ەلباسىمىز ن.Ə.نازارباەۆتىڭ ۆاشينگتون قالاسىندا وتكەن يادرولىق قاۋىپسىزدىك جونىندەگى IV حالىقارالىق سامميتتە جاريالاعان «Əلەم. ءححى عاسىر» مانيفەسىن باياندى ەتۋ ماقساتىندا قازاقستان حالقى اسسامبلەياسى «اق ورامال» رەسپۋبليكالىق اكتسياسىن وتكىزۋگە باستاما كوتەرگەن ەدى. اكتسيانىڭ باستى ماقساتى – قازاقستاندىقتاردى شىعۋ تەگىنە, ولاردىڭ ءدىني, əلەۋمەتتىك, باسقا دا ەرەكشەلىكتەرىنە قاراماستان, بەيبىتشىلىك يدەياسى اياسىنا شوعىرلاندىرۋ بولىپ تابىلادى.
وسىناۋ يگى شارا اقمولا وبلىسىندا دا كەڭ اۋقىمدا جالعاسىن تاۋىپ وتىر. قازاقستان حالقى اسسامبلەياسىنىڭ وبلىستاعى فيليالىنىڭ انالار كەڭەسى مەن قالالىق «دوستىق ءۇيى» مەكەمەسى «اق ورامالدىڭ» العاشقى ءماجىلىسىن ۇلتتىق ۇلاننىڭ كوكشەتاۋ قالاسىنداعى 5510 اسكەري بولىمىندە وتكىزدى.
جيىننىڭ اشىلۋ سالتاناتىندا سويلەگەن اقمولا وبلىستىق قازاقستان حالقى اسسامبلەياسى حاتشىلىعىنىڭ مەڭگەرۋشىسى مارال جاقىپوۆا وسىنداي يگى شارا بەيبiتشiلiك پەن تاتۋلىقتى دəرiپتەيتiنىن ايتسا, انالار كەڭەسىنىڭ ءتورايىمى زەرە قيىقوۆا اكتسيانىڭ «اق ورامال» اتانۋ سەبەپتەرىنە توقتالدى. ول اق ءتۇستىڭ تازالىقتى بەينەلەيتىنىن ايتا كەلىپ, ەل اراسىندا داۋ-داماي ورىن العان جاعدايدا əيەل-انا باسىنداعى ورامالىن شەشكەندە تالاي قانتوگىستىڭ الدىن العانى جايلى جينالعان قاۋىمعا əسەرلى تۇردە əڭگىمەلەپ بەردى. زەرە ەسپايقىزى اقتوبەدەگى لاڭكەستىك وقيعا كەزىندە جاراقات العان 6655 əسكەري ءبولىمىنىڭ ساربازدارى اقمولالىق دەنيس چەرنىشەۆتىڭ اناسى يرينا چەرنىشەۆاعا جəنە ارتەم اۆدەەۆتىڭ اناسى مارينا اۆدەەۆاعا اق ورامالدى تاعىپ, ىزگى تىلەكتى باتاسىن بەردى. ال «قوعامدىق كەلىسىم» مەملەكەتتىك مەكەمەسى ەرجۇرەك جاۋىنگەرلەر دەنيس چەرنىشەۆ پەن ارتەم اۆدەەۆكە كومپيۋتەر سىيلادى.
«اق ورامال» رەسپۋبليكالىق اكتسياسىنا «دوستار» مادەنيەت سارايىنىڭ شىعارماشىلىق ۇجىمدارى مەن تانىمال انشىلەر اتسالىسىپ, ءىس-شارانى كونتسەرتتىك باعدارلامامەن ارلەندىرە ءتۇستى.
سونداي-اق, ەرەيمەنتاۋ اۋداندىق ىسكەر əيەلدەر قاۋىمداستىعىنىڭ ۇيىمداستىرۋىمەن «اق ورامال» اكتسياسى ەلتاي اۋىلىندا وتكىزىلدى. مۇندا اكتسياعا قاتىسۋشىلار ەرلان شاپاقوۆ پەن جانار عالىموۆانىڭ وتباسىندا دۇنيەگە كەلگەن سابيگە «باۋى بەرىك بولسىن» ايتىپ, سىي-سياپاتتار جاسادى. ءبىر قاراعاندا, بۇل ۇساق جايت سياقتانعانىمەن, ونىڭ استارىندا ادامداردىڭ قۋانىشىنا ورتاقتاسۋ, جىلى ىقىلاس تانىتۋ, سول ارقىلى ەل-جۇرتتى تاتۋلىققا, بىرلىككە شاقىرۋ جاتقاندىعى انىق.
باقبەرگەن امالبەك,
«ەگەمەن قازاقستان»
اقمولا وبلىسى