بۇگىن باس پروكۋرور جاقىپ اسانوۆ اقش-تىڭ ەلىمىزدەگى توتەنشە جانە وكىلەتتى ەلشىسى دجوردج كرولمەن كەزدەستى, دەپ حابارلادى باس پروكۋراتۋرانىڭ ءباسپاسوز قىزمەتى.
كەزدەسۋ بارىسىندا باس پروكۋرور قاداعالاۋ ورگانى قىزمەتىنىڭ نەگىزگى باعىتتارى تۋرالى مالىمەت بەردى.
تاراپتار ەكى ەل اراسىنداعى قۇقىقتىق ىنتىماقتاستىق بويىنشا بىرقاتار ماسەلەلەردى تالقىلادى. سونىڭ ىشىندە, تەرروريزم جانە ەكسترەميزممەن كۇرەس, ەكسپو-2017 كورمەسىن وتكىزۋ بارىسىندا قاۋىپسىزدىكتى قامتاماسىز ەتۋ, قۇقىق قورعاۋ سالاسىنىڭ ساراپشىلارىمەن جانە ماماندارىمەن الماسۋ, سونىمەن قاتار, ەكىجاقتى شارت-قۇقىقتىق بازانى كەڭەيتۋ ىسىندەگى ىنتىماقتاستىق ماسەلەلەرى قامتىلدى.
جاقىپ اسانوۆ قازاقستاننىڭ باس پروكۋراتۋراسى قۇقىقتىق سالاداعى سىندارلى ءارى ءوزارا ءتيىمدى ديالوگقا دايىن ەكەنىن اتاپ ءوتتى.
قوس تاراپ قول جەتكىزىلگەن ىقپالداستىق دەڭگەيىن ريزاشىلىقپەن اتاپ ءوتىپ, قىلمىسپەن كۇرەس جونىندەگى ەكىجاقتى قارىم-قاتىناستى جانداندىرۋ قاجەتتىلىگىنە نازار اۋداردى. سونداي-اق ءوزارا ءتيىمدى ىنتىماقتاستىقتى دامىتۋعا دايىن ەكەندەرىن ءبىلدىردى.
ايدار ورىسباەۆ