«قازگيدرومەت» رمك-نىڭ حابارلاۋىنشا, ەلىمىزدىڭ باتىسى مەن سولتۇستىگىندە اتموسفەرالىق اعىنداردىڭ وتۋىمەن وتكىنشى جاڭبىر جاۋىپ, نايزاعاي وينايدى. ال رەسپۋبليكانىڭ قالعان ايماقتارىندا كۇن رايى اشىق بولادى.
سينوپتيكتەردىڭ ايتۋىنشا, كەي جەرلەردە جەل كۇشەيەدى, وڭتۇستىكتە شاڭدى داۋىل كوتەرىلەدى.
كۇندىز جامبىل مەن قىزىلوردا وبلىستارىنىڭ كەيبىر اۋماقتارىندا شاڭدى داۋىل بولىپ, جەلدىڭ جىلدامدىعى 15-20 م/س قۇرايدى. سونىمەن قاتار, وڭتۇستىك قازاقستان, باتىس قازاقستان, قوستاناي وبلىستارىندا جەل 15-20 م/س دەيىن كۇشەيەدى.
شىعىس قازاقستان وبلىسىندا تۇندە جانە تاڭەرتەڭ تۇمان تۇسەدى. كۇندىز اتىراۋ, باتىس قازاقستان, اقتوبە وبلىستارىندا, وڭتۇستىك قازاقستان, ماڭعىستاۋ, قوستاناي وبلىستارىنىڭ كەي جەرلەرىندە اپتاپ ىستىق بولادى.
قىزىلوردا, وڭتۇستىك قازاقستان, جامبىل وبلىستارىندا توتەنشە ءورت قاۋپى ساقتالادى.
تالعات رايىمبەك