تۇركيا بيلىگى ەلدىڭ قۇراماسى مەن «گالاتاساراي» كومانداسىنىڭ بۇرىنعى شابۋىلشىسى حاكان شۇكىر مەن ونىڭ اكەسى سەمەت شۇكىردى قاماۋعا الۋ تۋرالى بۇيرىق بەردى.
Milliyet گازەتىنىڭ جازۋىنا قاراعاندا, ساكاريانىڭ باس پروكۋراتۋراسى كەشە فەتحۋللاح گۇلەننىڭ تەررورلىق ۇيىمىنا بايلانىستى جۇرگىزىلگەن تەكسەرىستىڭ شەڭبەرىندە وسىنداي شەشىم قابىلداعان. وسىنىڭ نەگىزىندە ساكاريا پوليتسياسى باسقارماسىنىڭ قىزمەتكەرلەرى قازىر اقش-تا تۇرىپ جاتقان حاكان شۇكىردىڭ ىستانبۇلداعى ۇيىنە ءتىنتۋ جۇرگىزگەن. مۇنداي ءتىنتۋ سونداي-اق فۋتبولشىنىڭ اداپازارادا تۇرىپ, قۇرىلىس ىسىمەن اينالىساتىن اكەسىنىڭ ۇيىنە دە جاسالعان. بىراق ۇيدە سەمەت شۇكىر بولماي شىققان.
ال حاكان شۇكىردى قاماۋ تۋرالى شەشىم قىزىل بيۋللەتەن بويىنشا قابىلدانعان.
مۇرات ايتقوجا
حاكان شۇكىر – 2002 جىلعى الەم چەمپيوناتىندا ەڭ تەز سوعىلعان (9,8 سەكۋندتا) گولدىڭ اۆتورى.
https://youtu.be/3DcsndxRhZo