارلامەنتارالىق ىنتىماقتاستىقتى دامىتۋ تۋرالى ويلارىمەن ءبولىستى. سونداي-اق ەۋروپالىق وداق قۇرامىنداعى ەلدەردىڭ ساياسي پارتيالارىمەن ءوزارا بايلانىس ورناتۋ ءماسەلەلەرى تالقىلاندى.
ايباتىر سەيتاق, جۋرناليست.