ريو-دە-جانەيرودا ءوتىپ جاتقان وليمپيالىق ويىنداردا قازاقستاندىق گرەك-ريم كۇرەسىنىڭ شەبەرى المات كەبىسباەۆ (59 كگ) قولا مەدال جولىنداعى تالاسىن ەكى بەلدەسۋمەن اياقتاۋعا ءماجبۇر بولدى.
جۇبانىش راۋندىندا سىنعا تۇسكەن جەرلەسىمىز اۋەلى وليمپيادا چەمپيونى, الەمنىڭ التى دۇركىن چەمپيونى يراندىق حاميد سورياندى جەڭدى. ول باسىندا اتاقتى پالۋانعا ۇتىلىپ جاتتى. بىراق سوڭعى ساتتە سورياننىڭ جاۋىرىن جەرگە تيگىزىپ, تازا جەڭىسكە جەتتى.
بۇدان كەيىن المات كەبىسباەۆ نورۆەگ ستيگ اندرە بەرگەمەن بەلدەستى. ايقاستا سكانديناۆيا وكىلى 2:0 ەسەبىمەن ۇتىپ كەتتى. وسىلايشا قازاقستاندىق سپورتشى قولا مەدال جولىنداعى كۇرەسۋشىلەر قاتارىنان شىعىپ قالدى.
المات كەبىسباەۆ 1/16 فينالدىق ءبىرىنشى كۇرەسىندە رەسەيلىك يبراگيم لابازانوۆتى 4:0 ەتىپ ۇتقانىمەن, 1/8 فينالدا جاپون شينوبۋ وتاعا 0:6 ەسەبىمەن جول بەرىپ الدى. كەيىن كۇنشىعىس ەلىنىڭ اتلەتى فينالعا شىققاسىن, قولا جۇلدە ءۇشىن كۇرەسۋ مۇمكىندىگىن الدى. الايدا, ول دا ءبىر ۇتىس, ءبىر ۇتىلىسپەن ءتامامدالدى.
دامير قوجامقۇل