ىقپالداستىق ارتىپ, ىنتىماقتاستىق نىعايدى

كەشە ەلىمىزدىڭ باس پروكۋرورى جاقىپ اسانوۆ اقش-تىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى دجوردج كرولمەن كەزدەستى. اڭگىمە بارىسىندا قازاق­ستان­نىڭ باس پروكۋرورى زاماناۋي كەزەڭدەگى قاداعالاۋ ورگانى قىز­مەتىنىڭ نەگىزگى باعىتتارى تۋرالى مالىمەت بەردى. تاراپتار ەكى ەل اراسىنداعى قۇ­قىقتىق ءىس-قيمىل بويىنشا بىرقاتار ماسەلەلەردى تالقىلادى. سونىڭ ىشىندە, تەرروريزم جانە ەكسترەميزممەن كۇرەس, ەكسپو-2017 كورمەسىن وتكىزۋ بارى­سىندا قاۋىپ­سىزدىكتى قامتاماسىز ەتۋ جانە ەكى­جاقتى قۇقىقتىق بازانى كەڭەيتۋ سالاسىنداعى ىن­تىماقتاستىق ماسەلەلەرى قام­تىلدى. ولار قول جەتكىزىلگەن ىق­پال­داستىق دەڭگەيىن ريزاشىلىقپەن اتاپ ءوتىپ, قىلمىسپەن كۇرەس بويىن­شا ەكىجاقتى قارىم-قاتىناستى ودان ءارى جانداندىرۋ قاجەتتىلىگىنە نا­زار اۋدارىپ, ءوزارا ءتيىمدى ىن­تى­ماق­تاستىقتى دامىتۋعا دايىن ەكەن­دىك­تەرىن ءبىلدىردى, دەپ حابارلا­دى باس پروكۋراتۋرانىڭ ءباسپاسوز قىزمەتى.