كەشە استانادا ادام قۇقىقتارى جونىندەگى ۋاكىل اسقار شاكىروۆ سىرتقى ىستەر جونىندەگى كوميتەتتىڭ مۇشەسى نيكول كيل-نيلسەننىڭ باسشىلىعىمەن كەلگەن ەۋروپالىق پارلامەنت دەلەگاتسياسىمەن كەزدەستى.
دەلەگاتسيا قازاقستانعا باسىم باعىتتارىنىڭ ءبىرى رەتىندە ادام قۇقىقتارى سالاسىنداعى ىنتىماقتاستىق بولىپ تابىلاتىن ەۋروپالىق وداق پەن ورتالىق ازيا ەلدەرى اراسىنداعى جاڭا ارىپتەستىكتىڭ 2007-2013 جىلدارعا ارنالعان ستراتەگياسىنىڭ ىسكە اسىرىلۋى بارىسىمەن تانىسۋ ءۇشىن كەلدى.
ا.شاكىروۆ قوناقتاردى ادام قۇقىقتارىن قامتاماسىز ەتۋ سالاسىندا, ونىڭ ىشىندە زاڭنامالىق بازا مەن قۇقىق قولدانۋ تاجىريبەسىن جەتىلدىرۋ, ۇكىمەتتىك ەمەس جانە حالىقارالىق ۇيىمدارمەن ءوزارا ارەكەتتەسۋ, حالىققا قۇقىقتىق ءبىلىم بەرۋ ماسەلەلەرىندەگى مەملەكەتتىڭ قىزمەتىمەن تانىستىردى.
اڭگىمەلەسۋ بارىسىندا شەتەل ساراپشىلارى قۇقىق قورعاۋ پروبلەماسىنىڭ, ونىڭ ىشىندە, بۇقارالىق اقپارات قۇرالدارى بوستاندىعىنىڭ كەڭ اۋقىمدى ماسەلەلەرى جونىندە تولىق ءتۇسىنىك الدى.
كەزدەسۋدى قورىتىندىلاي, تاراپتار ءار ءتۇرلى سالالاردا, ونىڭ ىشىندە گۋمانيتارلىق ءولشەمدە قازاقستاندىق-ەۋروپالىق ارىپتەستىكتىڭ دامۋىنىڭ وڭ قارقىنىن اتاپ ءوتتى, دەپ حابارلادى ادام قۇقىقتارى ءجونىندەگى ۋاكىل اپپاراتىنىڭ باسپاسوز قىزمەتى.