ريو-دە-جانەيرودا ءوتىپ جاتقان وليمپيالىق ويىنداردىڭ بوكس تۋرنيرىندە 91 كيلودان اۋىر سالماقتاعى قازاقستاندىق يۆان دىچكو جارتىلاي فينالدا ازەربايجاندىق ماگومەدراسۋل مەدجيدوۆپەن كەزدەسىپ, 2-راۋندتا جەڭىسكە جەتتى.
يۆان قارسىلاسىنىڭ جاراقات الىپ قالۋىنا بايلانىستى دارىگەر شەشىمىمەن 2-راۋندتا جارىستان الۋى سەبەپتى جەڭىسكە جەتتى. بۇل كەزگە دەيىن ول تورەشىلەر باعاسى بويىنشا ۇتىپ تۇرعان ەدى.
ەكى بوكسشى 2011 جانە 2013 جىلدارعى الەم چەمپيوناتتارى كەزىندە ۇشىراسقان ەدى. ونىڭ ەكەۋىندە دە ازەربايجان سپورتشىسى باسىم بولعان. بىرىنشىسىندە جارتىلاي فينالدا ۇتسا, ەكىنشىسىندە فينالدا نوكاۋتپەن جەڭگەن. يۆان قازىر سولاردىڭ بىرەۋىنىڭ قارىمتاسىن قايتاردى.
ءبىر ايتا كەتەتىن جايت, بۇل سالماقتاعى الدىڭعى ءۇش ۇرىس تا نوكاۋتپەن اياقتالدى. الدىمەن ۇلىبريتانيالىق دجوي دجويس – كابوۆەردەلىك داۆيلسون مورايس دوس سانتوستى 1-راۋندتا, وزبەك باحودير جالولوۆ – ۆەنەسۋەلالىق رامون ەدگار مينازدى 2-راۋندتا, نيگەريالىق ەفە اجاگبا ترينيدادتىق نيگەل پاۋلانى 1-راۋندتا ىسكە العىسىز ەتىپ تاستادى.
يۆان دىچكو 17 تامىز كۇنى ساعات 04:00-تە وينالاتىن 1/4 فينالدا ەفە اجاگبامەن ۇشىراسادى.
دامير قوجامقۇل