سولتۇستىك كورەيا قۇراما شتاتتاردى ەلدىڭ ىشكى ىسىنە ارالاسۋعا ارەكەت جاسايدى دەپ ايىپتاپ, ەندى تيتتەي عانا ارانداتۋشىلىق بولسا, وعان يادرولىق سوققى بەرەتىنىن ايتىپ, قوقان-لوققى جاسادى.
كورەيا ورتالىق تەلەگراف اگەنتتىگىنىڭ حابارلاۋىنشا, كحدر بيلىگى قۇراما شتاتتاردى ءوز ەلىنە باسىپ كىرۋگە ارەكەت جاساماقشى دەگەن ايىپتاعان. سوندىقتان ەندى تيتەي عانا ارانداتۋشىلىق بايقالسا, اقش-قا يادرولىق سوققى بەرەتىنىن مالىمدەگەن.
«كحدر-دىڭ قارۋلى كۇشتەرى قازىرگى اسكەري تەكەتىرەس جاعدايىنان دۇشپاندارىنىڭ قولايسىز اسكەري ارانداتۋشىلىعىنا ەسكەرتۋ سوققىلارىن بەرۋ رەجيمىنە كوشتى. ولاردىڭ بارلىق جەدەل توپتارى تيتتەي عانا ارانداتۋشىلىق وقيعاسى ورىن الا قالسا, دۇشپانعا اياۋسىز جانە جويقىن سوققى بەرۋ ءۇشىن تولىق دايىندىق ساپىنا قويىلدى», - دەلىنگەن وسىعان بايلانىستى تاراتىلعان حابارلامادا.
ايتا كەتەتىن جايت, سولتۇستىك كورەيا ليدەرى كيم چەن ىن بيىلعى مامىر ايىندا كحدر-دىڭ بۇرىنعى جاۋلارىمەن قالىپتى قارىم-قاتىناس ورناتۋعا دايىن ەكەنىن مالىمدەگەن بولاتىن.
مۇرات ايتقوجا