ريو-دە-جانەيرو وليمپيالىق ويىندارىندا قازاقستاندىق بەلگىلى جەڭىل اتلەت, لوندون وليمپياداسىنىڭ چەمپيونى ولگا رىپاكوۆانىڭ جارىس جولىنا شىعاتىن كەزى دە كەلىپ جەتتى.
ءبىزدىڭ ۇكىلى ءۇمىتىمىز ويىندارداعى جارىستىڭ سەگىزىنشى كۇنىندە سايىستى ءۇش قارعىپ سەكىرۋدىڭ كۆاليفيكاتسيالىق تۋرنيرىنەن باستايدى. ونىمەن بىرگە بۇل دوداعا يرينا ەكتوۆا, ەكاتەرينا ەكتوۆا سىندى قازاقستاندىق سپورتشىلار دا قاتىسادى. جارىس استانا ۋاقىتىمەن 18:40-تا باستالادى. ول KazSport تەلەارناسىنان تىكەلەي ەفيردە كورسەتىلەدى.
بۇدان ءارى, ساعات 20:42-دەن باستاپ قازاقستاندىقتار ەلينا ميحينا, اناستاسيا كۋدينوۆا 400 مەترگە جۇگىرۋدىڭ الدىن الا سىناعىنان وتەدى.
ال 23:03-تە باتۋتتا سەكىرۋ جارىسىنىڭ ىرىكتەۋ كەزەڭى باستالادى. وعان بىزدەن پيرمامەد اليەۆ قاتىسادى. جارىس KazSport تەلەارناسىنان بەرىلەدى.
دامير قوجامقۇل