وليمپيادادا بوكستان ءوتىپ جاتقان جارىستارعا 75 كيلوعا دەيىنگى سالماقتا قاتىسىپ جاتقان جانىبەك ءالىمحان ۇلىنىڭ شيرەك فينالداعى قارسىلاسى بەلگىلى بولدى. ول – ازەربايجان كامران شاحسۋۆارلى. اپشەرون تۇبەگىنىڭ وكىلى 1/8 فينالدا رەسەيلىك ارتەم چەبوتارەۆتى جەڭدى.
كامران 1990 جىلى اقتوبەدە تۋعان. اقتوبەنىڭ بوكس مەكتەبىنىڭ تۇلەگى.
2011 جىلى وليمپيادانىڭ كۇمىس جۇلدەگەرى سەرىك قوناقباەۆتىڭ جۇلدەسى ءۇشىن وتكەن حالىقارالىق ءتۋرنيردىڭ جەڭىمپازى بولعان. قازاقستاننىڭ اتىنان كاسىپقوي بوكسشى رەتىندە بەس جارىسقا قاتىسىپ, سونىڭ بارىندە جەڭىسكە جەتكەن.
2013 جىلى ازەربايجاننىڭ ازاماتتىعىن الىپ, سول ەلگە كوشىپ كەتكەن.
جانىبەك ءالىمحان ۇلى مەن كامران شاحسۋۆارلىنىڭ جەكپە-جەگى 15 تامىزدا وتەدى.
داستان كەنجالين
فوتو: facebook.com