ەلباسىنىڭ «بولاشاقتىڭ ىرگەسىن بىرگە قالايمىز» اتتى جولداۋى حالىققا جول تارتتى. ەرەكشە ىقىلاسپەن تانىستىم. وندا بۇگىنگى قالىپتاسقان جاعداي مەن ەلىمىزدىڭ ىشكى جانە سىرتقى ساياساتى, ەكونوميكا مەن رۋحاني سالاعا بايلانىستى تەرەڭ وي-پىكىرى ءبىزدىڭ ەرتەڭگى باقىتتى ءومىرىمىزدىڭ كەپىلىندەي اسەرگە بولەدى. بۇگىندە ساياسي پارتيالار ۇلكەن ساياسي-قوعامدىق قۇشكە اينالىپ, ولاردىڭ جەرگىلىكتى دەڭگەيدەگى ىقپالى عانا ەمەس, حالىقارالىق ساياسات ساحناسىنداعى ءرولى ارتۋدا. «نۇر وتان» پارتياارالىق ىقپالداستىقتى دامىتۋداعى ماڭىزدى قادامدا ءاردايىم كوشباسشى بولىپ كەلەدى.
«نۇر وتاندى» بيلىكتىڭ پارتياسى دەيدى. ءبىز تەك قانا بيلىكتىڭ ەمەس, بىلىكتىلىكتىڭ پارتياسىمىز, دەگىم كەلەدى. پارتيانىڭ 2020 جىلعا دەيىنگى كەزەڭگە ارنالعان باعدارلاما جوباسى باستاۋىش پارتيا ۇيىمدارىندا كەڭىنەن تالقىلانىپ, ۇسىنىستار ەنگىزىلىپ, قولداۋعا يە بولدى. قالالىق فيليالدىڭ 7194 مۇشەسى 15 باستاۋىش پارتيا ۇيىمىنا شوعىرلانعان. «نۇر وتان» مۇشەلەرىنىڭ سانى جىل ىشىندە 800 ادامعا ءوستى. پارتيا فيليالىندا باستاۋىش پارتيا ۇيىمدارىمەن جۇمىس جاساۋ تارتىپكە كەلتىرىلسە, بيۋرو ءمۇشەلەرى مەن دەپۋتاتتىق فراكتسيا ءمۇشەلەرى, پارتيا فيليالى قىزمەتكەرلەرى بەكىتىلدى. رەسپۋبليكالىق بايقاۋلاردا پارتيالىق بەكەتتەر جۇمىسى بويىنشا ەكىنشى ورىندى يەلەنسەك, جاستارعا ساياسي ءبىلىم بەرۋدەن, تىڭ ءپىشىندى ءىس-شارالار, جاڭا الەۋمەتتىك ماڭىزى بار جوبالار تاراپىنان رەسپۋبليكا كولەمىندە ءىس-تاجىريبەمىز تاراتىلدى.
قوعامدىق كوميسسيانىڭ جۇمىس ءناتيجەسى ەل كولەمىندە وڭدى باعا الىپ, رەسپۋبليكالىق پارتيا باسشىلارى قالالىق فيليال جۇمىسىن كورىپ, ريزاشىلىقتارىن ءبىلدىرۋى پارتيا بەلسەندىلەرىنىڭ ارقاسى دەر ەدىم. وبلىس كولەمىندەگى جاستار اراسىنداعى بايقاۋلاردا جۇلدەلى ورىندارعا يە بولىپ جۇرگەن جاستارىمىزدى ءاردايىم ماقتان ەتەمىز.
«جاقسىلاردىڭ ۇلەسى – جانىپ تۇرعان شامداي», دەگەن ەكەن حالىق. ءبىزدىڭ باستاۋىش پارتيا ۇيىمدارى توراعالارىنىڭ ازاماتتىق, ساياسي بەلسەندىلىكتەرى جوعارى. ءار جىل سايىن وتكىزىلەتىن «ەڭ ۇزدىك باستاۋىش پارتيا ۇيىمى» بايقاۋى ناتيجەسىندە قالالىق پارتيا فيليالىنىڭ اۋىسپالى كۋبوگى ەڭ ۇزدىك باستاۋىش ۇيىمعا تاپسىرىلىپ كەلەدى.
«تەمىر سىرىن وتتا تانىتادى, ادام سىرىن جوقتا تانىتادى», دەگەندى جانى اۋىرعان پەندە ايتسا كەرەك. باستاۋىش پارتيا ۇيىمدارى قاشاندا جارلىنىڭ جوعىن جوقتاپ, مۇمكىندىگى شەكتەۋلى, جالعىزىلىكتى ازاماتتارعا قامقورلىق كورسەتۋدى پارىز سانايدى. «وتان ارداگەرلەرى» كەڭەسى وبلىستىق ارداگەرلەر كەڭەسىمەن بىرگە قاشاندا جاستارعا ۇلگى كورسەتىپ, قوعامدىق, ساياسي-بۇقارالىق جۇمىستىڭ بەل ورتاسىنان كورىنۋدە.
بۇگىنگى زامان – باسەكە زامانى. باسەكە قاشاندا تىنىمسىز ەڭبەكتى, جاڭاشىلدىق پەن بىلىكتىلىكتى, قاتاردان وزىپ, العا ءتۇسۋدى تالاپ ەتەدى. ءبىز كوپ ۇلتتى پارتيامىز. ءبىزدىڭ ومىرلىك كۇشىمىزدىڭ, شىعارماشىلىق كۇش-قۋاتىمىز بەن جاسامپازدىق الەۋەتىمىزدىڭ قاينارى وسىندا.
قالالىق پارتيا فيليالى وبلىستا ءبىرىنشى بولىپ باستاۋىش پارتيا ۇيىمدارىنىڭ ۇزدىك ءىس-تاجىريبەلەرىن جيناقتاپ, ادىستەمەلىك كىتاپتار شىعاردى. سوڭعى ەكى جىلدا 19 ادىستەمەلىك وقۋ قۇرالى شىعارىلىپ, باستاۋىش پارتيا ۇيىمدارىنا تاراتىلدى.
مۇمكىندىك تە, ساياسي كۇش تە جەتەرلىك. دەمەك, جولداۋدا جانە «نۇر وتان» حدپ-نىڭ جاقىندا وتكەن ءحىىى سەزىندە ايتىلعانداردى باسشىلىققا الىپ, الەۋمەتتىك-ەكونوميكالىق ماسەلەلەردىڭ جەدەل شەشىلۋى مەن قوعامدى ءدايەكتى دەموكراتيالاندىرۋعا باعىتتالعان ستراتەگيالىق ماقساتتاردى ورىنداۋعا كىرىستىك. ول ءوز ناتيجەسىن بەرەتىنى انىق.
جولداۋ ەل مەرەيىن ءوسىردى, قۋات بەردى. ەندى ونى جۇمىسىمىزدىڭ ارقاۋىنا اينالدىرۋ ءۇشىن جۇمىلا ەڭبەك ەتەمىز.
ءاسيا احمەتوۆا, «نۇر وتان» حدپ تالدىقورعان قالالىق فيليالى توراعاسىنىڭ ءبىرىنشى ورىنباسارى. الماتى وبلىسى.