ريو-دە-جانەيرودا ءوتىپ جاتقان وليمپيالىق ويىندار بوكس ءتۋرنيرىنىڭ 1/16 فينالىندا 52 كگ سالماقتاعى قازاقستاندىق ولجاس ساتتىباەۆ پۋەرتوريكولىق دجەسۋس دجەۆيەر كانترونمەن كەزدەسىپ, 2:1 ەسەبىمەن جەڭىسكە جەتتى.
ولجاس ءوزىنىڭ تۋرنيردەگى ءبىرىنشى ۇرىسىنىڭ ءبىرىنشى راۋندىندا قارسىلاسىنا ەسە جىبەرسە, كەلەسى ەكى راۋندتا باسىم ءتۇستى. وسى باسىمدىق وعان قورىتىندىدا جەڭىس الىپ بەردى.
ەندى ول 1/8 فينالدا ازەربايجان ەلۆين ماميشزادەمەن قولعاپ تۇيىستىرەدى. ول استانا ۋاقىتىمەن ساعات 20:30-دا باستالادى.
ەلۆين ماميشزادە - الەمنىڭ 2015 جىلعى چەمپيونى, ەۋروپا ويىندارىنىڭ 2015 جىلعى چەمپيونى, ەۋروپانىڭ 2010 جىلعى كۇمىس جۇلدەگەرى, 2013 جىلعى قولا جۇلدەگەرى.
ەگەر ولجاس بۇدان وتسە, وزبەك شاحوبيدين زويروۆ پەن اقش بوكسشىسى انتونيو ۆارگاستىڭ قاي جەڭگەنىمەن 18 تامىز كۇنى كەزدەسەدى.
دامير قوجامقۇل