بيىلعى جولداۋ مىناداي دانا سوزبەن باستالعان «ىرىس ىنتىماققا جولىعادى, داۋلەت بىرلىكپەن تولىعادى». مەن بۇل ءسوزدى بىلايشا وربىتكىم كەلەدى: «ىرىس وزدىگىنەن ىنتىماققا جولىقپايدى, داۋلەت تە وزدىگىنەن بىرلىكپەن تولىقپايدى. ىرىستىڭ ىنتىماققا جولىعۋى ءۇشىن دە, داۋلەتتىڭ بىرلىكپەن تولىعۋى ءۇشىن دە سەبەپ بولۋى كەرەك.
ەلىمىز تاۋەلسىزدىك العالى بەرى حالىقارالىق دەڭگەيدە ءوزىنىڭ تۇعىر تورىنە باتىل كوتەرىلىپ كەلەدى. وزگە ەلدەردەن بەرەكە قاشىپ, حالىقتار ارازدىعى ءورشىپ كەلە جاتسا, ءبىزدىڭ ەلىمىزگە, كەرىسىنشە, ىرىس قونىپ, حالىقتار ىنتىماعى جىل سايىن ارتىپ, ودان ارى كۇشەيە تۇسۋدە. وزگە ەلدەردە ەكونوميكالىق توقىراۋلار ورىن السا, بىزدە, كەرىسىنشە, داۋلەتىمىز اسىپ, وركەنيەتتى ەلدەرمەن تەرەزەمىز تەڭەسىپ قالدى.
ونى دالەلدەپ جاتۋدىڭ قاجەتى شامالى, ەلىمىزگە ىرىس قونىپ, داۋلەتىمىزدىڭ ارتۋىنا بىردەن-ءبىر سەبەپ – وتانىمىزداعى دوستىق قارىم-قاتىناس, ءتۇرلى باعىتتارداعى تۇسىنىستىك, وسىنىڭ ناتيجەسىندە قول جەتكىزىپ وتىرعان الەۋمەتتىك-ەكونوميكالىق تابىستارىمىز. ال وسىلاردىڭ بارلىعىنىڭ دەرلىك باستاۋىندا حالىققا ارنالاتىن جىل سايىنعى جولداۋلار تۇرعانى تاعى اقيقات.
ورتا ءبىلىم بەرۋ جۇيەسىنىڭ وكىلى رەتىندە مەنى جولداۋداعى وسى سالادا جۇمىس جاسايتىن قىزمەتكەرلەردىڭ الدىنا قويىلعان مىندەتتەر قىزىقتىرادى. بيىلعى جولداۋدا ورتا ءبىلىم بەرۋ سالاسىن 12 جىلدىق مودەلگە كوشىرۋگە دايىنداۋ جانە ءبىلىم ساپاسىن كوتەرۋ مىندەتى قويىلىپ وتىر. نەگىزگى نازار كاسىپتىك-تەحنيكالىق ءبىلىم بەرۋگە جانە جوعارى وقۋ ورىندارىن جاڭعىرتۋعا بولىنگەن, ياعني جوو-لاردىڭ يننوۆاتسيالىق مودەلدەرى قالىپتاستىرىلماق.
بۇل ستراتەگيانى ءوز باسىم وتە ۇتىمدى جانە ورتا ءبىلىم بەرۋ سالاسىنىڭ دامۋىنا ۇلكەن تۇرتكى بولاتىن, ونىڭ باسەكەلەستىك باعىتىندا ساۋىعۋىنا ىقپال ەتەتىن قاجەتتى ارەكەت دەپ ويلايمىن. سەبەبى, نارىقتىڭ زاڭدىلىعى بويىنشا دامۋ بولۋ ءۇشىن مىندەتتى تۇردە باسەكەلەستىك جاعدايدىڭ بولۋى شارت, ال تالاپ ەتىلىپ وتىرعان قارقىندا دامۋ ءۇشىن باسەكەلەس قاجەت. سوندىقتان ورتا ءبىلىم بەرۋ سالاسىندا جۇمىس جاسايتىن قازمەتكەرلەر مەن مەكتەپ باسشىلارىنىڭ الدىندا ەلىمىزدەگى 20 ينتەللەكتۋالدى مەكتەپكە باسەكەلەس بولا الاتىنداي شارالاردى جەدەل قولعا الۋ مىندەتتەرى تۇر جانە ول ءبىزدىڭ قولىمىزدان كەلەدى دەپ سەنەمىن.
مەن مەكتەپ باسشىسى رەتىندە ءار ىسىمدە, مەكتەپتى دامىتۋدىڭ جوباسىن جاساۋدا ەلىمىزدىڭ دامۋ باعدارلامالارىنا, ستراتەگيالىق جوسپارلارىنا ارقا سۇيەيمىن. ولار ازىرگە اداستىرعان جوق.
ەرۇلان جيەنباەۆ, دارىندى بالالارعا ارنالعان №92 مامانداندىرىلعان مەكتەپ-ليتسەي ديرەكتورى. الماتى.