ريو دە جانەيروداعى جازعى وليمپيادانىڭ جابىلۋىنا وراي, استانادا سپورت كۇنى اتاپ وتىلەدى. ەلوردا تۇرعىندارى مەن قوناقتارىنا ارنالعان بۇل شارا بارىسىندا سپورتتىڭ 21 تۇرىنەن جارىس, سونىڭ ىشىندە ءتۇرلى قويىلىمدار, شەبەرلىك دارىستەرى ۇيىمداستىرىلادى.
سپورت مەرەكەسىن 12 تامىزدا «دۋمان» ويىن-ساۋىق ورتالىعىندا وتەتىن كوركەم گيمناستيكا جارىسى باستايدى.
19 تامىزدا «عاشىقتار» ساياباعىندا گير كوتەرۋ, ارمرەستلينگ, اسىق اتۋدان بۇقارالىق سپورت جارىسى وتەدى. كەلۋشىلەر تاەكۆوندو, كيوكۋشينكاي-كان كاراتە, بوديبيلدينگ جانە اۋىر اتلەتيكادان شەبەرلىك دارىستەرىنە قاتىسا الادى. سونىمەن قاتار «Astana mall» ساۋدا ويىن-ساۋىق ورتالىعىندا رەسەي فەدەراتسياسىنا تانىمال ءبيشى س.بەلياەۆ سپورتتىق بي بيلەۋدى ۇيرەتەدى. جالپى, سپورت كەشەندەرىندە وتكىزىلەتىن جارىستاردا 4 مىڭعا جۋىق ادام باعىن سىناماق.
مەرەكە اياسىندا ەڭبەك ۇجىمدارىنىڭ اراسىندا فۋتبول جارىستارى مەن جولداستىق ماتچتار وتكىزىلەدى.
20 تامىزدا «بالالار سپورتىنان وليمپيادالىق شىڭعا دەيىن» اكتسياسى شاڭعى-روللەرلىك تراسسانىڭ جانىندا وتكىزىلەدى, وعان 200 ادام قاتىسادى دەپ كۇتىلۋدە.
21 تامىزدا سپورت مەرەكەسى - «داۋلەت» سپورت كومبيناتى مەن «الاۋ» مۇزايدىنى سارايىندا جالعاسادى. الاۋپيادا, «اكەم, انام جانە مەن – سپورتتىق وتباسى» ۇرانىمەن وتباسىلىق جارىستار ۇيىمداستىرىلادى. سپورتتىق جارىستارعا بەلسەنە قاتىسىپ, باق سىناپ, بايگەگە ءتۇسىپ كورىڭىز!
ايمان مۇقىشوۆا