2015 جىلعى 28 جەلتوقسان, استانا قالاسى
مەملەكەتتىك ساتىپ الۋ ۆەب-پورتالىن پايدالانۋ قاعيدالارىن جانە مەملەكەتتىك ساتىپ الۋ ۆەب-پورتالىنىڭ جۇمىسىندا تەحنيكالىق ىستەن شىعۋ تۋىنداعان جاعدايدا مەملەكەتتىك ساتىپ الۋ ۆەب-پورتالىنىڭ جۇمىس ىستەۋ قاعيدالارىن بەكىتۋ تۋرالى
«مەملەكەتتىك ساتىپ الۋ تۋرالى» 2015 جىلعى 4 جەلتوقساننان قازاقستان رەسپۋبليكاسىنىڭ زاڭى 16-بابىنىڭ 3) جانە 4) تارماقشالارىنا سايكەس بۇيىرامىن:»;
1. قوسا بەرىلىپ وتىرعان مەملەكەتتىك ساتىپ الۋ ۆەب-پورتالىن پايدالانۋ قاعيدالارىن جانە مەملەكەتتىك ساتىپ الۋ ۆەب-پورتالىنىڭ جۇمىسىندا تەحنيكالىق ىستەن شىعۋ تۋىنداعان جاعدايدا مەملەكەتتىك ساتىپ الۋ ۆەب-پورتالىنىڭ جۇمىس ىستەۋ قاعيدالارى بەكىتىلسىن.
2. بۇيرىعىنىڭ كۇشى جويىلدى دەپ تانىلسىن:
1) «مەملەكەتتىك ساتىپ الۋ ۆەب-پورتالىن پايدالانۋ قاعيدالارىن جانە مەملەكەتتىك ساتىپ الۋ ۆەب-پورتالىنىڭ جۇمىسىندا تەحنيكالىق ىستەن شىعۋ تۋىنداعان جاعدايدا مەملەكەتتىك ساتىپ الۋ ۆەب-پورتالىنىڭ جۇمىس ىستەۋ قاعيدالارىن بەكىتۋ تۋرالى» قازاقستان رەسپۋبليكاسى پرەمەر-ءمينيسترىنىڭ ورىنباسارى – قازاقستان رەسپۋبليكاسى قارجى ءمينيسترىنىڭ 2014 جىلعى 27 ناۋرىزداعى №133 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №9369 بولىپ تىركەلگەن, «ادىلەت» اقپاراتتىق-قۇقىقتىق جۇيەسىندە 2014 جىلعى 27 مامىردىڭ جاريالانعان);
2) «مەملەكەتتىك ساتىپ الۋ ۆەب-پورتالىن پايدالانۋ قاعيدالارىن جانە مەملەكەتتىك ساتىپ الۋ ۆەب-پورتالىنىڭ جۇمىسىندا تەحنيكالىق ىستەن شىعۋ تۋىنداعان جاعدايدا مەملەكەتتىك ساتىپ الۋ ۆەب-پورتالىنىڭ جۇمىس ىستەۋ قاعيدالارىن بەكىتۋ تۋرالى» قازاقستان رەسپۋبليكاسى پرەمەر-ءمينيسترىنىڭ ورىنباسارى – قازاقستان رەسپۋبليكاسى قارجى ءمينيسترىنىڭ 2014 جىلعى 27 ناۋرىزداعى № 133 بۇيرىعىنا وزگەرىستەر ەنگىزۋ تۋرالى» قازاقستان رەسپۋبليكاسى قارجى ءمينيسترىنىڭ 2015 جىلعى 15 قازانداعى №522 (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №12287 بولىپ تىركەلگەن, «ادىلەت» اقپاراتتىق-قۇقىقتىق جۇيەسىندە 2015 جىلعى 30 قاراننىڭ جاريالانعان) بۇيرىعىنىڭ كۇشى جويىلدى دەپ تانىلسىن.
3. قازاقستان رەسپۋبليكاسى قارجى مينيسترلىگىنىڭ مەملەكەتتىك ساتىپ الۋ زاڭناماسى دەپارتامەنتى (س.م.احمەتوۆ) زاڭنامادا بەلگىلەنگەن تارتىپپەن:
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىقتىڭ مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونى مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە, سونداي-اق قازاقستان رەسپۋبليكاسى نورماتيۆتiك قۇقىقتىق اكتiلەرiنiڭ ەتالوندىق باقىلاۋ بانكiندە ورنالاستىرۋ ءۇشىن قازاقستان رەسپۋبليكاسى ادىلەت مينيسترلىگىنىڭ «رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا رەسمي جاريالاۋعا جىبەرىلۋىن;
3) وسى بۇيرىقتى قازاقستان رەسپۋبليكاسى قارجى مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن.
4. وسى بۇيرىق العاشقى رەسمي جاريالانعان كۇنىنەن كەيىن قولدانىسقا ەنگىزىلەدى.
قازاقستان رەسپۋبليكاسىنىڭ قارجى ءمينيسترى ب.سۇلتانوۆ.
قازاقستان رەسپۋبليكاسى قارجى ءمينيسترىنىڭ 2015 جىلعى
28 جەلتوقسانداعى №692 بۇيرىعىمەن بەكىتىلگەن
مەملەكەتتىك ساتىپ الۋ ۆەب-پورتالىن پايدالانۋ قاعيدالارى
1. جالپى ەرەجەلەر
1. وسى مەملەكەتتىك ساتىپ الۋ ۆەب-پورتالىن پايدالانۋ قاعيدالارى ء(بۇدانارى - قاعيدالار) «مەملەكەتتىك ساتىپ الۋ تۋرالى» قازاقستان رەسپۋبليكاسىنىڭ 2015 جىلعى 4 جەلتوقسانداعى زاڭىنىڭ ء(بۇدانارى - زاڭ) 16-بابىنىڭ) تارماقشاسىنا سايكەس ازىرلەندى جانە مەملەكەتتىك ساتىپ الۋ ۆەب-پورتالىن پايدالانۋ ءتارتىبىن بەلگىلەيدى جانە مەملەكەتتىك ساتىپ الۋ ۆەب-پورتالىن پايدالانۋعا قويىلاتىن نەگىزگى تەحنيكالىق تالاپتاردى قامتيدى.
2. وسى قاعيدالاردا مىناداي ۇعىمدار پايدالانىلادى:
1) اقپاراتتىق قىزمەت – اقپاراتتىق رەسۋرستى پايدالانۋشىلارعا بەرۋ قىزمەت;
2) ۆەب-پورتالعا قاتىسۋشى (بۇدان ءارى – قاتىسۋشى) – ۆەب-پورتالدا تىركەۋدەن وتكەن تاپسىرىس بەرۋشى, مەملەكەتتىك ساتىپ الۋدى ۇيىمداستىرۋشى, الەۋەتتى ءونىم بەرۋشى;
3) ۆەب-پورتالدى پايدالانۋشى (بۇدان ءارi - پايدالانۋشى) - ۆەب-پورتالدا تiركەۋدەن وتكەن قاتىسۋشىنىڭ لاۋازىمدى ادامى نەمەسە وكiلi;
4) ەڭسەرىلمەس كۇش جاعدايلارى – ءزىلزالا اپاتتار نەمەسە كوزدەۋ نەمەسە الدىن الۋ مۇمكىن ەمەس, ۆەب-پورتالدىڭ نە تۇتاستاي العاندا جۇيەنىڭ جۇمىس ىستەۋىن نەمەسە تيىسىنشە جۇمىسقا قابىلەتتىلىگىن توقتاتۋعا اكەپ سوقتىراتىن وزگە جاعدايلار;
5) ينتەراكتيۆتىك قىزمەت كورسەتۋ – ءوزارا اقپارات الماسۋدى قاجەت ەتەتىن, پايدالانۋشىلارعا ولاردىڭ سۇراۋلارى بويىنشا نەمەسە تاراپتاردىڭ كەلىسىمى بويىنشا ەلەكتروندىق اقپاراتتىق رەسۋرستاردى ۇسىنۋ جونىندە قىزمەت كورسەتۋ;
6) قازاقستان رەسپۋبليكاسىنىڭ سەنىم بىلدىرىلگەن ءۇشىنشى تاراپى (بۇدان ءارى - قر ءسبۇت) — ەلەكتروندىق تسيفرلىق قولتاڭبا قۇرالدارىن (ەلەكتروندىق تسيفرلىق قولتاڭبانى قالىپتاستىرۋ جانە تەكسەرۋ پروتسەستەرىن ىسكە اسىراتىن اقپاراتتى كريپتوگرافيالىق قورعاۋ قۇرالدارىن) پايدالانۋمەن شەتەلدىك ەلەكتروندىق تسيفرلىق قولتاڭبانىڭ تۇپنۇسقالىلىعىن راستاۋدى جۇزەگە اسىراتىن مەملەكەتتىك تەحنيكالىق قىزمەت;
7) قۇجاتتىڭ ەلەكتروندىق كوشىرمەسى – ءوتىنىش بەرۋشىنىڭ نەمەسە اتالعان قۇجاتتى كۋالاندىرۋعا وكىلەتتىكتەرى بار ادامنىڭ نە مەملەكەتتىك قىزمەت كورسەتۋدى الۋشىنىڭ ءوزىنىڭ جەكە قاتىسۋى كەزىندە بەرگەن جازباشا كەلىسىمى نەگىزىندە حالىققا قىزمەت كورسەتۋ ورتالىعىنىڭ ۋاكىلەتتىك بەرىلگەن قىزمەتكەرىنىڭ ەلەكتروندىق تسيفرلىق قولتاڭباسىمەن كۋالاندىرىلعان, تۇپنۇسقا قۇجاتتىڭ ءتۇرىن جانە ونداعى اقپاراتتى (دەرەكتەردى) ەلەكتروندىق-تسيفرلىق نىساندا تولىعىمەن كورسەتەتiن قۇجات;
8) مەملەكەتتiك ساتىپ الۋ ۆەب-پورتالى – ەلەكتروندىق مەملەكەتتiك ساتىپ الۋدىڭ ەلەكتروندىق قىزمەت كورسەتۋلەرىنە قول جەتكiزۋدiڭ بىرىڭعاي نۇكتەسiن ۇسىناتىن مەملەكەتتiك اقپاراتتىق جۇيە;
9) مەملەكەتتiك ساتىپ الۋ ۆەب-پورتالىندا تiركەلۋ (بۇدان ءارi - تiركەلۋ) - مەملەكەتتiك ساتىپ الۋ جۇيەسi سۋبەكتiسiنiڭ, ونىڭ لاۋازىمدى ادامدارى مەن مۇددەلi تۇلعالاردىڭ ۆەب-پورتالدا قاتىسۋعا قول جەتكiزۋ;
10) مەملەكەتتiك ساتىپ الۋ جۇيەسiنiڭ سۋبەكتiلەرi – مەملەكەتتiك ساتىپ الۋ سالاسىنداعى قىزمەتتi جۇزەگە اسىراتىن جەكە جانە زاڭدى تۇلعالار;
11) تەحنيكالىق جانە الدىن الۋ جۇمىستارى – ەسەپتەۋ تەحنيكاسى قۇرالدارىن جانە تەلەكوممۋنيكاتسيالىق جابدىقتى جۇمىسقا قابىلەتتى جاعدايدا ۇستاۋ جونىندەگى, ونىڭ ىشىندە تەحنيكانىڭ جانە (نەمەسە) جابدىقتىڭ جۇمىس ىستەمەۋىنىڭ جانە ونىڭ ۋاقىتىنان بۇرىن توزۋىنىڭ الدىن الۋ ماقساتىندا الدىن الۋدى, اقاۋلاردى جويۋدى, جەكەلەگەن بولىكتەر مەن بلوكتاردى اۋىستىرۋدى, جابدىقتىڭ قۋاتىن ۇلعايتۋ ءۇشىن جابدىقتاردى, قوسىمشا قوندىرعىلار مەن جادىلاردى ورناتۋدى جانە تەڭشەۋدى جانە پايدالانۋشىلارعا كومەك كورسەتۋدى قامتيتىن ءىس-شارالار كەشەنى;
12) ەلەكتروندىق اقپاراتتىق رەسۋرستاردى, اقپاراتتىق جۇيەلەردى يەمدەنۋشى – اتالعان وبەكتىلەردى ولاردىڭ مەنشىك يەسى ايقىنداعان شەكتە جانە تارتىپپەن يەلەنۋ, پايدالانۋ جانە ولارعا بيلىك ەتۋ قۇقىقتارىن ىسكە اسىراتىن سۋبەكت;
13) ەمس اياج (بۇدان ءارى – جۇيە) – «ەلەكتروندىق مەملەكەتتىك ساتىپ الۋ» اۆتوماتتاندىرىلعان ينتەگراتسيالانعان اقپاراتتىق جۇيەسى;
14) ەلەكتروندىق قۇجات – وزىندەگى اقپارات ەلەكتروندىق-تسيفرلىق نىساندا ۇسىنىلعان جانە ەلەكتروندىق تسيفرلىق قولتاڭبا ارقىلى كۋالاندىرىلعان قۇجات;
15) ەلەكتروندىق مەملەكەتتiك ساتىپ الۋ – اقپاراتتىق جۇيەلەر مەن ەلەكتروندىق اقپاراتتىق رەسۋرستاردى پايدالانا وتىرىپ جۇزەگە اسىرىلاتىن مەملەكەتتىك ساتىپ الۋ;
16) ەلەكتروندىق مەملەكەتتiك ساتىپ الۋ سالاسىنداعى بىرىڭعاي وپەراتور - قازاقستان رەسپۋبليكاسى ۇكiمەتiنiڭ شەشiمi بويىنشا قۇرىلاتىن, اكتسيالاردىڭ (جارعىلىق كاپيتالعا قاتىسۋ ۇلەستەرىنىڭ) جالعىز مەنشiك يەسi مەملەكەت نەمەسە ۇلتتىق حولدينگ بولىپ تابىلاتىن, ەلەكتروندىق مەملەكەتتiك ساتىپ الۋ سالاسىندا بىرىڭعاي تەحنيكالىق ساياساتتى iسكە اسىرۋدى جۇزەگە اسىراتىن زاڭدى تۇلعا;
17) ەلەكتروندىق تسيفرلىق قولتاڭبا – ەلەكتروندىق تسيفرلىق قولتاڭبا قۇرالدارىمەن جاسالعان جانە ەلەكتروندىق قۇجاتتىڭ دۇرىستىعىن, ونىڭ تيەسىلىگىن جانە مازمۇنىنىڭ وزگەرمەيتىندىگىن راستايتىن ەلەكتروندىق تسيفرلىق نىشاندار تەرىمى;
18) ەلەكتروندىق تسيفرلىق قولتاڭبانىڭ اشىق كىلتى – كەز كەلگەن تۇلعانىڭ قولى جەتەتىن جانە ەلەكتروندىق قۇجاتتاعى ەلەكتروندىق تسيفرلىق قولتاڭبانىڭ تۇپنۇسقالىعىن راستاۋعا ارنالعان ەلەكتروندىق تسيفرلىق نىشاندار دايەكتىلىگى;
19) ەلەكتروندىق تسيفرلىق قولتاڭبانىڭ جابىق كىلتى – تىركەۋ كۋالىگىنىڭ يەسىنە بەلگىلى جانە ەلەكتروندىق تسيفرلىق قولتاڭبا قۇرالدارىن پايدالانا وتىرىپ ەلەكتروندىق تسيفرلىق قولتاڭبانى جاساۋعا ارنالعان ەلەكتروندىق تسيفرلىق نىشاندار دايەكتىلىگى.
وسى قاعيدالاردا كورسەتىلمەگەن باسقا ۇعىمدار مەن تەرميندەر قازاقستان رەسپۋبليكاسىنىڭ زاڭناماسىنا سايكەس ايقىندالاتىن ماندەردە پايدالانىلادى.
3. ەلەكتروندىق تسيفرلىق قولتاڭبانى پايدالانعان كەزدە پايدالانۋشىلار وسى قاعيدالاردى جانە «ەلەكتروندىق قۇجات جانە ەلەكتروندىق تسيفرلىق قولتاڭبا تۋرالى» قازاقستان رەسپۋبليكاسىنىڭ 2003 جىلعى 7 قاڭتارداعى زاڭىن باسشىلىققا الادى.
2. مەملەكەتتىك ساتىپ الۋ ۆەب-پورتالىن پايدالانۋ ءتارتىبى
4. تاۋارلاردى, جۇمىستاردى جانە كورسەتىلەتىن قىزمەتتەردى مەملەكەتتىك ساتىپ الۋدى جۇزەگە اسىرۋ ماقساتىندا ەلەكتروندىق مەملەكەتتىك ساتىپ الۋدى ۇيىمداستىرۋعا جانە وتكىزۋگە بايلانىستى ۇسىنىلاتىن قۇجاتتار مەن مالىمەتتەردى ۆەب-پورتالدى پايدالانۋشى ەلەكتروندىق قۇجاتتار نەمەسە قۇجاتتاردىڭ ەلەكتروندىق كوشىرمەلەرى تۇرىندە ورنالاستىرادى جانە ۆەب-پورتالدىڭ ءتيىستى قاتىسۋشىسىنىڭ اتىنان ارەكەت ەتۋگە قۇقىعى بار ادامنىڭ ەلەكتروندىق تسيفرلىق قولتاڭباسى قويىلادى.
5. ۆەب-پورتالدا بارلىق ەلەكتروندىق قۇجاتتاردى جانە قۇجاتتاردىڭ ەلەكتروندىق كوشىرمەلەرىن جاساۋ, الۋ جانە جونەلتۋ ۋاقىتى جۇيەنىڭ (استانا قالاسىنىڭ جەرگىلىكتى) ۋاقىتى بويىنشا تىركەلەدى.
6. ۆەب-پورتالدا جۇمىس ىستەۋ جانە (نەمەسە) مەملەكەتتىك ساتىپ الۋعا قاتىسۋ ءۇشىن ۆەب-پورتالدى پايدالانۋشىلار مىناداي ءىس-ارەكەتتەر جيىنتىعىن جاسايدى:
1) ەلەكتروندىق تسيفرلىق قولتاڭبا سەرتيفيكاتتارىن (اشىق جانە جابىق كىلت) پايدالانۋ مۇمكىندىگى ءۇشىن قاجەتتى اپپاراتتى-باعدارلامالىق قامتىمدى ورناتادى;
2) قازاقستان رەسپۋبليكاسىنىڭ ۇلتتىق كۋالاندىرۋشى ورتالىعىندا نە رەسەي فەدەراتسياسى مەن بەلارۋس رەسپۋبليكاسىنىڭ كۋالاندىرۋشى ورتالىقتارىندا ەلەكتروندىق تسيفرلىق قولتاڭبانىڭ سەرتيفيكاتتارىن (كەدەن وداعىنىڭ قاتىسۋشى ەلدەرىنىڭ پايدالانۋشىلارى ءۇشىن) بەلگىلەنگەن تارتىپپەن الادى;
3) ۆەب-پورتالدا تىركەلۋ ءراسىمىن وتەدى.
7. ۆەب-پورتالدا قازاقستان رەسپۋبليكاسىنىڭ ۇلتتىق كۋالاندىرۋشى ورتالىعىنىڭ, سونداي-اق قر ءسۇت تەكسەرگەن رەسەي فەدەراتسياسى مەن بەلارۋس رەسپۋبليكاسىنىڭ كۋالاندىرۋشى ورتالىقتارىنىڭ جەكە جانە زاڭدى تۇلعالار ءۇشىن شىعارعان ەلەكتروندىق تسيفرلىق قولتاڭبا سەرتيفيكاتتارى قولدانىلادى.
8. جۇيەگە جۇكتەلەتىن فايلداردىڭ نەمەسە فايل مۇراعاتتارىنىڭ مولشەرى 20 مەگابايتتان اسقان جاعدايدا, ولاردى جۇيەگە بولىكتەرمەن جۇكتەۋ قاجەت, ولاردىڭ ارقايسىسى 20 مەگابايتتان اسپاۋى ءتيىس.
9. مەملەكەتتىك ساتىپ الۋ سالاسىندا اقپاراتتىق جانە ينتەراكتيۆتىك قىزمەتتەردى وپەراتور كورسەتەدى. وپەراتور ۆەب-پورتالدىڭ جۇمىس ىستەپ تۇرعانى تۋرالى مىناداي:
ۆەب-پورتال پايدالانۋشىلارىن اقپاراتتاندىرۋ ءۇشىن ۆەب-پورتالدىڭ جاڭا مۇمكىندىكتەرى تۋرالى;
وپەراتور ورىندايتىن, رەگلامەنتتەلگەن تەحنيكالىق جانە پروفيلاكتيكالىق جۇمىستار تۋرالى جانە ولاردى جويۋدىڭ جوسپارلى مەرزىمدەرىمەن بىرگە ۆەب-پورتالداعى تەحنيكالىق ىستەن شىعۋلار تۋرالى حابارلاندىرۋلاردى اقپاراتتى ورنالاستىرادى.
10. وپەراتور مەملەكەتتىك ساتىپ الۋ ۆەب-پورتالىن اقپاراتتىق تولىقتىرۋدى ۋاكىلەتتى ورگانمەن كەلىسە وتىرىپ, جۇزەگە اسىرادى. ەلەكتروندىق اقپاراتتىق رەسۋرستاردىڭ قوسىمشا تۇرلەرىن ورنالاستىرۋ قاجەتتىگى بولعان جاعدايدا مەملەكەتتىك ساتىپ الۋ جونىندەگى ۋاكىلەتتى ورگان مەملەكەتتىك ساتىپ الۋ ۆەب-پورتالىن اقپاراتتىق تولىقتىرۋعا جازباشا تۇردە ءوتىنىم قالىپتاستىرادى جانە وپەراتورعا جىبەرەدى.
11. قازاقستان رەسپۋبليكاسىنىڭ ازاماتتىق كودەكسىنە سايكەس ايقىندالاتىن تەجەۋسىز كۇش جاعداياتتارى تۋىنداعان كەزدە وپەراتور مۇنداي جاعداياتتاردىڭ تۋىنداعانى, ارەكەت ەتۋى مەن توقتاۋىنىڭ بولجامدى مەرزىمى تۋرالى ۆەب-پورتال يەسىن دەرەۋ حاباردار ەتەدى, سونداي-اق ۆەب-پورتال يەسىنە اتالعان جاعداياتتاردىڭ دالەلدەمەسىن ۇسىنادى.
قازاقستان رەسپۋبليكاسى قارجى ءمينيسترىنىڭ 2015 جىلعى
28 جەلتوقسانداعى №692 بۇيرىعىمەن بەكىتىلگەن
مەملەكەتتىك ساتىپ الۋ ۆەب-پورتالىنىڭ جۇمىسىندا تەحنيكالىق ىركىلىستەر تۋىنداعان جاعدايدا مەملەكەتتىك ساتىپ الۋ ۆەب-پورتالىنىڭ جۇمىس ىستەۋ قاعيدالارى
1. جالپى ەرەجەلەر
1. وسى مەملەكەتتىك ساتىپ الۋ ۆەب-پورتالىنىڭ جۇمىسىندا تەحنيكالىق ىركىلىستەر تۋىنداعان جاعدايدا مەملەكەتتىك ساتىپ الۋ ۆەب-پورتالىنىڭ جۇمىس ىستەۋ قاعيدالارى (بۇدان ءارى – قاعيدالار) «مەملەكەتتىك ساتىپ الۋ تۋرالى» 2015 جىلعى 4 جەلتوقسانداعى قازاقستان رەسپۋبليكاسى زاڭىنىڭ (بۇدان ءارى – زاڭ) 16-بابى 4) تارماقشاسىنا سايكەس ازىرلەندى جانە مەملەكەتتىك ساتىپ الۋ ۆەب-پورتالىنىڭ جۇمىسىندا تەحنيكالىق ىركىلىستەر تۋىنداعان جاعدايدا مەملەكەتتىك ساتىپ الۋ ۆەب-پورتالىنىڭ جۇمىس ىستەۋ ءتارتىبىن بەلگىلەيدى.
2. وسى قاعيدالاردا مىناداي ۇعىمدار پايدالانىلادى:
1) اقپاراتقا رۇقسات ەتىلمەگەن اسەر ەتۋ – اقپاراتقا قول جەتكىزۋدىڭ جاريا بولۋىنا, بۇرمالانۋىنا, جاساندىلىعىنا, جويىلۋىنا, وقشاۋلانۋىنا, سونداي-اق اقپاراتتى تاسىعىشتىڭ جوعالۋىنا, جويىلۋىنا نەمەسە جۇمىس ىستەۋىنىڭ ىركىلۋىنە اكەپ سوقتىراتىن قول جەتكىزۋدىڭ بەلگىلەنگەن قۇقىقتارىن جانە/نەمەسە قاعيدالارىن بۇزا وتىرىپ, قورعالعان اقپاراتقا اسەر ەتۋ;
2) ۆەب-پورتالعا قاتىسۋشى (بۇدان ءارi –قاتىسۋشى) – تاپسىرىس بەرۋشi, مەملەكەتتiك ساتىپ الۋدى ۇيىمداستىرۋشى, مەملەكەتتىك ساتىپ الۋدى بىرىڭعاي ۇيىمداستىرۋشى, مەملەكەتتىك ساتىپ الۋ ۆەب-پورتالىندا تiركەۋدەن وتكەن الەۋەتتi ءونiم بەرۋشi;
3) ۆەب-پورتالدى پايدالانۋشى (بۇدان ءارى – پايدالانۋشى) –قاتىسۋشىنىڭ لاۋازىمدى ادامى نەمەسە وكiلi;
4) جۇيەنىڭ ستاندارتتى جۇمىس ىستەۋى – نورماتيۆتىك-تەحنيكالىق قۇجاتتاماعا سايكەس اقپاراتتىق جۇيەنىڭ تەحنيكالىق ىركىلىستەر بولماعان كەزدە وڭدەلەتىن اقپاراتتىڭ بەرىلگەن رەجيمدەرى مەن كولەمىندە جۇمىس ىستەۋى;
5) جۇمىس توبى – مەملەكەتتىك ساتىپ الۋ جونىندەگى ۋاكىلەتتى ورگاننىڭ بۇيرىعىمەن قۇرىلاتىن, بيۋدجەتتى اتقارۋ جونىندەگى ۋاكىلەتتى ورگاننىڭ ەلەكتروندىق مەملەكەتتىك ساتىپ الۋ جۇيەسىنىڭ جۇمىس ىستەۋىن تالداۋ جانە ساپاسىن جۇيەلەندىرۋدى جۇزەگە اسىراتىن قۇرىلىمدىق بولىمشەلەرىنىڭ لاۋازىمدى تۇلعالارىنان تۇراتىن, تۇراقتى نەگىزدە ارەكەت ەتەتىن القالى ورگان;
6) تەجەۋسىز كۇش جاعدايلارى – ءزىلزالا اپاتتار نەمەسە تۇتاستاي العاندا جۇيەنىڭ جۇمىس ىستەۋىن نەمەسە تيىسىنشە جۇمىسقا قابىلەتتىلىگىن توقتاتۋعا اكەپ سوقتىراتىن كوزدەۋ نەمەسە الدىن الۋ مۇمكىن ەمەس وزگە جاعدايلار;
7) مەملەكەتتiك ساتىپ الۋ ۆەب-پورتالى (بۇدان ءارى – ۆەب-پورتال) – ەلەكتروندىق مەملەكەتتiك ساتىپ الۋدىڭ ەلەكتروندىق قىزمەت كورسەتۋلەرىنە قول جەتكiزۋدiڭ بىرىڭعاي نۇكتەسiن ۇسىناتىن مەملەكەتتiك اقپاراتتىق جۇيە;
8) مەملەكەتتىك ساتىپ الۋ ۆەب-پورتالىنا قىزمەت كورسەتۋ جونىندەگى جوسپاردان تىس ءىس-شارالار – مەملەكەتتىك ساتىپ الۋ ۆەب-پورتالىنىڭ كۇردەلىلىك وسالدىعىن جويۋ ماقساتىندا نە ىستەن شىققان جابدىقتى اۋىستىرۋعا بايلانىستى باعدارلامالىق قامتاماسىز ەتۋدى كۇردەلى جاڭارتۋلاردى ورناتۋعا بايلانىستى تەحنيكالىق جانە پروفيلاكتيكالىق جۇمىستارى;
9) وپەراتور ماماندارىنىڭ زاڭسىز ارەكەتتەرى – مىناداي سەبەپتەرمەن مەملەكەتتىك ساتىپ الۋ ۆەب-پورتالىنىڭ جۇمىسىنىڭ تومەندەۋىنە, توقتاۋىنا, وندا تەحنيكالىق ىركىلىستەردىڭ تۋىنداۋىنا اكەپ سوققان وپەراتور قىزمەتكەرلەرىنىڭ ارەكەتتەرى:
مەملەكەتتىك ساتىپ الۋ ۆەب-پورتالىنىڭ جۇيەلىك جۋرنالدارىندا تىركەلگەن وپەراتور ماماندارىنىڭ رۇقسات ەتىلمەگەن ارەكەتتەردى ورىنداۋى;
يەلەنۋشى مەن وپەراتور اراسىنداعى ءتيىستى شارتتا كوزدەلگەن مەملەكەتتىك ساتىپ الۋ ۆەب-پورتالىنىڭ اپپاراتتىق-باعدارلامالىق كەشەنىن سۇيەمەلدەۋ, اكىمشىلەندىرۋ جانە وعان جۇيەلىك-تەحنيكالىق قىزمەت كورسەتۋ جونىندەگى تالاپتاردى بۇزۋ جانە (نەمەسە) تيىسىنشە ورىنداماۋ;
10) تەحنيكالىق اكىمشىلەندىرۋ ءبولىمى (بۇدان ءارى – ءبولىم) – ەلەكتروندىق مەملەكەتتiك ساتىپ الۋ سالاسىنداعى بىرىڭعاي وپەراتوردىڭ مەملەكەتتىك ۆەب-پورتالىنىڭ باعدارلامالىق-اپپاراتتىق كەشەنىن اكىمشىلەندىرۋگە جانە مونيتورينگتەۋگە جاۋاپتى قۇرىلىمدىق بولىمشەسى;
11) تەحنيكالىق جانە پروفيلاكتيكالىق جۇمىستارى – ەسەپتەۋ تەحنيكاسى قۇرالدارىن جانە تەلەكوممۋنيكاتسيالىق جابدىقتى جۇمىسقا قابىلەتتى جاعدايدا ۇستاۋ جونىندەگى, ونىڭ ىشىندە تەحنيكانىڭ جانە (نەمەسە) جابدىقتىڭ جۇمىس ىستەمەي قالۋىن جانە ونىڭ ۋاقىتىنان بۇرىن توزۋىن بولدىرماۋ ماقساتىندا پروفيلاكتيكانى, اقاۋلاردى جويۋدى, جەكەلەگەن بولىكتەر مەن بلوكتاردى اۋىستىرۋدى, جابدىقتىڭ قۋاتىن ۇلعايتۋ ءۇشىن جابدىقتاردى, قوسىمشا قوندىرعىلار مەن جادىلاردى ورناتۋدى جانە تەڭشەۋدى جانە پايدالانۋشىلارعا كومەك كورسەتۋدى قامتيتىن ءىس-شارالار كەشەنى;
12) تەحنيكالىق ىركىلىس– ءبىر نەمەسە بىرنەشە قاتىسۋشىلاردىڭ جۇيەنى پايدالانۋ مۇمكىندىگىن بولدىرماۋعا اكەلىپ سوعاتىن جۇيەنىڭ اپپاراتتىق-باعدارلامالىق كەشەنىنىڭ نەمەسە ونىڭ جەكە قۇراۋىشتارىنىڭ جوسپارلانباعان ۋاقىتشا ىستەن شىعۋى (اپاتتىق توقتاۋى, جادى مازمۇنىنىڭ كۇيرەۋى, اپپاراتتىق-باعدارلامالىق قامتاماسىز ەتۋ رەسۋرستارىنىڭ ارتىق جۇكتەمەسى جانە قابىلدانعان تەحنولوگيانى ەلەۋلى بۇزاتىن جانە جۇيەنىڭ جاعدايىندا باعدارلامالىق قامتاماسىز ەتۋدى پايدالانۋعا مۇمكىندىك بەرمەيتىن باسقا دا احۋالدار, ونىڭ ىشىندە باعدارلامالىق قامتاماسىز ەتۋ بەرەتىن قاتە شىعىس دەرەكتەرى (ناتيجەلەرى);
13) ەلەكتروندىق مەملەكەتتىك اقپاراتتىق جۇيەنى يەلەنۋشى (بۇدان ءارى - يەلەنۋشى) – كورسەتىلگەن وبەكتىلەردى ولاردىڭ مەنشىك يەسى ايقىنداعان شەكتە جانە تارتىپپەن يەلەنۋ, پايدالانۋ جانە ولارعا بيلىك ەتۋ قۇقىقتارىن ىسكە اسىراتىن سۋبەكت;
14) ەلەكتروندىق مەملەكەتتiك ساتىپ الۋ (بۇدان ءارى –ساتىپ الۋ) – اقپاراتتىق جۇيەلەر مەن ەلەكتروندىق اقپاراتتىق رەسۋرستاردى پايدالانا وتىرىپ جۇزەگە اسىرىلاتىن مەملەكەتتىك ساتىپ الۋ;
15) ەلەكتروندىق مەملەكەتتiك ساتىپ الۋ سالاسىنداعى بىرىڭعاي وپەراتور (بۇدان ءارى – وپەراتور) – قازاقستان رەسپۋبليكاسى ۇكiمەتiنiڭ شەشiمi بويىنشا قۇرىلاتىن, اكتسيالارىنىڭ (جارعىلىق كاپيتالعا قاتىسۋ ۇلەستەرىنىڭ) جالعىز مەنشiك يەسi مەملەكەت نەمەسە ۇلتتىق حولدينگ بولىپ تابىلاتىن, ەلەكتروندىق مەملەكەتتiك ساتىپ الۋ سالاسىندا بىرىڭعاي تەحنيكالىق ساياساتتى iسكە اسىرۋدى جۇزەگە اسىراتىن زاڭدى تۇلعا;
16) ۆەب-پورتالدىڭ بايلانىس ورتالىعى (بۇدان ءارى – بايلانىس ورتالىعى) – پايدالانۋشىنىڭ جۇگىنۋ سيپاتىنا بايلانىستى وپەراتوردىڭ باسقا بولىمشەسى ماسەلەنى ودان ءارى كوررەلياتسيالاۋمەن (قاجەت بولعان كەزدە) ينتسيدەنتتەردى (تەحنيكالىق ىركىلىستەر) تىركەۋدى قامتاماسىز ەتەتىن وپەراتوردىڭ سەرۆيستىك-ديسپەتچەرلىك قىزمەتى.
17) ەمس اياج (بۇدان ءارى – جۇيە) – «ەلەكتروندىق مەملەكەتتىك ساتىپ الۋ» اۆتوماتتاندىرىلعان ينتەگراتسيالانعان اقپاراتتىق جۇيەسى.
3. وسى قاعيدالاردا كورسەتىلمەگەن باسقا ۇعىمدار مەن تەرميندەر قازاقستان رەسپۋبليكاسىنىڭ مەملەكەتتىك ساتىپ الۋ تۋرالى زاڭناماسىنا سايكەس ايقىندالاتىن ماعىنالاردا پايدالانىلادى.
2. جۇيە ينتسيدەنتتەرىنىڭ (تەحنيكالىق ىركىلىستەر) سىنىپتاماسى
4. جۇيە ينتسيدەنتتەرىن (تەحنيكالىق ىركىلىستەر) سىنىپتاماسى مىناداي تۇرلەرگە بولىنەدى:
1) وپەراتورعا بايلانىستى:
وپەراتور قىزمەتكەرلەرىنىڭ زاڭسىز ارەكەتتەرىنىڭ سالدارى;
جۇيە اقپاراتىنا رۇقسات ەتىلمەگەن اسەرگە اكەپ سوقتىرعان جۇيەنىڭ اقپاراتتىق قاۋىپسىزدىگىنىڭ ءتيىستى دەڭگەيىن قامتاماسىز ەتپەۋ سالدارى;
وپەراتوردىڭ نەمەسە ونىڭ قىزمەتكەرلەرىنىڭ كىناسىنەن جۇيەنىڭ جانە (نەمەسە) ونى قۇرايتىنداردىڭ فيزيكالىق زاقىمدانۋى سالدارى.
2) وپەراتورعا بايلانىستى ەمەس:
ءۇشىنشى تۇلعالاردىڭ كىناسىنەن جۇيەنىڭ جانە ونى قۇرايتىنداردىڭ فيزيكالىق زاقىمدانۋى جانە (نەمەسە) ءوشۋ سالدارى;
جۇيەنىڭ كوممۋنيكاتسيالىق جابدىعىنىڭ جۇمىسىن توقتاتۋدى تۋدىراتىن ىقتيمال جاپپاي سىرتقى شابۋىلداردان جۇيەنىڭ قول جەتىمسىزدىگى سالدارى;
پايدالانۋشى شارتتىق قاتىناستاردا ايقىندالعان شامادا ۆەب-پورتالعا قوسىلۋ ءۇشىن پايدالاناتىن دەرەكتەردى بەرۋ جەلىلەرىنىڭ جانە (نەمەسە) ەلەكتر ەنەرگياسىنىڭ بولماۋى نە كەپىلدەندىرىلگەن جۇمىسقا قابىلەتتىلىگىنىڭ بۇزىلۋى سالدارى;
پايدالانۋشىعا ۆەب-پورتالدا تولىققاندى جۇمىس ىستەۋگە مۇمكىندىك بەرمەيتىن پايدالانۋشىنىڭ كومپيۋتەرلىك تەحنيكاسىندا باعدارلامالىق-تەحنيكالىق شەكتەۋلەردىڭ جانە كۇيگە كەلتىرۋدىڭ بولۋى, سونداي-اق قاجەتتى باعدارلامالىق-تەحنيكالىق مۇمكىندىكتەردىڭ بولماۋى سالدارى;
جۇيەنىڭ زاقىمدانعان فايلدى نەمەسە فايلدار مۇراعاتىن ورنالاستىرۋ مۇمكىندىگىن اۆتوماتتى تۇردە بۇعاتتاۋىنا بايلانىستى پايدالانۋشىنىڭ ۆەب-پورتالدا جۇمىس ىستەۋىنە مۇمكىندىك بەرمەيتىن زياندى باعدارلامالىق قامتاماسىز ەتۋمەن پايدالانۋشىنىڭ كومپيۋتەرلىك تەحنيكاسىنىڭ زاقىمدانۋى سالدارى;
ۆەب-پورتالدا جۇمىس ىستەۋ كەزىندە پايدالانۋشىنىڭ ۆەب-پورتال جۇمىسىنىڭ ءتارتىبىن جانە پايدالانۋشىلار نۇسقاۋلىقتارىن تيىسىنشە ساقتاماۋ سالدارى;
ەلەكتروندىق تسيفرلىق قولتاڭبا كىلتىن ساقتاۋ قاعيدالارىن ساقتاماۋ, ۆەب-پورتالدا جۇمىس ىستەۋگە جاۋاپتى ادام رەتىندە تاعايىندالعان پايدالانۋشىنىڭ ەلەكتروندىق تسيفرلىق قولتاڭبا كىلتىن ءتيىستى وكىلەتتىگى جوق ءۇشىنشى تۇلعالارعا بەرۋى سالدارى.
3. تەحنيكالىق ىركىلىستەردىڭ تۋىنداۋى تۋرالى اقپارات كوزدەرى
5. تەحنيكالىق ىركىلىستەردىڭ تۋىنداۋى تۋرالى اقپارات كوزدەرى بولىپ مىنالار:
پايدالانۋشىنىڭ حابارلاماسى;
ۆەب-پورتالدىڭ جۇمىس ىستەۋىنە مونيتورينگتى ورىندايتىن وپەراتور ماماندارىنىڭ حابارلاماسى;
تەحنيكالىق ىركىلىستەر بايقالعان جۇيە فۋنكتسيونالىنىڭ جۇمىس قابىلەتى مەن قولجەتىمدىلىگىن ايقىنداۋ ءۇشىن پايدالانىلاتىن ۆەب-پورتالدىڭ اقاۋلارىن مونيتورينگتەۋ جانە ايقىنداۋ بويىنشا باعدارلامالىق-اقپاراتتىق قۇرالدار;
تەحنيكالىق ىركىلىستەردىڭ تۋىنداۋى نەمەسە تۋىنداۋ ىقتيمالدىعى تۋرالى كۋالاندىراتىن جازبالار تىركەلەتىن جۇيەنىڭ جۇيەلىك جۋرنالدارى بولىپ تابىلادى.
4. مەملەكەتتىك ساتىپ الۋ ۆەب-پورتالىن پايدالانۋ كەزىندە تەحنيكالىق ىركىلىستەر تۋىنداعان جاعدايدا پايدالانۋشىلاردىڭ, وپەراتوردىڭ جانە وپەراتور ماماندارىنىڭ ءىس-ارەكەتى
6. تەحنيكالىق ىركىلىس تۋىنداعان كەزدە مىناداي ءىس-شارالار جۇرگىزىلەدى:
1) تەحنيكالىق ىركىلىس انىقتالعان كۇندى جانە ۋاقىتتى استانا قالاسىنىڭ ۋاقىتى بويىنشا, سونداي-اق بايلانىس دەرەكتەرىن كورسەتە وتىرىپ جانە راستاۋشى ماتەريالدارى قوسا بەرە وتىرىپ, ۆەب-پورتالدا كورسەتىلگەن ەلەكتروندىق پوچتا ارقىلى ءبىر ساعاتتان كەشىكتىرمەي بايلانىس ورتالىعىن حاباردار ەتەدى.
تەحنيكالىق ىركىلىس تۋرالى اقپاراتتى ەلەكتروندىق پوچتا بويىنشا جىبەرۋ مۇمكىن بولماعان جاعدايدا پايدالانۋشى تەلەفون ارقىلى ءبىر ساعاتتان كەشىكتىرمەي بايلانىس ورتالىعىن حاباردار ەتەدى.
2) وپەراتور مامانى جۇيە جۇمىسىندا نەمەسە كونفيگۋراتسياسىندا ستاندارتتى جۇمىس ىستەۋگە سايكەس كەلمەيتىن وزگەرىستەردى تاپقان جاعدايدا, وسى قاعيدالارعا 1-قوسىمشاعا سايكەس مەملەكەتتىك ساتىپ الۋ ۆەب-پورتالىندا تەحنيكالىق ىركىلىستەر تۋىنداۋى تۋرالى پايدالانۋشىلاردىڭ وتىنىشتەرىن ەسەپكە الۋ جۋرنالىندا (بۇدان ءارى – ەسەپكە الۋ جۋرنالى) تەحنيكالىق ىركىلىستىڭ تۋىنداعان كۇنى مەن ۋاقىتىن تىركەيدى.
بايلانىس ورتالىعى جۇگىنۋ تاسىلىنە بايلانىستى جۇيەنى پايدالانۋشىلارمەن ءوزارا ءىس-قيمىلدى (تەلەفون, ەلەكتروندىق پوچتا, رەسمي حاتتار, ينتەرنەت-فورۋم ارقىلى) قامتاماسىز ەتەدى:
جۇمىس كۇندەرى – استانا قالاسىنىڭ ۋاقىتى بويىنشا ساعات 9.00-دەن 19.00-گە دەيىن جۇمىس ۋاقىتىندا;
بۇل رەتتە وسى قاعيدالاردىڭ 2-تارماعىنىڭ 8) جانە 11) تارماقشالارىندا كورسەتىلگەن ءىس-شارالارعا جۇمسالاتىن ۋاقىتتى قوسپاعاندا, ۆەب – پورتال پايدالانۋ ءۇشىن تاۋلىك بويى قول جەتىمدى.
7. وپەراتوردىڭ بايلانىس ورتالىعى پايدالانۋشىلاردىڭ جانە وپەراتور ماماندارىنىڭ وتىنىشتەرىن ەسەپكە الۋ جۋرنالىنا استانا قالاسىنىڭ ۋاقىتى بويىنشا جۇمىس ۋاقىتىندا وتىز مينۋت ىشىندە تىركەيدى.
ەگەر تەحنيكالىق ىركىلىس تۋرالى پايدالانۋشىنىڭ ءوتىنىشى استانا قالاسىنىڭ ۋاقىتى بويىنشا تۇسكى ءۇزىلىس كەزىندە ەلەكتروندىق پوچتا بويىنشا تۇسكەن جاعدايدا, وپەراتور حابارلامانى تۇسكى ۇزىلىستەن كەيىن وتىز مينۋت ىشىندە تىركەيدى.
ەگەر تەحنيكالىق ىركىلىس تۋرالى پايدالانۋشىنىڭ ءوتىنىشى استانا قالاسىنىڭ ۋاقىتى بويىنشا جۇمىستان تىس ۋاقىتتا ەلەكتروندىق پوچتا بويىنشا تۇسكەن جاعدايدا, وپەراتور حابارلامانى كەلەسى جۇمىس كۇنى تىركەيدى.
بايلانىس ورتالىعىنىڭ وپەراتورى ەسەپكە الۋ جۋرنالىن پايدالانۋشىلاردىڭ وتىنىشتەرىن ەسەپكە الۋ بويىنشا وپەراتوردىڭ اقپاراتتىق جۇيەسىندە ەلەكتروندىق تۇردە جۇرگىزەدى.
8. ءوتىنىش تىركەلگەننەن كەيىن پايدالانۋشىلاردىڭ وتىنىشتەرىن ەسەپكە الۋ بويىنشا وپەراتوردىڭ اقپاراتتىق جۇيەسىندەگى ينتسيدەنتتىڭ بىرەگەي سايكەستەندىرۋشى بەرىلەدى جانە ءبىر ساعات ىشىندە پايدالانۋشىنىڭ ەلەكتروندىق پوچتاسىنا جىبەرىلەدى.
9. تەحنيكالىق ىركىلىس تۋرالى اقپارات بولعان كەزدە وپەراتور استانا قالاسىنىڭ ۋاقىتى بويىنشا جۇمىس ۋاقىتىنىڭ ەكى ساعاتى ىشىندە ۇسىنىلعان ماتەريالدارعا (ەكران تۇسىرىلىمدەرى مەن وزگە دە ۇسىنىلعان ەلەكتروندىق قۇجاتتارعا) تالداۋ جۇرگىزەدى, قاجەت بولعان جاعدايدا جۇيەنىڭ تەحنيكالىق ىركىلىس فاكتىسىن راستاۋ نەمەسە تەرىسكە شىعارۋ ماقساتىندا تەحنيكالىق ىركىلىسكە اكەپ سوعاتىن پايدالانۋشىنىڭ ارەكەتىن قايتالايدى (يميتاتسيالايدى).
10. پايدالانۋشىلاردىڭ ساتىپ الۋعا قاتىسۋ مۇمكىندىگىنە كەدەرگى بولاتىن تەحنيكالىق ىركىلىستەرىن قوسپاعاندا, وتىنىمدەردى نەمەسە باعا ۇسىنىستارىن قابىلداۋ مەرزىمى تەحنيكالىق ىركىلىستى راستاۋ نەمەسە تەرىسكە شىعارۋ ۋاقىتىندا وتەتىن ساتىپ الۋدى وپەراتور ىقتيمال تەحنيكالىق ىركىلىس فاكتىسىن راستاۋ نەمەسە تەرىسكە شىعارۋ كەزىنە دەيىن ۇزارتادى.
11. تەحنيكالىق ىركىلىس تەرىسكە شىعارىلعان كەزدە وپەراتور وتىز مينۋت ىشىندە جۇيەنىڭ تەحنيكالىق ىركىلىستىڭ تەرىسكە شىعارىلعاندىعى تۋرالى فاكتىلەردىڭ بولۋى راستالعاننان كەيىن راستايتىن اقپاراتپەن قوسا تەحنيكالىق ىركىلىستىڭ تەرىسكە شىعارىلعانى تۋرالى تەحنيكالىق قولداۋعا جۇگىنگەن پايدالانۋشىنىڭ ەلەكتروندىق پوچتاسى, تەلەفونى ارقىلى حابارلايدى.
12. پايدالانۋشىلاردىڭ پروبلەمالارىن شەشۋگە دەن قويۋ بولىگىندە وپەراتور سەرۆيسىنىڭ ءىس جۇزىندەگى دەڭگەيى ءتيىستى قارجى جىلىنا بولىنگەن بيۋدجەت قاراجاتى نەگىزىندە «ەلەكتروندىق مەملەكەتتىك ساتىپ الۋ» اياج اپپاراتتىق-باعدارلامالىق كەشەنىن سۇيەمەلدەۋ, اكىمشىلەندىرۋ جانە وعان جۇيەلىك-تەحنيكالىق قىزمەت كورسەتۋ جونىندەگى قىزمەتتەردى مەملەكەتتىك ساتىپ الۋ تۋرالى شارتقا بەرىلەتىن تەحنيكالىق ەرەكشەلىكتەردە سيپاتتالاتىن بولدى.
5. مەملەكەتتىك ساتىپ الۋ ۆەب-پورتالى جۇمىسىنىڭ تەحنيكالىق ىركىلىستەرى راستالعان جاعدايدا مەملەكەتتىك ساتىپ الۋ ۆەب-پورتالى جۇمىسىنىڭ جانە
وپەراتور ارەكەتىنىڭ ءتارتىبى
13. وپەراتور تەحنيكالىق ىركىلىستى راستاعان كەزدە ونىڭ كۇردەلىلىك دەڭگەيى بەلگىلەنەدى.
14. تەحنيكالىق ىركىلىستەر جۇيەنىڭ باعدارلامالىق-اپپاراتتىق كەشەنىنىڭ جۇمىس ىستەۋىنە جانە ەلەكتروندى تۇردە وتكىزىلەتىن ساتىپ الۋ راسىمدەرىنە ىقپال ەتۋ دارەجەسى بويىنشا مىناداي كۇردەلىلىك دەڭگەيلەرگە بولىنەدى:
1) تومەن – ساتىپ الۋ راسىمدەرىن وتكىزۋگە جانە ولارعا قاتىسۋ مۇمكىندىكتەرىنە كەدەرگى جاسامايتىن ىركىلىستەر;
2) ورتاشا – جۇيەنى پايدالانۋشىلاردىڭ الدىڭعى جۇمىستارىنىڭ ناتيجەسىزدىگىنە اكەپ سوقتىرۋى مۇمكىن نەمەسە اكەپ سوقتىرعان اقاۋلىقتىڭ ىقپالىنا ۇشىراعان ءبىر جانە (نەمەسە) بىرنەشە قاتىسۋشىلاردىڭ ساتىپ الۋعا قاتىسۋ مۇمكىندىگىنىڭ بولماۋىنا اكەلگەن ىركىلىستەر;
3) جوعارى – جۇيەنىڭ ءبىر جانە (نەمەسە) ودان دا كوپ مودۋلدەرىنىڭ توقتاۋىن نەمەسە قول جەتىمسىزدىگىن تۋدىراتىن ىركىلىستەر جانە (نەمەسە) وقيعالار, بۇل رەتتە ۆەب-پورتالدى پايدالانۋشىلاردىڭ بارلىعىندا ساتىپ الۋعا قاتىسۋ مۇمكىندىگى بولمايدى.
15. تومەن كۇردەلىلىك دەڭگەيى بار تەحنيكالىق ىركىلىستەر تۋىنداعان جاعدايدا, وپەراتور:
1) تەحنيكالىق ىركىلىس راستالعان كەزدە وتىز مينۋت ىشىندە تەحنيكالىق قولداۋعا جۇگىنگەن پايدالانۋشىنىڭ ەلەكتروندىق پوچتاسى, تەلەفونى ارقىلى تەحنيكالىق ىركىلىستىڭ كۇردەلىلىك دەڭگەيى, تەحنيكالىق ىركىلىستى جويۋدىڭ جوسپارلى ۋاقىتى مەن كۇنى تۋرالى حابارلايدى.
مۇنداي اقپارات وزگەرگەن جاعدايدا جۇيەنى پايدالانۋشىعا قايتا حابارلايدى;
2) تەحنيكالىق ىركىلىس سەبەپتەرىن جويۋعا دەرەۋ كىرىسەدى;
3) تەحنيكالىق ىركىلىس جويىلعاننان كەيىن ۆەب-پورتالداعى قاتىسۋشىنىڭ تىركەۋ دەرەكتەرىندە كورسەتىلگەن ەلەكتروندىق پوچتا, تەلەفون ارقىلى, نە تەحنيكالىق قولداۋ ءۇشىن جۇگىنگەن پايدالانۋشىنىڭ تەلەفونى ارقىلى جۇمىس جۇرگىزۋدىڭ اياقتالعانى جانە تەحنيكالىق ىركىلىستىڭ جويىلعانى تۋرالى قايتا حابارلايدى.
تومەن كۇردەلىلىك دەڭگەيى بار تەحنيكالىق ىركىلىس جويىلعان جاعدايدا ساتىپ الۋدى توقتاتا تۇرۋ جانە مەرزىمدەرىن اۋىستىرۋ جۇرگىزىلمەيدى.
16. ورتاشا كۇردەلىلىك دەڭگەيى بار تەحنيكالىق ىركىلىستەر تۋىنداعان جاعدايدا وپەراتور مىناداي ءىس-شارالاردى ورىندايدى:
1) دەرەۋ جازباشا, ەلەكتروندىق پوچتا جانە تەلەفون ارقىلى جۇمىس توبىنىڭ مۇشەلەرىن تۋىنداعان تەحنيكالىق ىركىلىس تۋرالى حاباردار ەتەدى;
2) تەحنيكالىق ىركىلىس راستالعان ساتتەن باستاپ وتىز مينۋت ىشىندە ۆەب-پورتالدىڭ باستى بەتىنە حابارلاندىرۋ مەن لوتتاردىڭ ءنومىرىن كورسەتە وتىرىپ, تەحنيكالىق ىستەن شىعۋ, ونىڭ كۇردەلىلىك دەڭگەيى, ونى جويۋدىڭ جوسپارلى ۋاقىتى مەن كۇنى, ساتىپ الۋدى ۇزارتۋ مەرزىمى تۋرالى اقپاراتتى ورنالاستىرادى.
مۇنداي اقپارات وزگەرگەن جاعدايدا اقپاراتتى قايتا ورنالاستىرادى;
3) تەحنيكالىق ىركىلىس راستالعان ساتتەن باستاپ ءبىر ساعات ىشىندە تەحنيكالىق قولداۋ ءۇشىن جۇگىنگەن پايدالانۋشىنىڭ, سونداي-اق تەحنيكالىق ىركىلىس تۋىنداعان ساتىپ الۋعا قاتىسقان بارلىق الەۋەتتى ءونىم بەرۋشىلەردىڭ ەلەكتروندىق پوچتاسى, تەلەفونى ارقىلى تەحنيكالىق ىركىلىس, ونىڭ كۇردەلىلىك دەڭگەيى, ونى جويۋدىڭ جوسپارلى ۋاقىتى مەن كۇنى, ساتىپ الۋدى ۇزارتۋ مەرزىمى تۋرالى حابارلايدى.
وسى اقپارات وزگەرگەن جاعدايدا تەحنيكالىق قولداۋ ءۇشىن جۇگىنگەن پايدالانۋشىعا, سونداي-اق تەحنيكالىق ىركىلىس تۋىنداعان ساتىپ الۋعا قاتىسقان بارلىق الەۋەتتى ءونىم بەرۋشىلەرگە قايتا حابارلايدى;
4) اۋكتسيون تاسىلىمەن ساتىپ الۋدى قوسپاعاندا, تەحنيكالىق ىركىلىستى جويۋ ءۇشىن قاجەت ۋاقىتتا تۋىنداعان تەحنيكالىق ىركىلىستەگى كونكۋرس نەمەسە باعا ۇسىنىستارىن سۇراتۋ تاسىلدەرىمەن ساتىپ الۋعا قاتىسۋعا وتىنىمدەردى جانە (نەمەسە) باعا ۇسىنىستارىن قابىلداۋ راسىمدەرىنىڭ ۋاقىتىن تەحنيكالىق ىركىلىس ۋاقىتىنا دەرەۋ ۇزارتادى;
5) تەحنيكالىق ىركىلىس تۋىنداعان اۋكتسيون تاسىلىمەن ساتىپ الۋ بويىنشا اۋكتسيوننىڭ ەكىنشى راۋندىن ونى جويۋ فاكتىسى راستالعاننان كەيىن كەلەسى جۇمىس كۇنىنە اۋىستىرادى.
جۇيە اۋكتسيون وتكىزۋ ناتيجەلەرى تۋرالى حاتتامانى اۆتوماتتى تۇردە قالىپتاستىرعان جاعدايدا مۇنداي حاتتاما مەن بەرىلگەن وتىنىمدەر جويىلادى;
6) وتىنىمدەردى نەمەسە باعا ۇسىنىستارىن قابىلداۋ مەرزىمىنەن اسىپ كەتەتىن تەحنيكالىق ىركىلىسى بار ساتىپ الۋ بويىنشا وتىنىمدەردى نەمەسە باعا ۇسىنىستارىن قابىلداۋدى اياقتاۋ مەرزىمىن كەلەسى جۇمىس كۇنىنە ۇزارتادى;
7) ساتىپ الۋ بويىنشا, سونداي-اق وسىعان ۇقساس تەحنيكالىق ىركىلىس انىقتالعان جاعدايدا باسقا ساتىپ الۋ بويىنشا تەحنيكالىق ىركىلىستى جويۋعا كىرىسەدى;
8) تەحنيكالىق قولداۋ ءۇشىن جۇگىنگەن پايدالانۋشىنىڭ, تەحنيكالىق ىركىلىس تۋىنداعان ساتىپ الۋعا قاتىسقان بارلىق الەۋەتتى ءونىم بەرۋشىلەردىڭ ەلەكتروندىق پوچتاسى, تەلەفونى ارقىلى تەحنيكالىق ىركىلىستىڭ جويىلعانى, ناقتى جويۋ كۇنى مەن ۋاقىتى تۋرالى قايتا حابارلايدى, سونداي-اق ۆەب-پورتالدىڭ باستى بەتىندە حابارلاندىرۋلار مەن لوتتاردىڭ نومىرلەرى كورسەتىلە وتىرىپ, جاڭا وتكىزۋ مەرزىمدەرى كورسەتىلىپ ساتىپ الۋدى ۇزارتۋ فاكتىسى تۋرالى اقپاراتتى ورنالاستىرادى;
9) يەلەنۋشىگە, جۇمىس توبى مۇشەلەرىنە تەحنيكالىق ىركىلىستىڭ تۋىنداۋ سەبەبى مەن جويۋ بويىنشا ورىندالعان ءىس-شارالار, جويۋ ناتيجەسى, جاڭا وتكىزۋ مەرزىمدەرى كورسەتىلىپ ساتىپ الۋدى ۇزارتۋ فاكتىسى, تەحنيكالىق ىركىلىسكە جول بەرمەۋ جونىندەگى ۇسىنىستار تۋرالى جازباشا حابارلايدى.
17. جوعارى كۇردەلىلىك دەڭگەيى بار تەحنيكالىق ىركىلىستەر تۋىنداعان جاعدايدا وپەراتور مىناداي ءىس-شارالاردى ورىندايدى:
1) تۋىنداعان تەحنيكالىق ىركىلىس جازباشا, ەلەكتروندىق پوچتا, تەلەفون ارقىلى جۇمىس توبىن دەرەۋ حاباردار ەتەدى;
2) تەحنيكالىق ىركىلىس راستالعان ساتتەن باستاپ تەحنيكالىق ىركىلىستى جويۋ ءۇشىن قاجەتتى وتىنىمدەردى نەمەسە باعا ۇسىنىستارىن قابىلداۋ مەرزىمدەرى جۇيەنىڭ ءتيىستى مودۋلىندەگى تەحنيكالىق ىركىلىس پەن ۋاقىتى قاتار كەلگەن بارلىق ساتىپ الۋدى ۇزارتادى;
3) تەحنيكالىق ىركىلىس راستالعان ساتتەن باستاپ وتىز مينۋت ىشىندە ۆەب-پورتالدىڭ باستى بەتىنە تەحنيكالىق ىركىلىس, ونىڭ كۇردەلىلىك دەڭگەيى, ونى جويۋدىڭ جوسپارلى ۋاقىتى مەن كۇنى تۋرالى اقپاراتتى ورنالاستىرۋ جولىمەن پايدالانۋشىلاردى حابارلاندىرادى.
مۇنداي اقپارات وزگەرگەن جاعدايدا جۇيەنى پايدالانۋشىلارعا اقپاراتتى قايتا حابارلايدى;
4) كونكۋرس, اۋكتسيون, تۇرعىن ۇيلەردi ساتىپ الۋ نەمەسە باعا ۇسىنىستارىن سۇراتۋ تاسىلدەرىمەن ساتىپ الۋعا قاتىسۋعا وتىنىمدەردى جانە (نەمەسە) باعا ۇسىنىستارىن قابىلداۋ مەرزىمى ءىشىنارا سايكەس بولعان كەزدە وتىنىمدەردى جانە (نەمەسە) باعا ۇسىنىستارىن قابىلداۋ راسىمدەرىنىڭ ۋاقىتىن ۇزارتادى;
5) اۋكتسيون تاسىلىمەن ساتىپ الۋدا تەحنيكالىق ىركىلىس ۋاقىتى جانە اۋكتسيون تاۋارلارىنىڭ كەزەڭىن ۋاقتىلى وتكىزۋدىڭ ءىشىنارا نەمەسە تولىق سايكەس بولعان كەزدە اۋكتسيون تاۋارلارىن وتكىزۋ كەزەڭى تەحنيكالىق ىركىلىستى جويۋ فاكتىسى راستالعاننان كەيىن كەلەسى جۇمىس كۇنىنە اۋىستىرادى.
جۇيەنىڭ اۋكتسيوندى وتكىزۋ ناتيجەلەرى تۋرالى حاتتاما اۆتوماتتى تۇردە قالىپتاستىرىلعان جاعدايدا مۇنداي حاتتاما جانە بەرىلگەن وتىنىمدەر كۇشىن جويادى;
6) وتىنىمدەردى نەمەسە باعا ۇسىنىستارىن قابىلداۋ مەرزىمىنەن اساتىن تەحنيكالىق ىركىلىس بولعان جاعدايدا, مۇنداي ساتىپ الۋلار بويىنشا وتىنىمدەردى نەمەسە باعا ۇسىنىستارىن قابىلداۋ مەرزىمىن ۇزارتادى.
7) «باعا ۇسىنىستارىن سۇراتۋ», «اۋكتسيون», «كونكۋرس», «تۇرعىن ۇيلەردi ساتىپ الۋ» تاسىلدەرىمەن ساتىپ الۋعا بەرىلگەن باعا ۇسىنىستارىن اشۋ مۇمكىندىگىن بولدىرمايتىن تەحنيكالىق ىركىلىس كەزىندە, ەگەر تەحنيكالىق ىركىلىس كەزىندە وتىنىمدەردى نەمەسە باعا ۇسىنىستارىن قابىلداۋ مەرزىمى بىتپەگەن بولسا, وپەراتور ساتىپ الۋدى ىركىلىستى جويۋ ۋاقىتىنا ۇزارتادى جانە ءونىم بەرۋشىلەرگە وتىنىمدەردى جانە باعا ۇسىنىستارىن قايتا بەرۋ قاجەتتىگى تۋرالى حابارلايدى.
8) «باعا ۇسىنىستارىن سۇراتۋ», «اۋكتسيون», «كونكۋرس», «تۇرعىن ۇيلەردi ساتىپ الۋ» تاسىلدەرىمەن ساتىپ الۋعا بەرىلگەن باعا ۇسىنىستارىن اشۋ مۇمكىندىگىن بولدىرمايتىن تەحنيكالىق ىركىلىس كەزىندە, ەگەر تەحنيكالىق ىركىلىس كەزىندە وتىنىمدەردى نەمەسە باعا ۇسىنىستارىن قابىلداۋ مەرزىمى بىتكەن بولسا, تاسىلدەرىمەن ساتىپ الۋعا بەرىلگەن باعا ۇسىنىستارىن تولىق جازۋ مۇمكىندىگىن ەسكەرە وتىرىپ, وپەراتور وتىنىمدەردى نەمەسە باعا ۇسىنىستارىن قابىلداۋ مەرزىمىن ىركىلىس جويىلعان ساتتەن باستاپ, بەس جۇمىس كۇنىنە ۇزارتادى جانە ءونىم بەرۋشىلەرگە وتىنىمدەردى جانە باعا ۇسىنىستارىن قايتا بەرۋ قاجەتتىگى تۋرالى حابارلايدى.
تەجەۋسىز كۇش جاعداياتتارى باستالعان جاعدايدا وپەراتور يەلەنۋشىنى دەرەۋ حاباردار ەتەدى جانە اتالعان جاعداياتتاردىڭ بۇكىل ورىن الۋ ۋاقىتىندا توقتاعان ساتىنە دەيىن يەلەنۋشىگە قابىلدانىپ جاتقان شارالار مەن اتالعان جاعداياتتاردىڭ دالەلدەمەلەرىن ۇسىنادى. مۇنداي جاعدايلاردا يەلەنۋشى كەلىسىم بويىنشا, جاعداياتتار سوزىلعان ساعاتتاردىڭ (كۇندەردىڭ) سانىنا ساتىپ الۋ مەرزىمىن ۇزارتۋ تۋرالى شەشىم قابىلدايدى;
7) تەحنيكالىق ىركىلىستى جويۋعا كىرىسەدى;
8) ۆەب-پورتالدىڭ باستى بەتىندە حابارلاندىرۋلار مەن لوتتاردىڭ نومىرلەرى كورسەتىلىپ, تەحنيكالىق ىركىلىستىڭ ناقتى جويىلعان كۇنى مەن ۋاقىتى, ساتىپ الۋدى ۇزارتۋ فاكتىسى تۋرالى اقپاراتتى ورنالاستىرا وتىرىپ, تەحنيكالىق ىركىلىستىڭ جويىلعانى تۋرالى پايدالانۋشىلاردى قايتا حابارلاندىرادى;
9) يەلەنۋشىگە, جۇمىس توبى مۇشەلەرىنە تەحنيكالىق ىركىلىس, تۋىنداۋ سەبەبى جانە جويۋ بويىنشا ورىندالعان ءىس-شارالار, جويۋ ناتيجەسى, تەحنيكالىق ىركىلىستى بولدىرماۋ جونىندە ۇسىنىستاردى كورسەتە وتىرىپ, ساتىپ الۋدى ۇزارتۋ فاكتىسى تۋرالى جازباشا ءبىر جۇمىس كۇنى ىشىندە حابارلايدى.
18. ۆەب-پورتالدى پايدالانۋشىلاردىڭ ءىس-ارەكەتىندە قىلمىستىق جانە (نەمەسە) اكىمشىلىك قۇقىق بۇزۋشىلىقتاردىڭ بەلگىلەرى انىقتالعان جاعدايدا وپەراتور يەلەنۋشىگە, سونداي-اق قۇقىق قورعاۋ ورگاندارىنا نەمەسە قىلمىستىق جانە (نەمەسە) اكىمشىلىك قۇقىق بۇزۋشىلىق تۋرالى ىستەردى قاراۋعا ۋاكىلەتتىك بەرىلگەن ورگاندارعا اقپارات جىبەرەدى.
19. جۇيەنىڭ جۇمىس ىستەۋىندە وپەراتوردىڭ ءوز كۇشىمەن جويۋى مۇمكىن ەمەس ىركىلىستەر بولعان جاعدايدا وپەراتور يەلەنۋشىنىڭ كەلىسىمىمەن باعدارلامالىق جانە اپپاراتتىق قامتاماسىز ەتۋ بويىنشا ءتيىستى جوعارى بىلىكتى مامانداردى تارتادى.
6. وپەراتوردىڭ جوسپارلى-پروفيلاكتيكالىق جۇمىستاردى جۇرگىزۋى كەزىندە مەملەكەتتىك ساتىپ الۋ ۆەب-پورتالىنىڭ جۇمىس ءتارتىبى
20. جۇيەدە تەحنيكالىق جانە پروفيلاكتيكالىق جۇمىستاردى جۇرگىزۋ اعىمداعى جىلدىڭ ءبىرىنشى ايىنىڭ ءبىرىنشى دەكاداسىندا بەكىتىلگەن جانە ۆەب-پورتالدا جاريالانعان جۇيەدە تەحنيكالىق جانە پروفيلاكتيكالىق جۇمىستار جۇرگىزۋ بويىنشا جۇمىس جوسپارى نەگىزىندە جۇزەگە اسىرىلادى.
21. جۇيەنىڭ تەحنيكالىق جانە پروفيلاكتيكالىق جۇمىستارى جۇرگىزىلگەن جاعدايدا وپەراتور تەحنيكالىق جانە پروفيلاكتيكالىق جۇمىستار جۇرگىزىلگەنگە دەيىن ەكى كۇنتىزبەلىك كۇن بۇرىن جۇيەنى پايدالانۋشىلارعا حابارلايدى. بۇل رەتتە, كۇنى اتالعان كەزەڭگە تۇس كەلەتىن ساتىپ الۋ بويىنشا وتىنىمدەردى قابىلداۋدى اياقتاۋ, اشۋ راسىمدەرىنىڭ, جىبەرۋ جانە قورىتىندىلار شىعارۋ مەرزىمدەرى تەحنيكالىق جانە پروفيلاكتيكالىق جۇمىستار بولعان ۋاقىتقا اۋىستىرىلاتىن بولادى.
7. تەحنيكالىق ىركىلىس تۋىنداعان جاعدايداعى ۆەب-پورتال
جۇمىسىنىڭ ماسەلەلەرى بويىنشا وپەراتوردىڭ
جۇمىس توبىمەن ءوزارا ءىس-قيمىل ءتارتىبى
22. تەحنيكالىق ىركىلىستىڭ تۋىنداعانى تۋرالى اقپارات تۇسكەن كەزدە وپەراتور ورتا جانە جوعارى كۇردەلىلىك دەڭگەيى بار تەحنيكالىق ىركىلىستى راستاۋ ماقساتىندا جازباشا, ەلەكتروندىق پوچتا, تەلەفون ارقىلى يەلەنۋشىنىڭ اقپاراتتاندىرۋ, اقپاراتتىق قاۋىپسىزدىكتى قامتاماسىز ەتۋ ماسەلەلەرىنە جاۋاپتى قۇرىلىمدىق بولىمشەسىن, جۇمىس توبى مۇشەلەرىن تۋىنداعان تەحنيكالىق ىركىلىس تۋرالى حاباردار ەتەدى.
23. وپەراتور كۇندەلىكتى الدىڭعى كۇننىڭ تەحنيكالىق ىركىلىستەرىنە تالداۋ جۇرگىزەدى جانە ولاردى بارىنشا تەز جويۋدى قامتاماسىز ەتەدى.
24. وپەراتور توقسان سايىن شارتتىق قاتىناس شەڭبەرىندە جۇمىس توبىنا:
وپەراتوردىڭ باسشىلىعى جانە ءبولىمنىڭ جاۋاپتى تۇلعالارى قول قويعان ەسەپكە الۋ جۋرنالىنان ءۇزىندى كوشىرمەنى;
تەحنيكالىق ىركىلىستەر تۋىنداۋ سەبەپتەرى, جويۋ بويىنشا ورىندالعان ءىس-شارالار, جويۋ ناتيجەلەرى, تەحنيكالىق ىركىلىسكە جول بەرمەۋ جونىندەگى ۇسىنىستار تۋرالى اقپاراتتى;
ءوتىنىمنىڭ ورىندالۋىن قامتاماسىز ەتۋ سومالارىن كورسەتە وتىرىپ, ساتىپ الۋعا قاتىسۋعا ءوتىنىمنىڭ ورىندالۋىن قامتاماسىز ەتۋدى الەۋەتتىك ءونىم بەرۋشىنىڭ جوعالتۋىنا ىقپال ەتكەن قول قويىلعان تەحنيكالىق ىركىلىس تۋرالى اكتىلەردىڭ كوشىرمەلەرىن بەرەدى.
25. جۇمىس توبى ۇسىنىلعان اقپاراتتى قارايدى جانە مەملەكەتتىك ساتىپ الۋ جونىندەگى ۋاكىلەتتى ورگاننىڭ باسشىلىعىنا تەحنيكالىق ىركىلىستەردى جويۋ جانە ولارعا جول بەرمەۋ بويىنشا ۇسىنىم جىبەرەدى, وپەراتوردىڭ نەمەسە باسقا تۇلعانىڭ كىناسىنەن جۇيەدە تۋىنداعان تەحنيكالىق ىركىلىستەر ءۇشىن تۇراقسىزدىق ايىبىنىڭ (ايىپپۇل, ءوسىمپۇل) سوماسىن ەسەپتەيدى.
26. جۇمىس توبى توقسان سايىندىق نەگىزدە باسشىلىقتى جۇرگىزىلەتىن جۇمىس ناتيجەلەرى تۋرالى حاباردار ەتەدى.
27. مەملەكەتتىك ساتىپ الۋعا قا