2015 جىلعى 28 جەلتوقسان, استانا قالاسى
مەملەكەتتىك ساتىپ الۋ سالاسىندا ءوز قىزمەتىن جۇزەگە اسىراتىن جۇمىسكەرلەردى قايتا دايارلاۋ جانە ولاردىڭ بىلىكتىلىگىن ارتتىرۋ قاعيدالارىن بەكىتۋ تۋرالى
«مەملەكەتتىك ساتىپ الۋ تۋرالى» قازاقستان رەسپۋبليكاسىنىڭ 2015 جىلعى 4 جەلتوقسانداعى زاڭىنىڭ 16-بابى 8) تارماقشاسىنا سايكەس بۇيىرامىن:
1. مەملەكەتتىك ساتىپ الۋ سالاسىندا ءوز قىزمەتىن جۇزەگە اسىراتىن جۇمىسكەرلەردى قايتا دايارلاۋ جانە ولاردىڭ بىلىكتىلىگىن ارتتىرۋ قاعيدالارى بەكىتىلسىن.
2. قازاقستان رەسپۋبليكاسى قارجى ءمينيسترىنىڭ «مەملەكەتتىك ساتىپ الۋ سالاسىندا مامانداردى قايتا دايارلاۋ جانە ولاردىڭ بىلىكتىلىگىن ارتتىرۋ قاعيدالارىن بەكىتۋ تۋرالى» 2015 جىلعى 30 ناۋرىزداعى № 232 بۇيرىعى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10854 بولىپ تىركەلگەن, «ادىلەت» اقپاراتتىق-قۇقىقتىق جۇيەسىندە 2015 جىلعى 20 مامىردا جاريالانعان) كۇشى جويىلدى دەپ تانىلسىن.
3. قازاقستان رەسپۋبليكاسى قارجى مينيسترلiگiنiڭ مەملەكەتتiك ساتىپ الۋ زاڭناماسى دەپارتامەنتi (س.م. احمەتوۆ) زاڭنامادا بەلگىلەنگەن تارتىپپەن:
1) وسى بۇيرىقتىڭ قازاقستان رەسپۋبليكاسى ادiلەت مينيسترلiگiندە مەملەكەتتiك تىركەلۋىن;
2) وسى بۇيرىق مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونى مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالانۋعا جىبەرىلۋىن;
3) وسى بۇيرىقتىڭ قازاقستان رەسپۋبليكاسى قارجى مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتiزبەلiك ون كۇن وتكەن سوڭ قولدانىسقا ەنگiزiلەدi.
مينيستر ب.سۇلتانوۆ
قازاقستان رەسپۋبليكاسى قارجى ءمينيسترىنىڭ 2015 جىلعى 28 جەلتوقسانداعى №697 بۇيرىعىمەن بەكىتىلگەن
مەملەكەتتىك ساتىپ الۋ سالاسىندا ءوز قىزمەتىن جۇزەگە اسىراتىن جۇمىسكەرلەردى قايتا دايارلاۋ جانە ولاردىڭ بىلىكتىلىگىن ارتتىرۋ قاعيدالارى
مەملەكەتتىك ساتىپ الۋ سالاسىندا ءوز قىزمەتىن جۇزەگە اسىراتىن جۇمىسكەرلەردى قايتا دايارلاۋ جانە ولاردىڭ بىلىكتىلىگىن ارتتىرۋ قاعيدالارى (بۇدان ءارى – قاعيدالار) «مەملەكەتتىك ساتىپ الۋ تۋرالى» قازاقستان رەسپۋبليكاسىنىڭ 2015 جىلعى 4 جەلتوقسانداعى زاڭىنىڭ (بۇدان ءارى – زاڭ) 16-بابى 8) تارماقشاسىنا سايكەس ازىرلەندى جانە مەملەكەتتىك ساتىپ الۋ سالاسىندا ءوز قىزمەتىن جۇزەگە اسىراتىن جۇمىسكەرلەردى قايتا دايارلاۋ جانە ولاردىڭ بىلىكتىلىگىن ارتتىرۋ ءتارتىبىن انىقتايدى.
وسى قاعيدالاردا مىناداي نەگىزگى ۇعىمدار پايدالانىلادى:
ءبىلىم بەرۋ ۇيىمدارى – قوسىمشا ءبىلىم بەرۋدىڭ وقۋ باعدارلامالارىن ىسكە اسىراتىن وقۋ ورىندارى;
تاپسىرىس بەرۋشى – ۇلتتىق باسقارۋشى حولدينگتەردى, ۇلتتىق حولدينگتەردى, ۇلتتىق باسقارۋشى كومپانيالاردى, ۇلتتىق كومپانيالاردى جانە ولارمەن ۇلەستەس زاڭدى تۇلعالاردى, قازاقستان رەسپۋبليكاسىنىڭ ۇلتتىق بانكىن, ونىڭ ۆەدومستۆولارىن, قازاقستان رەسپۋبليكاسى ۇلتتىق بانكىنىڭ قۇرىلىمىنا كىرەتىن ۇيىمداردى جانە داۋىس بەرەتىن اكتسيالارىنىڭ (جارعىلىق كاپيتالعا قاتىسۋ ۇلەستەرىنىڭ) ەلۋ جانە ودان دا كوپ پايىزى قازاقستان رەسپۋبليكاسىنىڭ ۇلتتىق بانكىنە تيەسىلى نەمەسە ونىڭ سەنىمگەرلىك باسقارۋىنداعى زاڭدى تۇلعالاردى جانە ولارمەن ۇلەستەس زاڭدى تۇلعالاردى قوسپاعاندا, مەملەكەتتىك ورگاندار, مەملەكەتتiك مەكەمەلەر, سونداي-اق مەملەكەتتiك كاسiپورىندار, داۋىس بەرەتىن اكتسيالارىنىڭ (جارعىلىق كاپيتالعا قاتىسۋ ۇلەستەرىنىڭ) ەلۋ جانە ودان دا كوپ پايىزى مەملەكەتكە تيەسiلi زاڭدى تۇلعالار جانە ولارمەن ۇلەستەس زاڭدى تۇلعالار.
2. مەملەكەتتىك ساتىپ الۋ سالاسىندا ءوز قىزمەتىن جۇزەگە اسىراتىن جۇمىسكەرلەردى (بۇدان ءارى – ماماندار) قايتا دايارلاۋدى جانە ولاردىڭ بىلىكتىلىگىن ارتتىرۋدى ءبىلىم بەرۋ ۇيىمدارى جۇرگىزەدى.
3. ءبىلىم بەرۋ ۇيىمدارى مامانداردى قايتا دايارلاۋ جانە ولاردىڭ بىلىكتىلىگىن ارتتىرۋ جونىندەگى وقۋ باعدارلامالارىن «ءبىلىم تۋرالى» قازاقستان رەسپۋبليكاسىنىڭ 2007 جىلعى 27 شىلدەدەگى زاڭىنىڭ 43-بابىنا سايكەس ازىرلەيدى جانە بەكىتەدى.
4. مامانداردى وقىتۋ بەكىتىلگەن وقۋ باعدارلامالارىنا ساي جۇرگىزىلەدى.
وقۋ باعدارلامالار مىندەتتى تۇردە سەمينارلاردىڭ مىناداي تاقىرىپتارىن:
1) مەملەكەتتىك ساتىپ الۋدى وتكىزۋ پروتسەسىندە قالىپتاستىرىلاتىن كونكۋرستىق قۇجاتتامانى, تەحنيكالىق ەرەكشەلىكتى جانە وزگە دە قۇجاتتاردى ازىرلەۋ جانە بەكىتۋ;
2) مەملەكەتتىك ساتىپ الۋ اياسىندا زاڭناما نورمالارىن ءتۇسىندىرۋ بويىنشا زاڭدى جانە جەكە تۇلعالاردىڭ وتىنىشتەرىن قاراۋ جونىندەگى پراكتيكالىق كۋرس;
3) مەملەكەتتىك ساتىپ الۋ اياسىندا زاڭنامانى ساقتاۋدىڭ سايكەستىك ءاۋديتىنىڭ نەگىزگى اسپەكتىلەرىن زەردەلەۋ بويىنشا پراكتيكالىق كۋرستى قامتيدى.
قايتا دايارلاۋ جانە بىلىكتىلىك ارتتىرۋدان وتكەن ماماندارعا قازاقستان رەسپۋبليكاسىنىڭ ءبىلىم بەرۋ سالاسىنداعى زاڭناماسىنا سايكەس قۇجات بەرىلەدى.
5. وقۋ باعدارلاماسىنىڭ جالپى ساعات سانىنىڭ كەمىندە 50%-ىن, تاپسىرىس بەرۋشىلەردىڭ مەملەكەتتىك ساتىپ الۋدى ۇيىمداستىرۋ جانە وتكىزۋ راسىمدەرىنىڭ ورىندالۋىنا جاۋاپتى قىزمەتكەرلەرى اراسىنان پراكتيكالىق جۇمىسكەرلەردى, سونداي-اق جوعارىدا كورسەتىلگەن راسىمدەردى باقىلاۋدى جۇزەگە اسىراتىن مەملەكەتتىك ورگانداردىڭ قىزمەتكەرلەرىن تارتا وتىرىپ, مەملەكەتتىك ساتىپ الۋدى ۇيىمداستىرۋ جانە وتكىزۋ پراكتيكاسىن زەردەلەۋ قۇرايدى.
6. ءبىلىم بەرۋ ۇيىمدارى:
وقىتۋشىلىق قىزمەتكە مەملەكەتتىك ورگانداردىڭ, ءبىلىم بەرۋ ۇيىمدارىنىڭ مەملەكەتتىك ساتىپ الۋ اياسىندا كەمىندە 2 جىل جۇمىس تاجىريبەسى بار قىزمەتكەرلەرىن جانە جەكە تۇلعالاردى تارتادى;
مەملەكەتتىك ساتىپ الۋ جونىندەگى ۋاكىلەتتى ورگانعا جىل سايىن وسى قاعيدالاردىڭ 4-تارماعىندا كورسەتىلگەن قۇجاتتى العان تۇلعالاردىڭ ءتىزىمىن بەرەدى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 30 جەلتوقساندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12667 بولىپ ەنگىزىلدى.