ەلباسىنىڭ بيىلعى جولداۋىندا جەدەلدەتىلگەن ەكونوميكالىق جاڭعىرتۋ – ۇدەمەلى يننوۆاتسيالىق-يندۋستريالىق باعدارلاماسى جالعاساتىنى اتاپ كورسەتىلدى. جەتىسۋ جەرىندە تاۋەلسىزدىگىمىزدىڭ 20 جىلدىعىنا بايلانىستى وربىگەن ىرگەلى ىستەر جەتكىلىكتى دەسەك, ونىڭ ومىرگە اكەلگەن وڭ ءوزگەرىستەرى دە بىردەن بايقالادى. ەڭ باستىسى جۇمىسسىزدىق ماسەلەسى شەشىمىن تابۋدا. جاڭا كاسىپورىندار ەرەكشە ىرعاقپەن جۇمىس ىستەپ كەلەدى.
«دامۋ» كاسىپكەرلىكتى دامىتۋ قورى» اكتسيونەرلىك قوعامى «دامۋ – ايماقتار ءىى» باعدارلاماسىن وتكەن جىلدىڭ قىركۇيەك ايىنان باستاپ, بۇعان دەيىن وزگە وڭىرلەردەگى جوبالاردى قارجىلاندىرۋدى قولعا العان ەكەن. ءناتيجەسىندە ۇيلەستىرۋ كەڭەستەرى ارقىلى جالپى قۇنى ءبىر ميلليارد تەڭگەدەن اساتىن ون ءتورت جوبا بەكىتىلىپ, ومىرگە جولداما العان.
جاڭا باعدارلاما اياسىندا شاعىن جانە ورتا كاسىپكەرلىكتى دامىتۋدى كوزدەگەن باعدارلاما ايماقتىق جوباعا 11 ملرد. تەڭگە ءبولۋدى جوسپارلاپ وتىر. وسىعان وراي «دامۋ – ايماقتار ءىى» باعدارلاماسىمەن وڭىرگە 500 ملن. تەڭگەدەن ورنالاستىرۋ كوزدەلسە, استانا, الماتى, قاراعاندى قالالارىن قارجىلاندىرۋ كولەمى 0,5 ميللياردتان 1,5 ميللياردقا دەيىن وسىرىلمەكشى.
«دامۋ» قورىنىڭ نەگىزگى باعىتى ءوڭىرلەردەگى شاعىن جانە ورتا كاسىپكەرلىككە قارجىلىق كومەك پەن بىرگە, قارجىلىق ەمەس قولداۋدىڭ ءتيىمدى تۇرلەرىن ۇسىنۋ بولىپ تابىلادى. وعان وسىمەن قوسا سەرىكتەس بانكتەردىڭ جانە بيۋدجەتتەن قاراستىرىلاتىن اكىمدىك قاراجاتى دا ەنۋى مۇمكىن.
«دامۋ – ايماقتار ءىى» باعدارلاماسى «بيزنەستىڭ جول كارتاسى – 2020» باعدارلاماسىنداعى ءبىرىنشى باعىت بويىنشا بىرلەسە جۇرگىزىلەدى. دەمەك, جاڭا باعدارلامانىڭ جاڭالىعى شاعىن جانە ورتا كاسىپكەرلىكپەن اينالىساتىندار ءۇشىن ءتيىمدى ەكەنى داۋسىز. جەتىسۋلىقتار دا جاڭالىقتى قۋانا قارسى الدى.
كۇمىسجان بايجان, الماتى وبلىسى.