بىلىكتى مامان – دامۋ كەپىلى

كەشە اقوردادا مەملەكەتتىك حاتشى گۇلشارا ابدىقا­لىقوۆانىڭ قاتىسۋىمەن شەتەلدە ماماندار دايارلاۋ جونىندەگى رەسپۋبليكالىق كوميسسيانىڭ كەزەكتى وتىرىسى ءوتتى. وتىرىستى اشقان گ.ءابدى­قا­لى­قوۆا ءبىرىنشى كەزەكتە ەلىمىز ءۇشىن ءبىلىمدى, بىلىكتى ماماندار دايار­لاۋدىڭ وزەكتىلىگىنە توقتالىپ ءوتتى. «الەمدىك ەكونوميكادا جوعارى دەڭگەيلى ماماندارعا دەگەن سۇرانىس ارتىپ كەلە جاتقانى بايقالۋدا. بۇل تۇرعىدا الەمدىك ساراپشىلار جۋىق ارادا بىلىكتى ماماندارعا دەگەن تاپسىرىس كولەمى وسە تۇسەتىنىن بولجاپ وتىر. وسى ورايدا, ەلباسى نۇرسۇلتان نازارباەۆ «قازاقستان جاڭا جاھاندىق ناقتى احۋالدا: ءوسىم, رەفورمالار, دامۋ» اتتى جولداۋىندا ەلدىڭ ادامي كاپيتالىن دامىتۋعا ارنالعان اۋقىمدى ينۆەستيتسيالار مەملەكەتتىك ساياسات­تىڭ باسىم باعىتتارىنىڭ ءبىرى ەكەنىن اتاپ وتكەن بولاتىن», – دەدى مەملەكەتتىك حاتشى. ودان ءارى گ.ابدىقالىقوۆا جوعارى بىلىكتى ماماندار دايىنداۋدا «بولاشاق» باعدارلاماسىنىڭ جوعارى مانگە يە ەكەنىن ءسوز ەتتى. سونداي-اق, ول ەلباسى نۇر­سۇلتان نازار­باەۆتىڭ تاپسىر­ماسىنا ءساي­كەس اۋىل شارۋا­شىلىعى, دەنساۋ­لىق ساقتاۋ, اەروعارىش جانە كولىك يندۋسترياسى سالالارىنا جاڭا تەحنولوگيالاردى ەنگىزۋ با­عى­تىنداعى جۇمىستاردى بەل­سەندى اتقارۋ كەرەكتىگىنە نازار اۋداردى. جيىندا بەلگىلى بولعان­داي, بيىلعى جىلدىڭ باسىنان بەرى بۇل باعدارلاما پرەزي­دەنتتىڭ «بولاشاق» حالىق­ارالىق ستيپەن­دياسى­نىڭ 2016-2020 جىلدارعا ار­نالعان جاڭا دامۋ جوسپارى بويىن­شا ىسكە اسىرىلۋدا. قۇ­جاتتا ونى جاڭارتۋدىڭ نەگىز­گى باعىتتارى بەلگىلەن­گەن. بۇدان بولەك, وتىرىس با­رىسىندا 2017 جىلدان باس­تاپ «بولاشاق» باعدار­لا­ماسى بويىنشا اۋىل مۇعا­لىم­دەرىنە جەڭىلدىكتەر قاراستى­رىلاتىنى ءسوز بولدى. بۇل تۇر­عىدا «حالىقارالىق باعدار­لامالار ورتالىعى» اق پرە­زيدەنتى عاني نىع­مە­توۆ ءمالىم ەتتى. «بۇگiن جاڭا تاپسىرمالار بەرiلدi. ونىڭ iشiندە اۋىل مۇعالiمدەرiنە جەكە كۆو­تا قاراستىرۋ بار. ءدالى­رەگى, كەلەسi جىلدان باستاپ اۋىل مۇعالiمدەرiنە «بو­لا­­شاققا» جەڭiلدiكپەن تۇسۋگە مۇمكiنشiلiك بولادى. اۋىل مۇعالiمدەرi اعىل­شىن تiلiن ورتا دەڭگەي­دە بiلسە, «بو­لاشاق» باعدارلا­ماسىمەن ماگيس­تراتۋراعا تۇسە الادى. كەلە­شەكتە ولار­عا جالپى مامان­دىق بويىن­شا جۇمىس iستەۋ تالابى قويىلادى», – دەدى ور­تالىق باسشىسى. ع.نىعمەتوۆتىڭ ايتۋىن­شا, بيىلعى جىلى «بولاشاق» باع­دارلاماسىنا 23 جىل تو­لىپ وتىر. وسى جىلدار iشiندە 12 مىڭعا جۋىق ستيپەن­ديا بولiنگەن. شەتەلدە ءبىلىم العان 9 مىڭ ازامات ەلگە ورال­عان. قازىر 1,5 مىڭ ستۋدەنت شەتەلدە وقىپ جاتىر. سونىمەن بىرگە, ع.نىع­مە­توۆ «بولاشاق» باع­دار­لاماسى قا­زاقستاننىڭ ءۇل­كەن جەتiس­تiگi ەكەنىن اتاپ ءوتتى. «بولاشاق» – ەلiمiز­دiڭ ەڭ اشىق, ءادiل باع­دار­­لاما­لارىنىڭ بiرi. بۇل باع­دارلاما ءاربiر ازاماتقا قول­جەتiمدi. ءوز بەتiمەن شە­تەل­­گە وقۋعا ءتۇس­كەن ءۇمiت­كەر­لەر ءۇشىن ەكi جىل ەڭبەك ءوتiلi تا­­لابى الىنىپ تاستالدى. جا­­­­قىندا بۇل ءجو­نىندە ۇكi­­مەت­­تiڭ قاۋلىسى قابىل­دانادى. جالپى, «بولاشاق» باع­دار­لاماسى «قازاق­ستان-2050», «نۇرلى جول», «100 ناقتى قادام» باعدار­لامالارىنا ماماندار دايىندايدى. سون­دىقتان قازiر ينجەنەر-تەحنيك ماماندىقتارىنا ۇلكەن كوڭiل ءبولiپ جاتىرمىز», – دەدى ع.نىعمەتوۆ. ونىڭ سوزىنە قاراعاندا, 2016 جىلعا 700 ستيپەنديا ءبو­لiنىپتى. جىلدىڭ باسىندا 137 ستيپەنديانىڭ يەگەرلەرى انىقتالسا, ماۋسىم-شiلدە ايلارىندا ەكiنشi كەزەڭ بويىنشا قۇجاتتار قابىلدانعان. ال ءۇشىنشى كەزەڭگە قۇجاتتار 30 قىركۇيەككە دەيىن قابىل­دانىپ, قورىتىندىسى جەل­توق­ساندا شىعارىلماق. جولدىباي بازار, «ەگەمەن قازاقستان» سۋرەتتى تۇسىرگەن ەرلان وماروۆ, «ەگەمەن قازاقستان»