«كوكشەتاۋ» مادەنيەت سارايىندا مەملەكەتتىك قىزمەت ىستەرى مينيسترلىگىنىڭ سىبايلاس جەمقورلىققا قارسى ءىس-قيمىل ۇلتتىق بيۋروسى توراعاسىنىڭ ورىنباسارى اليك شپەكباەۆ پەن اقمولا وبلىسىنىڭ اكىمى سەرگەي كۋلاگيننىڭ قاتىسۋىمەن جەرگىلىكتى اتقارۋ ورگاندارىنداعى سىبايلاس جەمقورلىقتىڭ الدىن الۋ ماسەلەلەرىنە قاتىستى وبلىستىق ءماجىلىس بولىپ ءوتتى. ونىڭ جۇمىسىنا مەملەكەتتىك جانە قۇقىق قورعاۋ ورگاندارىنىڭ باسشىلارى, قوعامدىق قاۋىمداستىق وكىلدەرى شاقىرىلدى.
ماجىلىستە اقمولا وبلىسى اكىمى اپپاراتىنىڭ باسشىسى جومارت نۇركەنوۆ سىبايلاس جەمقورلىقپەن كۇرەس جانە ونىڭ الدىن الۋ تاقىرىبىندا بايانداما جاسادى. شەشەن اتاپ كورسەتكەنىندەي, ءوڭىردە قازاقستان رەسپۋبليكاسىنىڭ 2015-2025 جىلدارعا ارنالعان سىبايلاس جەمقورلىققا قارسى ستراتەگياسى مەن جاسىرىن ەكونوميكامەن كۇرەسكە باعىتتالعان ءىس-شارا جوسپارى جۇزەگە اسىرىلۋدا. وبلىس اكىمدىگىنىڭ قاۋلىسىمەن بەكىتىلگەن جوسپارعا سايكەس ماقساتتى جۇمىستار اتقارىلىپ جاتقاندىعى تىلگە تيەك ەتىلدى. قالالار مەن اۋداندار اكىمدىكتەرىندە ارنايى كوميسسيالار قۇرىلعان. جەرگىلىكتى اتقارۋشى ورگانداردىڭ ۇيىمداستىرۋىمەن اعىمداعى جىلى سىبايلاس جەمقورلىق تاقىرىبىندا 250 سەمينار-كەڭەس پەن دوڭگەلەك ۇستەل ماجىلىستەرى وتكىزىلدى.
سىبايلاس جەمقورلىقپەن كۇرەس ماقساتىندا, اقمولا وبلىسى اكىمدىگىنىڭ جانىندا كاسىپكەرلىك قوزعالىستى دامىتۋ جونىندەگى ساراپتامالىق كوميسسيا جۇمىس ىستەۋدە. جالپى وبلىس بويىنشا وسىنداي 19 كەڭەس بەلسەندى قىزمەت اتقارىپ وتىرعانى جونىندە تاراتىپ ايتىلدى. ناقتىلاي تۇسسەك, 2015-2016 جىلدار ارالىعىندا كوميسسيالاردىڭ 70 ءماجىلىسى وتكىزىلىپ, جەكە كاسىپكەرلىك مۇددەسىنە قاتىستى 96 نورماتيۆتىك-قۇقىقتىق اكت جوباسى قاراستىرىلعان.
وڭىردە وبلىس اكىمىنىڭ, مەملەكەتتىك ورگاندار باسشىلارىنىڭ كاسىپكەرلىك پالاتاسى جانە قوعامدىق ءبىرلەستىك وكىلدەرىمەن كاسىپكەرلىك سالاسىنداعى سىبايلاستىق كورىنىستەرىنە قارسى تۇرۋ ماسەلەلەرىن ارقاۋ ەتكەن كەزدەسۋلەرى تۇراقتى سيپات العان.
وبلىستا شاعىن جانە ورتا بيزنەستى قولداۋ, ونىڭ ىشىندە بيزنەستى جۇرگىزۋگە قولايلى جاعدايلار جاساۋ بويىنشا تۇراقتى نەگىزدەگى جۇمىستار جۇرگىزىلۋدە. مۇنىڭ ءبىر مىسالى رەتىندە, كوكشەتاۋ قالاسىندا كاسىپكەرلەرگە قىزمەت كورسەتۋ ورتالىعى اشىلىپ, ءبىر تەرەزە نەگىزىندە كەشەندى قىزمەت كورسەتىپ جاتقاندىعى ايتىلدى. بيىلعى جىلى 1904 ازامات ورتالىق قىزمەتىنە جۇگىنسە, وبلىس بويىنشا 5760 كاسىپكەرگە تولىققاندى كەڭەس بەرىلگەن.
ءماجىلىس بارىسىندا ا.شپەكباەۆ سىبايلاس جەمقورلىق زاڭىنىڭ قولدانىس اياسى, قۇقىق بۇزۋشىلىق ورىن العان جاعدايداعى قولدانىلاتىن شارالار مەن جازالار اۋقىمى جونىندە كەڭىنەن تۇسىنىك بەردى. كۇن تارتىبىندەگى ماسەلەگە قاتىستى تانىمدىق بەينە روليكتەردىڭ دە اسەرى مول بولدى. ءوز كەزەگىندە ءوڭىر باسشىسى س.كۋلاگين بۇگىنگى ماڭىزدى شارا سىبايلاس جەمقورلىق قاۋىپىن مەيلىنشە تومەندەتۋگە جانە ونىڭ الدىن الۋعا قوسىمشا ەكپىن بەرەتىنىن اتاپ ءوتتى.
باقبەرگەن امالبەك,
«ەگەمەن قازاقستان»
كوكشەتاۋ