UIB ۋنيۆەرسيتەتى دۇنيەجۇزىلىك ساۋدا ۇيىمىنىڭ RTCP (ساۋدا ساياساتى بويىنشا ايماقتىق كۋرس) ءۇشىن اكادەميالىق سەرىكتەس بولىپ بەكىتىلدى. بۇل ۋنيۆەرسيتەتكە الەمنىڭ 30 ەلى ۇكىمەتتەرىنىڭ وكىلدەرىنە ارنالعان سەمينارلاردىڭ تورتجىلدىق سەرياسىن ۇيىمداستىرۋدىڭ ايرىقشا قۇقىعىن بەرەدى. جىل سايىن دسۇ الماتىداعى حالىقارالىق بيزنەس ۋنيۆەرسيتەتىندە جوعارى لاۋازىمدى تۇلعالارعا 2 ايلىق سەمينارلار وتكىزەدى.
UIB ۋنيۆەرسيتەتىنىڭ قول جەتكىزگەن جەتىستىگى – ارينە اتاپ ايتۋعا تۇرارلىق. دۇنيەجۇزىلىك ساۋدا ۇيىمىنا مۇشە بولۋدىڭ ءبىرىنشى جىلى ىشىندە قازاقستان ەندى وتە ماڭىزدى ءارى ىقپالدى سەمينارلار جۇرگىزبەك. سونىڭ ناتيجەسىندە 30 ەلدىڭ توپ-مەنەدجەرلەرى ۇيىم جۇمىسىمەن جانە ونىڭ پروتسەدۋرالارىمەن تانىسۋ ءمۇمكىندىگىنە يە بولادى. سەمينارعا قاتىسۋشىلار الماتىنىڭ جانە قازاقستاننىڭ تاجىريبەسىمەن تانىسۋعا, جەرگىلىكتى تۇرعىنداردىڭ قوناقجايلىلىعىن باعالاۋ جانە ەلباسىنىڭ باسشىلىعىمەن رەسپۋبليكامىزدىڭ قارىشتاپ دامۋىنىڭ ءمان-جايىنا قانىعادى. بۇل قازاقستاننىڭ اكادەميالىق ءبىرلەستىگىنە دە پايداسىن تيگىزەدى. ويتكەنى, قوناقتار مەن قابىلداۋشى ۋنيۆەرسيتەت اراسىندا بىلىممەن جانە تاجىريبەمەن الماسۋ ماقساتىندا سەمينارلاردى جەتەكشى جوعارى وقۋ ورىندارىنىڭ قابىرعالارىندا دا ۇيىمداستىرۋ ۇيعارىلىپ وتىر.
دسۇ ۇزدىك ستۋدەنتتەرمەن قاتار, جوعارى بىلىكتى جانە تاجىريبەلى نۇسقاۋشىلاردى تارتادى. ولار قازاقستانعا كەلىپ جاھاندىق ساۋدا ۇيىمىنا بىرىگۋ تۋرالى وزدەرىنىڭ مول تاجىريبەسىمەن بولىسەدى. سونداي-اق, دسۇ-عا ءاربىر قاتىسۋشى ەل ءۇشىن ۇردىستەردىڭ اسەرى جونىندە تۇسىندىرمە جانە مالىمەت بەرەدى.
حالىقارالىق بيزنەس ۋنيۆەرسيتەتى باسەكەلەسۋشى ەلدەر مەن ولاردىڭ تاڭداۋلى ۋنيۆەرسيتەتتەرىنىڭ ۇلكەن توبى اراسىنان تاڭدالدى. بۇل البەتتە قازاقستاننىڭ قارقىندى دامۋىن حالىقارالىق دەڭگەيدە باعالانعاندىعىن راستايدى. بۇعان قوسا UIB-ءدىڭ بيزنەستە جانە جوعارى ءبىلىمنىڭ ەكونوميكالىق سالاسىنداعى كوشباسشىلىعىن كورسەتەدى. ءاربىر سەمينار كەزىندە شاقىرىلعان دسۇ لەكتورلارى UIB ءبىلىمى كەڭىستىگىن كەڭەيتە وتىرىپ, ۋنيۆەرسيتەتتىڭ قىزمەتكەرلەرىمەن جانە ستۋدەنتتەرىمەن تاجىريبە بولىسەدى. وسى ارادا ۋنيۆەرسيتەتتىڭ ەۋرازيالىق ەكونوميكالىق وداققا بايلانىستى ارنايى ءپان جۇرگىزۋ بويىنشا العاشقى بولعانىن دا اتاپ ءوتۋ كەرەك. ەندى UIB ستۋدەنتتەرگە قازاقستان رەسپۋبليكاسىنىڭ الداعى كەزدە دامۋىنا حالىقارالىق ەكونوميكالىق بىرىگۋدىڭ اسەرى تۋرالى وزىق ءبىلىمدى بەرۋگە ۇمتىلۋدا.
كەلىسسوزدەر بارىسىندا دسۇ ءتيىمدى بايلانىستىڭ قالىپتاسۋىنا مۇددەلى بولدى. ال ءوز كەزەگىندە UIB ەكونوميكالىق بىرىگۋ ماسەلەسىنە زور كوڭىل بولەتىن عىلىمي-زەرتتەۋ ورتالىعىن جەتىلدىرە بەرمەك. بارلىق دارەجەلەر سپەكترى (باكالاۆرياتتىڭ 17 ماماندىعى, ولاردىڭ 4-ەۋى ەكسپەريمەنتتىك جانە ۋلترا قازىرگى باعدارلاما بولىپ تابىلادى; 11 ماگيستراتۋرا; مۆا جانە 3 PhD) بويىنشا ارنايى پاندەردى دامىتۋ جانە عىلىمي-زەرتتەۋ جۇمىسى بويىنشا سەمينارلار وتەدى. ىنتىماقتاستىق نەگىزىندە UIB وقىتۋشىلارى اۋقىمدى ترانسۇلتتىق زەرتتەۋ جوبالارىنا قوسىلۋى ءمۇمكىن. وسىلايشا الەمدىك ماڭىزعا يە ەكونوميكالىق زەرتتەۋلەردىڭ جاھاندىق جەلىسىنە جەتە الادى. UIB ستۋدەنتتەرى اۋديتوريالار مەن ءدالىزدەردى 30 ەل ۇكىمەتىنىڭ جوعارى قىزمەتتەگى وكىلدەرىمەن ءبولىسىپ, دسۇ جەتەكشى ماماندارىنىڭ سەمينارلارىنا قاتىسۋ مۇمكىندىگى اشىلادى. ءناتيجەسىندە UIB پروفەسسورلىق-وقىتۋشىلىق قۇرامى حالىقارالىق ەكونوميكا, ەكونوميكالىق ديپلوماتيا, ساۋدالىق بىرىگۋ تۋرالى بىلىمدەرىن كەڭەيتىپ, عىلىمي زەرتتەۋدىڭ ۇلكەن مۇمكىندىكتەرىن قولدانا الادى.
حالىقارالىق بيزنەس ۋنيۆەرسيتەتى ءۇشىن بۇل لايىقتى قۇرمەت. جانە دە ونىڭ قۇزىرەتىن حالىقارالىق مويىنداۋ بولىپ تابىلادى. وقۋ ورنى بىرنەشە حالىقارالىق اكادەميالىق اككرەديتتەۋدى ءساتتى ەڭسەرمەك. 6 باكالاۆريات, 5 ماگيستراتۋرا دەڭگەيىندە (AQ Austria) جانە رەيتينگتەردە الدىڭعى ورىننان كورىنۋ مىندەتى تۇر. UIB الەۋەتتى ستۋدەنتتەرگە, ولاردىڭ اتا-انالارىنا, دەمەۋشىلەرگە, سونداي-اق رەتتەۋشى ينستيتۋتتار مەن جەكەلەگەن تۇلعالارعا, بيزنەس-قاۋىمداستىقتارعا بەلسەندىلىك تانىتادى دەپ سەنەدى. باسەكەگە قابىلەتتىلىكتىڭ جانە حالىقارالىق دەڭگەيدىڭ قازاقستانداعى جوعارى ءبىلىم بەرۋدىڭ مەملەكەتتىك ەمەس سەكتورىندا وسكەندىگىن بايقاتادى. حالىقارالىق بيزنەس ۋنيۆەرسيتەتى ءورشىل, جوعارى بىلىكتى ماماندار دايارلاۋدا بارلىق مۇمكىندىكتى پايدالانا بەرمەك.
UIB دسۇ سەمينارلارىنىڭ بەدەلدى سەرياسىنداعى جەڭىسىنە قازاقستان رەسپۋبليكاسىنىڭ شۆەيتسارياداعى ەلشىسى ج.ايتجانوۆانىڭ, سونداي-اق ساۋدا ساياساتىن دامىتۋ ورتالىعىنداعى قازاقستاندىق بىلىكتى مامانداردىڭ قولداۋى ارقاسىندا قول جەتكىزدى. حالىقارالىق بيزنەس ۋنيۆەرسيتەتى ولارعا اتقارعان ەڭبەكتەرى ءۇشىن العىس بىلدىرەدى.
ءبىز دسۇ-نىڭ ءبىرىنشى كومانداسى بولىپ تابىلاتىن 30 ەلدىڭ جوعارى دەڭگەيلى ستۋدەنتتەرىن قابىلداۋعا جانە دسۇ-UIB بەدەلدى سەرىكتەستىگىنىڭ الداعى 4 جىلى ىشىندە الەمگە قازاقستاندى لايىقتى تانىتۋعا دايىنبىز.
مارتسين دۋشينسكي,
UIB ۋنيۆەرسيتەتىنىڭ
ۆيتسە-پرەزيدەنتى