ريو-دە-جانەيرودا ءوتىپ جاتقان وليمپيالىق ويىنداردا بۇگىن باستالعان گرەك-ريم كۇرەسى شەبەرلەرىنىڭ جارىسىندا قازاقستاندىق ەكى اتلەت كۇش سىناسىپ, ەكەۋى دە جەڭىلىپ قالدى.
الدىمەن كىلەمگە شىققان 59 كگ سالماقتاعى المات كەبىسباەۆ ءبىرىنشى بەلدەسۋىندە جەڭىسكە جەتتى. ول 1/16 فينالدا جارىستىڭ باستى ءفاۆوريتى سانالىپ وتىرعان رەسەيلىك يبراگيم لابازانوۆتى 4:0 ەسەبىمەن ۇتتى. بىراق 28 جاستاعى اتلەتىمىز 1/8 فينالدا 22 جاستاعى جاپون پالۋانى شينوبۋ وتامەن بەلدەسۋدە مۇنداي ايبات كورسەتە المادى. سايىستى وليمپيادا چەمپيونى, الەمنىڭ التى دۇركىن چەمپيونى 30 جاستاعى يراندىق حاميد سورياندى جەڭۋدەن باستاعان كۇنشىعىس ەلىنىڭ قىرانى الماتتى 6:0 ەتىپ تىزە بۇكتىردى.
ءبىزدىڭ 75 كگ سالماقتاعى ەكىنشى وكىلىمىز دوسجان قارپىقوۆ ءوزىنىڭ ءبىرىنشى بەلدەسۋىندە-اق ۇتىلىپ قالدى.
دامير قوجامقۇل