ريو-دە-جانەيرودا ءوتىپ جاتقان وليمپيالىق ويىندار بوكس جارىسىنىڭ 1/4 فينالىندا 81 كيلوعا دەيىنگى سالماقتاعى قازاقستاندىق ادىلبەك نيازىمبەتوۆ ازەربايجان تەيمۋر مامەدوۆپەن كەزدەسىپ, 3:0 (30:27, 30:27, 30:27) ەسەبىمەن جەڭىسكە جەتتى.
وسى ارقىلى ءبىزدىڭ بوكسشى مەدالدار ۇلەسى جۇرگىزىلەتىن شەڭبەرگە جەتتى.
ادىلبەك ەندى 17 تامىز كۇنى ساعات 03:30-دا ۇلىبريتانيالىق دجوشۋا بۋاتسيمەن جارتىلاي فينالدىق كەزدەسۋگە شىعادى.
تەگى گانالىق بۋاتسي – وتە كۇشتى. ول 1/8 فينالدا وزبەك ەلشود راسۋلوۆتى ءۇش رەت ۇرىپ قۇلاتىپ, سوڭعىسىندا نوكاۋتقا جىبەرگەن. ال 1/4 فينالدا الجيرلىك ابدەلحافيد بەنچلابانى ەكى رەت نوكداۋنعا ءتۇسىرىپ, ايقىن باسىمدىلىقپەن ۇتتى.
داستان كەنجالين
فوتو: facebook.com